ਭਾਰਤ ਨੇ ਨੀਦਰਲੈਂਡ ਨੂੰ ਸ਼ੂਟਆਊਟ ’ਚ ਹਰਾਇਆ

ਭੁਵਨੇਸ਼ਵਰ, (ਭਾਸ਼ਾ)– ਤਜਰਬੇਕਾਰ ਗੋਲਕੀਪਰ ਪੀ. ਆਰ. ਸ਼੍ਰੀਜੇਸ਼ ਦੀ ਸ਼ਾਨਦਾਰ ਖੇਡ ਦੇ ਦਮ ’ਤੇ ਭਾਰਤੀ ਪੁਰਸ਼ ਹਾਕੀ ਟੀਮ ਨੇ ਐਤਵਾਰ ਨੂੰ ਇੱਥੇ ਐੱਫ. ਆਈ. ਐੱਚ. ਪ੍ਰੋ ਲੀਗ ਵਿਚ ਦੁਨੀਆ ਦੀ ਨੰਬਰ-1 ਟੀਮ ਨੀਦਰਲੈਂਡ ਨੂੰ ਪੈਨਲਟੀ ਸ਼ੂਟਆਊਟ ਵਿਚ 4-2 ਨਾਲ ਹਰਾ ਕੇ ਆਪਣੀ ਲਗਾਤਾਰ ਦੂਜੀ ਜਿੱਤ ਦਰਜ ਕੀਤੀ। ਸ਼੍ਰੀਜੇਸ਼ ਨੇ ਸ਼ੂਟਆਊਟ ਵਿਚ 3 ਬਚਾਅ ਕੀਤੇ ਤੇ ਇਸ ਤਰ੍ਹਾਂ ਨਾਲ ਭਾਰਤ ਨੂੰ ਦੋ ਬੋਨਸ ਅੰਕ ਦਿਵਾਉਣ ਵਿਚ ਅਹਿਮ ਭੂਮਿਕਾ ਨਿਭਾਈ। ਨੀਦਰਲੈਂਡ ਨੂੰ ਇਸ ਮੁਕਾਬਲੇ ਤੋਂ ਇਕ ਅੰਕ ਮਿਲਿਆ। ਦੋਵੇਂ ਟੀਮਾਂ ਨਿਰਧਾਰਿਤ ਸਮੇਂ ਵਿਚ 2-2 ਨਾਲ ਬਰਾਬਰੀ ’ਤੇ ਸੀ। ਭਾਰਤ ਨੇ ਸ਼ਨੀਵਾਰ ਨੂੰ ਸਪੇਨ ਨੂੰ 4-1 ਨਾਲ ਹਰਾਇਆ ਸੀ।