IND vs SA 1st Test Day 2 Stumps : ਸਪਿਨਰਾਂ ਨੇ ਕਰਾਈ ਵਾਪਸੀ, ਦੱ. ਅਫਰੀਕਾ ਨੂੰ ਹੁਣ ਤਕ 63 ਦੌੜਾਂ ਦੀ ਬੜ੍ਹਤ

ਸਪੋਰਟਸ ਡੈਸਕ- ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਖੇਡੇ ਜਾ ਰਹੇ ਦੋ ਟੈਸਟ ਮੈਚਾਂ ਦੇ ਪਹਿਲੇ ਮੈਚ ਦੇ ਦੂਜੇ ਦਿਨ ਦੀ ਖੇਡ ਖਤਮ ਹੋ ਗਈ ਹੈ। ਇਸ ਤੋਂ ਬਾਅਦ ਦੱਖਣੀ ਅਫਰੀਕਾ ਦੇ ਬੱਲੇਬਾਜ਼ੀ ਦੌਰਾਨ ਰਵਿੰਦਰ ਜਡੇਜਾ ਦੀ ਅਗਵਾਈ ਵਿੱਚ ਭਾਰਤ ਦੇ ਸਪਿਨਰਾਂ ਨੇ ਮੈਚ ਵਿੱਚ ਵਾਪਸੀ ਕੀਤੀ ਹੈ। ਭਾਰਤ ਦੀ ਪਹਿਲੀ ਪਾਰੀ 189 ਦੌੜਾਂ 'ਤੇ ਖਤਮ ਹੋਈ, ਜਿਸ ਨਾਲ ਉਸ ਨੂੰ 30 ਦੌੜਾਂ ਦੀ ਲੀਡ ਮਿਲੀ। ਦੱਖਣੀ ਅਫਰੀਕਾ ਨੇ ਦਿਨ ਦੇ ਖੇਡ ਦੇ ਅੰਤ ਤੱਕ ਆਪਣੀ ਦੂਜੀ ਪਾਰੀ ਵਿੱਚ ਸੱਤ ਵਿਕਟਾਂ 'ਤੇ 93 ਦੌੜਾਂ ਬਣਾ ਲਈਆਂ, ਜਿਸ ਨਾਲ ਉਸਦੀ ਲੀਡ 63 ਦੌੜਾਂ ਹੋ ਗਈ। ਸਟੰਪਸ ਸਮੇਂ, ਤੇਂਬਾ ਬਾਵੁਮਾ 29 ਦੌੜਾਂ ਅਤੇ ਕੋਬਿਨ ਬੋਸ਼ 1 ਦੌੜ ਨਾਲ ਕ੍ਰੀਜ਼ 'ਤੇ ਸਨ। ਭਾਰਤ ਲਈ ਰਵਿੰਦਰ ਜਡੇਜਾ ਨੇ 4, ਕੁਲਦੀਪ ਯਾਦਵ ਨੇ 2 ਤੇ ਅਕਸ਼ਰ ਪਟੇਲ ਨੇ 1 ਵਿਕਟਾਂ ਲਈਆਂ।