ਹਾਕੀ ਨੈਸ਼ਨਲ ਚੈਂਪੀਅਨਸ਼ਿਪ : ਮੱਧ ਪ੍ਰਦੇਸ਼ ਅਤੇ ਪੰਜਾਬ ਵਿਚਕਾਰ ਹੋਵੇਗਾ ਮੁਕਾਬਲਾ

ਝਾਂਸੀ-15ਵੀਂ ਹਾਕੀ ਇੰਡੀਆ ਸੀਨੀਅਰ ਪੁਰਸ਼ ਰਾਸ਼ਟਰੀ ਚੈਂਪੀਅਨਸ਼ਿਪ ਦਾ ਖਿਤਾਬੀ ਮੁਕਾਬਲਾ ਮੱਧ ਪ੍ਰਦੇਸ਼ ਅਤੇ ਪੰਜਾਬ ਵਿਚਕਾਰ ਖੇਡਿਆ ਜਾਵੇਗਾ।ਅੱਜ ਇੱਥੇ ਖੇਡੇ ਗਏ ਸੈਮੀਫਾਈਨਲ ਮੈਚਾਂ 'ਚ ਮੱਧ ਪ੍ਰਦੇਸ਼ ਨੇ ਮਨੀਪੁਰ ਨੂੰ ਹਰਾ ਕੇ ਅਤੇ ਪੰਜਾਬ ਨੇ ਉੱਤਰ ਪ੍ਰਦੇਸ਼ ਨੂੰ ਹਰਾ ਕੇ ਫਾਈਨਲ 'ਚ ਪ੍ਰਵੇਸ਼ ਕੀਤਾ। ਪਹਿਲੇ ਸੈਮੀਫਾਈਨਲ ਮੈਚ 'ਚ, ਮੱਧ ਪ੍ਰਦੇਸ਼ ਨੇ ਮਨੀਪੁਰ ਨੂੰ 5-3 ਨਾਲ ਹਰਾ ਕੇ ਗ੍ਰੈਂਡ ਫਾਈਨਲ 'ਚ ਆਪਣੀ ਜਗ੍ਹਾ ਪੱਕੀ ਕੀਤੀ।
ਹਾਕੀ ਮੱਧ ਪ੍ਰਦੇਸ਼ ਲਈ, ਕਪਤਾਨ ਯੂਸਫ਼ ਅਫਾਨ (5ਵੇਂ, 34ਵੇਂ) ਅਤੇ ਅਲੀ ਅਹਿਮਦ (7ਵੇਂ, 15ਵੇਂ) ਨੇ ਦੋ-ਦੋ ਗੋਲ ਕੀਤੇ ਜਦੋਂ ਕਿ ਮੁਹੰਮਦ ਜ਼ੈਦ ਖਾਨ (49ਵੇਂ) ਨੇ ਇੱਕ ਗੋਲ ਕੀਤਾ। ਮਨੀਪੁਰ ਲਈ, ਮੋਇਰੰਗਥੇਮ ਰਵੀਚੰਦਰ ਸਿੰਘ (47ਵੇਂ), ਕਪਤਾਨ ਚਿੰਗਲੇਨਸਾਨਾ ਸਿੰਘ ਕੰਗੁਜਮ (50ਵੇਂ ਮਿੰਟ) ਅਤੇ ਲੈਸ਼ਰਾਮ ਦੀਪੂ ਸਿੰਘ (53ਵੇਂ ਮਿੰਟ) ਨੇ ਗੋਲ ਕੀਤੇ। ਦੂਜੇ ਸੈਮੀਫਾਈਨਲ ਮੈਚ 'ਚ, ਪੰਜਾਬ ਨੇ ਉੱਤਰ ਪ੍ਰਦੇਸ਼ ਨੂੰ ਕਰੀਬੀ ਮੈਚ 'ਚ 4-3 ਨਾਲ ਹਰਾਇਆ। ਪੰਜਾਬ ਲਈ, ਜਸਜੀਤ ਸਿੰਘ ਕੁਲਾਰ ਨੇ ਦੋ ਵਾਰ (14ਵੇਂ, 40ਵੇਂ) ਗੋਲ ਕੀਤੇ ਜਦੋਂ ਕਿ ਹਰਜੀਤ ਸਿੰਘ (22ਵੇਂ) ਅਤੇ ਜੁਗਰਾਜ ਸਿੰਘ (45ਵੇਂ) ਨੇ ਗੋਲ ਕੀਤੇ। ਉੱਤਰ ਪ੍ਰਦੇਸ਼ ਲਈ, ਸ਼ਾਰਦਾ ਨੰਦ ਤਿਵਾੜੀ ਨੇ ਦੋ ਵਾਰ (41ਵੇਂ, 43ਵੇਂ) ਮਿੰਟ 'ਚ ਗੋਲ ਕੀਤੇ ਅਤੇ ਪਵਨ ਰਾਜਭਰ ਨੇ ਵੀ ਇੱਕ ਗੋਲ ਕੀਤਾ, ਪਰ ਬਦਕਿਸਮਤੀ ਨਾਲ ਉਹ ਸਮੇਂ ਸਿਰ ਬਰਾਬਰੀ ਨਹੀਂ ਕਰ ਸਕੇ।