ਸਾਬਕਾ ਸਪਿਨਰ ਅਜਮਲ ਨੇ ਕਿਹਾ- ਸ਼ਦਾਬ ਖਾਨ ਕਰੇ ਪਾਕਿ ਟੀਮ ਦੀ ਕਪਤਾਨੀ

2/14/2020 9:30:27 PM

ਜਲੰਧਰ— ਪਾਕਿਸਤਾਨ ਦੇ ਸਾਬਕਾ ਸਪਿਨਰ ਸਈਦ ਅਜਮਲ ਨੇ ਪਾਕਿਸਤਾਨ ਦੀ ਕ੍ਰਿਕਟ ਟੀਮ ਦੀ ਕਪਤਾਨੀ ਨੂੰ ਲੈ ਕੇ ਵੱਡਾ ਬਿਆਨ ਦਿੱਤਾ ਹੈ। ਅਜਮਲ ਚਾਹੁੰਦੇ ਹਨ ਕਿ ਲੈੱਗ ਸਪਿਨਰ ਸ਼ਦਾਬ ਖਾਨ ਪਾਕਿਸਤਾਨ ਟੀਮ ਦੀ ਕਪਤਾਨੀ ਕਰੇ। ਸ਼ਦਾਬ ਨੂੰ ਪਾਕਿਸਤਾਨ ਟੀਮ ਦੀ ਕਪਤਾਨੀ ਦੇ ਲਈ ਪੀ. ਐੱਸ. ਐੱਲ. (ਪਾਕਿਸਤਾਨ ਸੁਪਰ ਲੀਗ) 'ਚ ਕਪਤਾਨੀ ਕਰਨ ਨਾਲ ਫਾਇਦਾ ਹੋਵੇਗਾ। ਸ਼ਦਾਬ ਪੀ. ਐੱਸ. ਐੱਲ. 'ਚ ਇਸਲਾਮਾਬਾਦ ਟੀਮ ਦੇ ਕਪਤਾਨ ਹਨ।

PunjabKesari
ਸਾਬਕਾ ਸਪਿਨਰ ਅਜਮਲ ਨੇ ਪੀ. ਐੱਸ. ਐੱਲ. 'ਚ ਇਸਲਾਮਾਬਾਦ ਦੇ ਕਪਤਾਨ ਸ਼ਾਦਾਬ ਖਾਨ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਉਸਦੇ ਕੋਲ ਆਪਣੇ ਤੀਜੇ ਪੀ. ਐੱਸ. ਐੱਲ. ਖਿਤਾਬ ਨੂੰ ਬਚਾ ਲੈਣ ਦੇ ਗੁਣ ਹਨ। ਅਜਮਲ ਨੇ ਕਿਹਾ ਕਿ ਉਹ ਇਕ ਸ਼ਾਨਦਾਰ ਖਿਡਾਰੀ ਹੈ ਤੇ ਮੈਂ ਚਾਹੁੰਦਾ ਹਾਂ ਕਿ ਉਹ ਇਕ ਦਿਨ ਪਾਕਿਸਤਾਨ ਦੀ ਅਗਵਾਈ ਕਰੇ। ਆਗਾਮੀ ਪੀ. ਐੱਸ. ਐੱਲ. ਸੀਜ਼ਨ 'ਚ ਇਸਲਾਮਾਬਾਦ ਯੂਨਾਈਟੇਡ ਦੀ ਅਗਵਾਈ ਕਰਨ ਨਾਲ ਉਸਦੇ ਆਤਮਵਿਸ਼ਵਾਸ ਦੇ ਲਈ ਚੰਗਾ ਹੋਵੇਗਾ।

PunjabKesari
ਕ੍ਰਿਕਟ ਕਰੀਅਰ
ਸ਼ਾਦਾਬ ਨੇ 2017 'ਚ ਆਪਣਾ ਅੰਤਰਰਾਸ਼ਟਰੀ ਡੈਬਿਊ ਕੀਤਾ ਸੀ, ਉਸ ਸਾਲ ਹੀ ਅਜਮਲ ਨੇ ਕ੍ਰਿਕਟ ਤੋਂ ਸੰਨਿਆਸ ਲਿਆ ਸੀ। ਸ਼ਦਾਬ ਨੇ ਪਾਕਿਸਤਾਨ ਦੇ ਲਈ 5 ਟੈਸਟ 'ਚ 43, ਵਨ ਡੇ 'ਚ 40  ਤੇ ਟੀ-20 ਮੈਚ ਖੇਡੇ ਹਨ। ਉਨ੍ਹਾਂ ਨੇ ਇਸ ਦੌਰਾਨ ਆਪਣੇ ਆਲਰਾਊਂਡ ਪ੍ਰਦਰਸ਼ਨ ਨਾਲ 6 ਅਰਧ ਸੈਂਕੜੇ ਤੇ 119 ਵਿਕਟਾਂ ਹਾਸਲ ਕੀਤੀਆਂ ਹਨ।



ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ

Gurdeep Singh

This news is Edited By Gurdeep Singh