ਫੁੱਟਬਾਲਰ ਬਰਨਾਰਡੋ ਸਿਲਵਾ ਨੇ ਫ੍ਰੈਂਚ ਮਾਡਲ ਅਲਿਸੀਆ ਵਿਰਰੋਂਡੇ ਨਾਲੋਂ ਤੋੜਿਆ ਨਾਤਾ

ਜਲੰਧਰ - ਮਾਨਚੈਸਟਰ ਸਿਟੀ ਸਟਾਰ ਬਰਨਾਰਡੋ ਸਿਲਵਾ ਫ੍ਰੈਂਚ ਮਾਡਲ ਅਲਿਸੀਆ ਵਿਰਰੋਂਡੇ  ਤੋਂ ਵੱਖ ਹੋ ਗਿਆ ਹੈ। ਬੀਤੇ 9 ਸੈਸ਼ਨਾਂ 'ਚ ਸਿਰਫ 5 ਗੋਲ ਕਰਨ ਵਾਲੇ ਸਿਲਵਾ ਨੇ ਆਪਣਾ 2 ਸਾਲ ਪੁਰਾਣਾ ਰਿਲੇਸ਼ਨ ਸਿਰਫ ਇਸ ਲਈ ਤੋੜ ਦਿੱਤਾ ਕਿਉਂਕਿ ਅਲਿਸੀਆ ਯੂ. ਕੇ. ਚਲੀ ਗਈ ਸੀ।

ਦੱਸਿਆ ਜਾ ਰਿਹਾ ਹੈ ਕਿ ਅਲਿਸੀਆ ਨੇ ਬੀਤੇ ਦਿਨੀਂ ਜਿਹੜਾ ਇਕ ਕੰਪਨੀ ਲਈ ਹੌਟ ਫੋਟੋਸ਼ੂਟ ਕਰਵਾਇਆ ਹੈ, ਇਸੇ ਕਾਰਨ ਦੋਵਾਂ ਦੇ ਰਿਸ਼ਤੇ ਵਿਚ ਤਰੇੜ ਆ ਗਈ ਸੀ। ਐਲਿਸੀਆ ਦੀ ਸਿਲਵਾ  ਨਾਲ ਪਹਿਲੀ ਮੁਲਾਕਾਤ ਉਦੋਂ ਹੋਈ ਸੀ, ਜਦੋਂ ਉਹ ਮੋਨਾਕੋ ਕਲੱਬ ਵਿਚ ਮਾਰਕੀਟਿੰਗ ਅਸਿਸਟੈਂਟ 'ਚ ਇੰਟਰਨਸ਼ਿਪ ਕਰਨ ਆਈ ਸੀ। ਕੁਝ ਦਿਨਾਂ ਬਾਅਦ ਹੀ ਅਲਿਸੀਆ ਨੂੰ ਸਿਲਵਾ ਦੇ ਨਾਂ ਦੀ ਡ੍ਰੈੱਸ ਪਹਿਨੀ ਸਟੇਡੀਅਮ 'ਚ ਚੀਅਰਸ ਕਰਦਿਆਂ ਦੇਖਿਆ ਗਿਆ ਸੀ। ਇਸ ਤੋਂ ਬਾਅਦ ਉਹ ਆਪਣਾ ਰਿਸ਼ਤਾ ਬਚਾਈ ਰੱਖਣ ਲਈ ਸੰਘਰਸ਼ ਕਰ ਰਿਹਾ ਸੀ। 

ਜ਼ਿਕਰਯੋਗ ਹੈ ਕਿ ਅਲਿਸੀਆ, ਜਿਸ ਨੇ ਕੈਲੀਫੋਰਨੀਆ ਸਟੇਟ ਯੂਨੀਵਰਸਿਟੀ ਵਿਚ ਇੰਟਰਨੈਸ਼ਨਲ ਬਿਜ਼ਨੈੱਸ 'ਚ ਪੜ੍ਹਾਈ ਕੀਤੀ ਸੀ, ਦੀ ਮਾਨਚੈਸਟਰ ਯੂਨਾਈਟਿਡ ਦੀ ਪੀ. ਆਰ. ਫਰਮ ਵਿਚ ਨੌਕਰੀ ਲੱਗ ਗਈ ਹੈ। ਅਜਿਹੀ ਹਾਲਤ 'ਚ ਉਸ ਕੋਲ ਸਿਲਵਾ ਨਾਲ ਸਮਾਂ ਬਿਤਾਉਣ ਦੇ ਮੌਕੇ ਹੋਰ ਵੀ ਘਟ ਗਏ ਸਨ।