ਧਰਮਸ਼ਾਲਾ : ਪੰਜਾਬ ਕਿੰਗਜ਼ ਦੀ ਟੀਮ ਸੋਮਵਾਰ ਨੂੰ ਧਰਮਸ਼ਾਲਾ ਦੇ ਖੂਬਸੂਰਤ ਮੈਦਾਨ ’ਚ ਜਦੋਂ ਖਰਾਬ ਫਾਰਮ ਨਾਲ ਜੂਝ ਰਹੀ ਦਿੱਲੀ ਕੈਪੀਟਲਸ ਦੀ ਮੇਜ਼ਬਾਨੀ ਕਰੇਗੀ ਤਾਂ ਇੰਡੀਅਨ ਪ੍ਰੀਮੀਅਰ ਲੀਗ ਦੇ ਆਖਰੀ ਪੜਾਅ ’ਚ ਆਪਣੇ ਪ੍ਰਦਰਸ਼ਨ ’ਚ ਆਈ ਹੈਰਾਨ ਕਰਨ ਵਾਲੀ ਗਿਰਾਵਟ ਨੂੰ ਰੋਕਣ ਦੀ ਕੋਸ਼ਿਸ਼ ਕਰੇਗੀ। ਐੱਚ. ਪੀ. ਸੀ. ਏ. ਸਟੇਡੀਅਮ ’ਚ 17 ਮਈ ਤੱਕ 3 ਮੈਚਾਂ ਦੇ ਨਾਲ ਪੰਜਾਬ ਦੀ ਟੀਮ ਆਪਣੇ ਘਰੇਲੂ ਪੜਾਅ ਨੂੰ ਖਤਮ ਕਰੇਗੀ।

ਆਪਣੇ ਪਿਛਲੇ 3 ਲੀਗ ਮੈਚਾਂ ’ਚ ਮਿਲੀ ਹਾਰ ਤੋਂ ਬਾਅਦ ਟੀਮ ਖੇਡ ਦੇ ਸਾਰੇ ਵਿਭਾਗਾਂ ’ਚ ਸੁਧਾਰ ਦੀ ਉਮੀਦ ਕਰ ਰਹੀ ਹੋਵੇਗੀ। ਪੰਜਾਬ ਲਈ ਹਾਲਾਂਕਿ ਅਜੇ ਘਬਰਾਉਣ ਦੀ ਕੋਈ ਲੋੜ ਨਹੀਂ ਹੈ ਜਿਹੜੀ ਕੁਝ ਸਮਾਂ ਪਹਿਲਾਂ ਤੱਕ ਇਸ ਟੂਰਨਾਮੈਂਟ ’ਚ ਇਕਲੌਤੀ ਅਜੇਤੂ ਟੀਮ ਸੀ ਪਰ ਲੀਗ ਪੜਾਅ ਦੇ ਬਾਕੀ ਮੁਕਾਬਲਿਆਂ ਦੇ ਲਈ ਉਸ ਨੂੰ ਆਪਣੀਆਂ ਬੁਨਿਆਦੀ ਚੀਜ਼ਾਂ ਨੂੰ ਠੀਕ ਕਰਨ ਦੀ ਲੋੜ ਹੈ। ਹੈਦਰਾਬਾਦ ਵਿਰੱੁਧ ਟੀਮ ਦੀ ਕੈਚਿੰਗ ਬਹੁਤ ਖਰਾਬ ਸੀ। ਇਸ ਤੋਂ ਇਲਾਵਾ ਅਰਸ਼ਦੀਪ ਸਿੰਘ ਦੀ ਅਗਵਾਈ ਵਾਲਾ ਤੇਜ਼ ਗੇਂਦਬਾਜ਼ੀ ਹਮਲਾ ਕਾਫੀ ਦੌੜਾਂ ਦੇ ਰਿਹਾ ਹੈ। ਪ੍ਰਿਆਂਸ਼ ਆਰੀਆ ਤੇ ਪ੍ਰਭਸਿਮਰਨ ਸਿੰਘ ਦੀ ਸਲਾਮੀ ਜੋੜੀ ਵੀ ਚੰਗੀ ਸ਼ੁਰੂਆਤ ਤੋਂ ਬਾਅਦ ਹੁਣ ਅਸਫਲ ਹੋ ਰਹੀ ਹੈ।

ਇਹ ਵੀ ਪੜੋ : ਸ਼੍ਰੇਅਸ ਅਈਅਰ ਨਹੀਂ ਇਸ ਖਿਡਾਰੀ ਨੂੰ ਟੀ-20 ਕਪਤਾਨ ਬਣਾਉਣ ਦੀ ਤਿਆਰੀ ਕਰ ਰਿਹਾ BCCI?

ਸ਼੍ਰੇਅਸ ਅਈਅਰ ਦੀ ਅਗਵਾਈ ਵਾਲੇ ਪੰਜਾਬ ਕਿੰਗਜ਼ ਨੂੰ ਪਲੇਅ ਆਫ ’ਚ ਜਗ੍ਹਾ ਬਣਾਉਣ ਦੇ ਲਈ ਅਜੇ ਵੀ ਘੱਟੋ-ਘੱਟ ਦੋ ਜਿੱਤਾਂ ਦੀ ਲੋੜ ਹੈ ਤੇ ਅਜਿਹੇ ’ਚ ਟੀਮ ਚਾਹੁੰਦੀ ਹੈ ਕਿ ਉਸ ਦੇ ਖਿਡਾਰੀ ਉਨ੍ਹਾਂ ਹੀ ਤਰੀਕਿਆਂ ’ਤੇ ਕਾਇਮ ਰਹਿਣ ਜਿਨ੍ਹਾਂ ਨਾਲ ਉਸ ਨੂੰ ਟੂਰਨਾਮੈਂਟ ਦੇ ਪਹਿਲੇ ਹਾਫ ’ਚ ਸਫਲਤਾ ਮਿਲੀ ਸੀ। ਟੀ-20 ਵਰਗੇ ਅਨਿਸ਼ਚਿਤ ਫਾਰਮੈੱਟ ’ਚ ਲੈਅ ਬਹੁਤ ਅਹਿਮ ਹੁੰਦੀ ਹੈ ਤੇ ਪੰਜਾਬ ਕਿੰਗਜ਼ ਦੀ ਟੀਮ ਚਾਹੇਗੀ ਕਿ ਉਹ ਜਲਦ ਤੋਂ ਜਲਦ ਫਿਰ ਲੈਅ ਹਾਸਲ ਕਰ ਲਵੇ।

ਦੂਜੀ ਪਾਸੇ ਦਿੱਲੀ ਦੀਆਂ ਨਜ਼ਰਾਂ ਪਹਿਲਾਂ ਤੋਂ ਹੀ ਅਗਲੇ ਸੈਸ਼ਨ ’ਤੇ ਟਿਕੀਆਂ ਹਨ ਕਿਉਂਕਿ ਉਹ ਆਪਣੇ ਪਿਛਲੇ 6 ’ਚੋਂ 5 ਮੈਚ ਹਾਰਨ ਤੋਂ ਬਾਅਦ ਅੰਕ ਸੂਚੀ ਦੇ ਹੇਠਲੇ ਹਿੱਸੇ ’ਚ ਹੈ। ਘਰੇਲੂ ਮੈਦਾਨ ’ਤੇ ਦਿੱਲੀ ਦਾ ਪ੍ਰਦਰਸ਼ਨ ਬੇਹੱਦ ਖਰਾਬ ਰਿਹਾ ਹੈ, ਇਸ ਲਈ ਉਹ ਪੰਜਾਬ ਵਿਰੁੱਧ ਮੈਚ ਦੇ ਲਈ ਸਥਾਨ ’ਚ ਬਦਲਾਅ ਦਾ ਸਵਾਗਤ ਕਰੇਗੀ। ਉਸ ਦੇ ਬੱਲੇਬਾਜ਼ ਹੌਲੀ ਤੇ ਟਰਨ ਲੈਣ ਵਾਲੀਆਂ ਪਿੱਚਾਂ ’ਤੇ ਖੁਦ ਨੂੰ ਢਾਲਣ ’ਚ ਅਸਫਲ ਰਹੇ ਹਨ ਜਿਸ ਨਾਲ ਉਨ੍ਹਾਂ ਦੀਆਂ ਕਮਜ਼ੋਰੀਆਂ ਉਜਾਗਰ ਹੋਈਆਂ ਹਨ। ਪ੍ਰਮੁੱਖ ਸਪਿੰਨਰ ਕੁਲਦੀਪ ਯਾਦਵ ਦੇ ਸਾਧਾਰਨ ਪ੍ਰਦਰਸ਼ਨ ਨੇ ਟੀਮ ਦੀਆਂ ਮੁਸ਼ਕਿਲਾਂ ਹੋਰ ਵਧਾ ਦਿੱਤੀਆਂ ਹਨ ਜਦਕਿ ਮਿਸ਼ੇਲ ਸਟਾਰਕ ਸ਼ਾਇਦ ਬਹੁਤ ਦੇਰ ਨਾਲ ਟੀਮ ਨਾਲ ਜੁੜਿਆ। ਪੰਜਾਬ ਕਿੰਗਜ਼ ਦੀ ਤਰ੍ਹਾਂ ਦਿੱਲੀ ਦੀ ਫੀਲਡਿੰਗ ਨੇ ਵੀ ਉਸ ਨੂੰ ਨਿਰਾਸ਼ ਕੀਤਾ ਹੈ। ਅੰਕੜਿਆਂ ਦੇ ਲਿਹਾਜ਼ ਨਾਲ ਦਿੱਲੀ ਦੀ ਟੀਮ ਅਜੇ ਵੀ ਪਲੇਅ ਆਫ ਦੀ ਦੌੜ ਤੋਂ ਬਾਹਰ ਨਹੀਂ ਹੋਈ ਹੈ ਪਰ ਇਸ ਦੀ ਬਹੁਤ ਘੱਟ ਸੰਭਾਵਨਾ ਹੈ ਕਿ ਉਹ ਟੂਰਨਾਮੈਂਟ ’ਚ ਅੱਗੇ ਵਧ ਸਕੇਗੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e