ਆਸਟ੍ਰੇਲੀਅਨ ਓਪਨ : ਚੀਨੀ ਖਿਡਾਰਨ ਝਾਂਗ ਸ਼ੁਆਈ ਪਹਿਲੇ ਦੌਰ ''ਚੋਂ ਬਾਹਰ

ਮੈਲਬੋਰਨ : ਚੀਨ ਦੀ ਤਜਰਬੇਕਾਰ ਟੈਨਿਸ ਖਿਡਾਰਨ ਝਾਂਗ ਸ਼ੁਆਈ ਨੂੰ ਆਸਟ੍ਰੇਲੀਅਨ ਓਪਨ ਦੇ ਮਹਿਲਾ ਸਿੰਗਲਜ਼ ਦੇ ਪਹਿਲੇ ਦੌਰ ਵਿੱਚ ਹੀ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਮੰਗਲਵਾਰ ਨੂੰ ਖੇਡੇ ਗਏ ਮੁਕਾਬਲੇ ਵਿੱਚ ਵਾਈਲਡਕਾਰਡ ਰਾਹੀਂ ਪ੍ਰਵੇਸ਼ ਕਰਨ ਵਾਲੀ 20 ਸਾਲਾ ਆਸਟ੍ਰੇਲੀਆਈ ਖਿਡਾਰਨ ਟੇਲਾ ਪ੍ਰੇਸਟਨ ਨੇ ਝਾਂਗ ਨੂੰ ਤਿੰਨ ਸੈੱਟਾਂ ਤੱਕ ਚੱਲੇ ਰੋਮਾਂਚਕ ਮੈਚ ਵਿੱਚ ਹਰਾ ਕੇ ਟੂਰਨਾਮੈਂਟ ਤੋਂ ਬਾਹਰ ਕਰ ਦਿੱਤਾ।

ਕੀਆ ਏਰੀਨਾ ਵਿੱਚ ਖੇਡੇ ਗਏ ਇਸ ਮੁਕਾਬਲੇ ਵਿੱਚ ਦੁਨੀਆ ਦੀ 161ਵੇਂ ਨੰਬਰ ਦੀ ਖਿਡਾਰਨ ਪ੍ਰੇਸਟਨ ਨੇ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਉਸਨੇ ਇੱਕ ਘੰਟੇ 33 ਮਿੰਟ ਵਿੱਚ 6-3, 2-6, 6-3 ਨਾਲ ਜਿੱਤ ਹਾਸਲ ਕੀਤੀ। ਇਸ ਜਿੱਤ ਦੇ ਨਾਲ ਹੀ ਪ੍ਰੇਸਟਨ ਨੇ ਇਸੇ ਮਹੀਨੇ ਬ੍ਰਿਸਬੇਨ ਵਿੱਚ ਝਾਂਗ ਹੱਥੋਂ ਮਿਲੀ ਹਾਰ ਦਾ ਬਦਲਾ ਵੀ ਲੈ ਲਿਆ ਹੈ। ਪ੍ਰੇਸਟਨ ਨੇ ਪੂਰੇ ਮੈਚ ਦੌਰਾਨ ਹਮਲਾਵਰ ਰੁਖ਼ ਅਪਣਾਇਆ ਅਤੇ ਕੁੱਲ 26 ਵਿਨਰਜ਼ ਲਗਾਏ।