BCCI ਦਾ ਵੱਡਾ ਐਕਸ਼ਨ! IPL ਖਿਡਾਰੀਆਂ ਲਈ ਨਵਾਂ ''ਨੋ ਐਂਟਰੀ'' ਨਿਯਮ, ਇਸ ਖਾਸ ਚੀਜ਼ ''ਤੇ ਲੱਗਾ ਬੈਨ

ਸਪੋਰਟਸ ਡੈਸਕ : IPL 2026 ਦੇ ਖਤਮ ਹੋਣ ਤੋਂ ਪਹਿਲਾਂ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਖੇਡ ਦੀ ਸੁਰੱਖਿਆ ਅਤੇ ਨਿਰਪੱਖਤਾ ਨੂੰ ਹੋਰ ਮਜ਼ਬੂਤ ਕਰਨ ਲਈ ਇੱਕ ਅਹਿਮ ਫੈਸਲਾ ਲਿਆ ਹੈ। ਬੋਰਡ ਨੇ ਖਿਡਾਰੀਆਂ ਅਤੇ ਮੈਚ ਅਧਿਕਾਰੀਆਂ ਲਈ ਸਮਾਰਟ ਸਨਗਲਾਸਿਜ਼ ਦੇ ਇਸਤੇਮਾਲ 'ਤੇ ਪੂਰੀ ਤਰ੍ਹਾਂ ਪਾਬੰਦੀ ਲਗਾ ਦਿੱਤੀ ਹੈ। ਇਹ ਨਿਯਮ ਖਾਸ ਤੌਰ 'ਤੇ PMOA (ਪਲੇਅਰਸ ਐਂਡ ਮੈਚ ਆਫੀਸ਼ੀਅਲਸ ਏਰੀਆ) ਲਈ ਲਾਗੂ ਕੀਤਾ ਗਿਆ ਹੈ।
BCCI ਦੀ ਐਂਟੀ-ਕਰੱਪਸ਼ਨ ਯੂਨਿਟ ਅਨੁਸਾਰ ਸਮਾਰਟ ਸਨਗਲਾਸਿਜ਼ ਵਿੱਚ ਮੋਬਾਈਲ ਡਾਟਾ, ਵਾਈ-ਫਾਈ, ਲਾਈਵ ਸਟ੍ਰੀਮਿੰਗ, ਵੀਡੀਓ ਕਾਲਿੰਗ ਅਤੇ ਮੈਸੇਜ ਭੇਜਣ ਵਰਗੀਆਂ ਸੁਵਿਧਾਵਾਂ ਹੁੰਦੀਆਂ ਹਨ। ਬੋਰਡ ਦਾ ਮੰਨਣਾ ਹੈ ਕਿ ਅਜਿਹੇ ਗੈਜੇਟਸ ਮੈਚ ਦੀ ਸੁਰੱਖਿਆ ਅਤੇ ਖੇਡ ਦੀ ਪਾਰਦਰਸ਼ਤਾ ਲਈ ਖ਼ਤਰਾ ਪੈਦਾ ਕਰ ਸਕਦੇ ਹਨ। ਇਨ੍ਹਾਂ ਨੂੰ ਆਡੀਓ/ਵੀਡੀਓ ਰਿਕਾਰਡਿੰਗ ਅਤੇ ਕਮਿਊਨੀਕੇਸ਼ਨ ਡਿਵਾਈਸ ਦੀ ਸ਼੍ਰੇਣੀ ਵਿੱਚ ਰੱਖਿਆ ਗਿਆ ਹੈ।

ਮੋਬਾਈਲ ਅਤੇ ਸਮਾਰਟ ਵਾਚ ਵਾਂਗ ਜਮ੍ਹਾਂ ਕਰਾਉਣੇ ਹੋਣਗੇ ਚਸ਼ਮੇ
 ਨਵੇਂ ਨਿਰਦੇਸ਼ਾਂ ਅਨੁਸਾਰ ਹੁਣ ਖਿਡਾਰੀਆਂ ਅਤੇ ਸਪੋਰਟ ਸਟਾਫ ਨੂੰ ਮੈਦਾਨ ਵਿੱਚ ਦਾਖਲ ਹੋਣ ਸਮੇਂ ਆਪਣੇ ਮੋਬਾਈਲ ਫੋਨ ਅਤੇ ਸਮਾਰਟ ਵਾਚ ਦੇ ਨਾਲ-ਨਾਲ ਸਮਾਰਟ ਸਨਗਲਾਸਿਜ਼ ਵੀ ਸੁਰੱਖਿਆ ਲਾਇਜ਼ਨ ਅਫਸਰ ਕੋਲ ਜਮ੍ਹਾਂ ਕਰਾਉਣੇ ਪੈਣਗੇ। ਜੇਕਰ ਕੋਈ ਵੀ ਇਸ ਨਿਯਮ ਦੀ ਉਲੰਘਣਾ ਕਰਦਾ ਫੜਿਆ ਗਿਆ, ਤਾਂ ਉਸ ਵਿਰੁੱਧ IPL ਦੇ 'ਕੋਡ ਆਫ ਕੰਡਕਟ' ਤਹਿਤ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ।

ਪਹਿਲਾਂ ਵੀ ਹੋ ਚੁੱਕੀ ਹੈ ਕਾਰਵਾਈ
 ਜ਼ਿਕਰਯੋਗ ਹੈ ਕਿ ਇਸੇ ਸੀਜ਼ਨ ਦੌਰਾਨ ਰਾਜਸਥਾਨ ਰਾਇਲਜ਼ ਦੇ ਮੈਨੇਜਰ ਰੋਮੀ ਭਿੰਡਰ 'ਤੇ ਡਗਆਊਟ ਵਿੱਚ ਫੋਨ ਇਸਤੇਮਾਲ ਕਰਨ ਲਈ 1 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਗਿਆ ਸੀ। BCCI ਨੇ ਇਸ ਤੋਂ ਪਹਿਲਾਂ ਵੀ ਸੁਰੱਖਿਆ ਕਾਰਨਾਂ ਕਰਕੇ ਖਿਡਾਰੀਆਂ ਦੇ ਰਾਤ ਨੂੰ ਬਾਹਰ ਜਾਣ ਅਤੇ ਹੋਟਲ ਦੇ ਕਮਰਿਆਂ ਵਿੱਚ ਮਹਿਮਾਨਾਂ ਦੇ ਮਿਲਣ 'ਤੇ ਪਾਬੰਦੀ ਵਰਗੇ ਸਖ਼ਤ ਕਦਮ ਚੁੱਕੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e