ਅਨੁਰਾਧਾ ਦੇਵੀ ਨੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ISSF ਵਿਸ਼ਵ ਕੱਪ ਡੈਬਿਊ ਵਿੱਚ ਜਿੱਤਿਆ ਚਾਂਦੀ ਦਾ ਤਮਗਾ

ਨਵੀਂ ਦਿੱਲੀ, (ਭਾਸ਼ਾ)- ਡੈਬਿਊ ਕਰ ਰਹੀ ਨਿਸ਼ਾਨੇਬਾਜ਼ ਅਨੁਰਾਧਾ ਦੇਵੀ ਨੇ ਮਿਸਰ ਦੇ ਕਾਹਿਰਾ ਵਿੱਚ ਚੱਲ ਰਹੇ ਆਈ. ਐਸ. ਐਸ. ਐਫ. ਵਿਸ਼ਵ ਕੱਪ ਵਿੱਚ ਰੀਓ ਓਲੰਪਿਕ ਚੈਂਪੀਅਨ ਅੰਨਾ ਕੋਰਾਕਾਕੀ ਨੂੰ ਹਰਾ ਕੇ ਮਹਿਲਾ 10 ਮੀਟਰ ਏਅਰ ਪਿਸਟਲ ਮੁਕਾਬਲੇ ਵਿੱਚ ਚਾਂਦੀ ਦਾ ਤਗਮਾ ਜਿੱਤਿਆ। ਅਨੁਰਾਧਾ (33 ਸਾਲ) ਨੇ ਅੱਠਵੇਂ ਅਤੇ ਆਖਰੀ ਕੁਆਲੀਫਾਇੰਗ ਸਥਾਨ ਤੋਂ ਫਾਈਨਲ ਵਿੱਚ ਥਾਂ ਬਣਾਈ। ਉਸ ਨੇ ਸ਼ੁੱਕਰਵਾਰ ਨੂੰ ਫਾਈਨਲ 'ਚ ਦੂਜਾ ਸਥਾਨ ਹਾਸਲ ਕੀਤਾ। 

ਇਹ ਵੀ ਪੜ੍ਹੋ : ਸ਼ਾਨਦਾਰ ਹੋਵੇਗੀ ਪੈਰਿਸ ਉਲੰਪਿਕ ਦੀ ਓਪਨਿੰਗ ਸੈਰੇਮਨੀ, ਜਾਣੋ ਟਿਕਟ ਦੀ ਕੀਮਤ

ਅਨੁਰਾਧਾ ਦੀ ਇਸ ਉਪਲਬਧੀ ਨੇ ਓਲੰਪਿਕ ਸਾਲ ਦੇ ISSF ਵਿਸ਼ਵ ਕੱਪ ਪੜਾਅ 'ਤੇ ਭਾਰਤ ਨੂੰ ਆਪਣਾ ਪਹਿਲਾ (ਛੇ ਵਿੱਚੋਂ ਪਹਿਲਾ) ਤਮਗਾ ਦਿਵਾਇਆ। ਇਸ ਤੋਂ ਪਹਿਲਾਂ ਸਾਗਰ ਡੰਗੀ ਵੀ ਪੁਰਸ਼ਾਂ ਦੇ 10 ਮੀਟਰ ਏਅਰ ਪਿਸਟਲ ਮੁਕਾਬਲੇ ਦੇ ਫਾਈਨਲ ਵਿੱਚ ਪਹੁੰਚਿਆ ਸੀ ਪਰ ਉਹ ਛੇਵੇਂ ਸਥਾਨ ’ਤੇ ਰਿਹਾ। ਪੈਰਿਸ ਓਲੰਪਿਕ ਕੋਟਾ ਹਾਸਲ ਕਰਨ ਵਾਲੀ ਰਿਦਮ ਸਾਂਗਵਾਨ ਵੀ ਮਹਿਲਾ ਫਾਈਨਲ 'ਚ ਪਹੁੰਚੀ ਪਰ ਚੌਥੇ ਸਥਾਨ 'ਤੇ ਰਹੀ।

ਇਹ ਵੀ ਪੜ੍ਹੋ : ਰਣਜੀ ਟ੍ਰਾਫੀ 'ਚ ਤਨਮੈ ਅਗਰਵਾਲ ਨੇ ਠੋਕੀ ਸਭ ਤੋਂ ਤੇਜ਼ 'Triple' Century, ਤੋੜੇ ਸਾਰੇ ਰਿਕਾਰਡ

ਅਨੁਰਾਧਾ ਨੇ 575 ਅੰਕਾਂ ਨਾਲ ਫਾਈਨਲ ਲਈ ਕੁਆਲੀਫਾਈ ਕੀਤਾ। ਫਾਈਨਲ ਵਿੱਚ ਉਸ ਨੇ ਕਜ਼ਾਕਿਸਤਾਨ ਦੀ ਇਰੀਨਾ ਯੂਨੁਸਮੇਤੋਵਾ ਨੂੰ ਹਰਾ ਕੇ ਦੂਜਾ ਸਥਾਨ ਹਾਸਲ ਕੀਤਾ। ਅਨੁਰਾਧਾ 239.9 ਦੇ ਸਕੋਰ ਨਾਲ ਕੋਰਾਕਾਕੀ ਤੋਂ 1.2 ਅੰਕ ਪਿੱਛੇ ਰਹੀ। ਹੋਰ ਭਾਰਤੀਆਂ ਵਿੱਚ ਮਨੂ ਭਾਕਰ ਮਹਿਲਾ ਪਿਸਟਲ ਮੁਕਾਬਲੇ ਵਿੱਚ 15ਵੇਂ ਸਥਾਨ ’ਤੇ ਰਹੀ। ਉੱਜਵਲ ਮਲਿਕ ਅਤੇ ਰਵਿੰਦਰ ਸਿੰਘ ਵੀ ਚੋਟੀ ਦੇ ਅੱਠ ਤੋਂ ਬਾਹਰ ਰਹੇ। ਪੁਰਸ਼ਾਂ ਦੇ ਟਰੈਪ ਮੁਕਾਬਲੇ ਵਿੱਚ ਜ਼ੋਰਾਵਰ ਸੰਧੂ ਤਿੰਨ ਗੇੜਾਂ ਵਿੱਚ 70 ਦੇ ਸਕੋਰ ਨਾਲ ਸਰਵੋਤਮ ਭਾਰਤੀ ਹਨ। ਮਹਿਲਾ ਟਰੈਪ ਮੁਕਾਬਲੇ ਵਿੱਚ ਰਾਜੇਸ਼ਵਰੀ ਕੁਮਾਰੀ 64 ਦੇ ਸਕੋਰ ਨਾਲ 19ਵੇਂ ਸਥਾਨ 'ਤੇ ਹੈ। 

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8