ਅਦਿਤੀ ਅਸ਼ੋਕ ਨਿਰਾਸ਼ਾਜਨਕ ਪ੍ਰਦਰਸ਼ਨ ਦੇ ਨਾਲ ਮਹਿਲਾ PGA ਚੈਂਪੀਅਨਸ਼ਿਪ ਤੋਂ ਬਾਹਰ

ਜੋਨਸ ਕ੍ਰੀਕ— ਭਾਰਤੀ ਗੋਲਫ਼ਰ ਅਦਿਤੀ ਅਸ਼ੋਕ ਕੇ. ਪੀ. ਐੱਮ. ਜੀ. ਮਹਿਲਾ ਪੀ. ਜੀ. ਏ. ਚੈਂਪੀਅਨਸ਼ਿਪ ਦੇ ਦੂਜੇ ਦੌਰ ’ਚ ਇੱਥੇ ਪੰਜ ਓਵਰ 77 ਦਾ ਕਾਰਡ ਖੇਡ ਕੇ ਕੱਟ ’ਚ ਜਗ੍ਹਾ ਬਣਾਉਣ ਤੋਂ ਖੁੰਝ ਗਈ। ਅਦਿਤੀ ਦੇ ਲਗਾਤਾਰ ਦੂਜੇ ਓਲੰਪਿਕ ’ਚ ਹਿੱਸਾ ਲੈਣ ਦਾ ਫ਼ੈਸਲਾ ਅਗਲੇ ਹਫ਼ਤੇ ਹੋਵੇਗਾ। ਰਿਕਾਰਡ (ਭਾਰਤੀ) 17ਵੇਂ ਮੇਜਰ ਟੂਰਨਾਮੈਂਟ ’ਚ ਹਿੱਸਾ ਲੈ ਰਹੀ ਇਸ ਖਿਡਾਰੀ ਲਈ ਦੂਜੇ ਦਿਨ ਦੀ ਖੇਡ ਵੀ ਸਹੀ ਨਹੀਂ ਰਹੀ। ਉਨ੍ਹਾਂ ਪਹਿਲੇ ਦੌਰ ’ਚ ਇਕ ਓਵਰ 73 ਦਾ ਕਾਰਡ ਖੇਡਿਆ ਸੀ। ਨੇਲੀ ਕੋਰਦਾ ਨੇ ਲਗਾਤਾਰ 6 ਬਰਡੀ ਲਗਾ ਕੇ 63 ਦੇ ਕਾਰਡ ਦੇ ਨਾਲ ਟੂਰਨਾਮੈਂਟ ਦੇ ਰਿਕਾਰਡ ਦੀ ਬਰਾਬਰੀ ਕੀਤੀ। ਉਹ ਕੁਲ 11 ਅੰਡਰ 133 ਦੇ ਸਕੋਰ ਦੇ ਨਾਲ ਅੰਕ ਸੂਚੀ ’ਚ ਚੋਟੀ ’ਤੇ ਹੈ।