T20 World Cup ਤੋਂ ਅਚਾਨਕ ਬਾਹਰ ਹੋਏ 2 ਧਾਕੜ ਖਿਡਾਰੀ !

ਸਪੋਰਟਸ ਡੈਸਕ : ਭਾਰਤ ਤੇ ਸ੍ਰੀਲੰਕਾ ਦੀ ਮੇਜ਼ਬਾਨੀ ਵਿੱਚ ਖੇਡੇ ਜਾ ਰਹੇ ਆਈਸੀਸੀ ਟੀ-20 ਵਿਸ਼ਵ ਕੱਪ 2026 ਦੇ ਸ਼ੁਰੂਆਤੀ ਪੜਾਅ ਵਿੱਚ ਹੀ ਕੁਝ ਟੀਮਾਂ ਨੂੰ ਵੱਡੇ ਝਟਕੇ ਲੱਗੇ ਹਨ। ਦੋ ਪ੍ਰਮੁੱਖ ਧਾਕੜ ਖਿਡਾਰੀ ਸੱਟਾਂ ਕਾਰਨ ਟੂਰਨਾਮੈਂਟ ਦੇ ਬਾਕੀ ਮੈਚਾਂ ਤੋਂ ਬਾਹਰ ਹੋ ਗਏ ਹਨ, ਜਿਸ ਕਾਰਨ ਆਇਰਲੈਂਡ ਦੀ ਟੀਮ ਨੂੰ ਆਪਣਾ ਕਪਤਾਨ ਵੀ ਬਦਲਣਾ ਪਵੇਗਾ।

ਬ੍ਰੈਂਡਨ ਟੇਲਰ ਹੋਏ ਬਾਹਰ 
ਜ਼ਿੰਬਾਬਵੇ ਦੇ 40 ਸਾਲਾ ਤਜ਼ਰਬੇਕਾਰ ਵਿਕਟਕੀਪਰ-ਬੱਲੇਬਾਜ਼ ਬ੍ਰੈਂਡਨ ਟੇਲਰ ਹੈਮਸਟ੍ਰਿੰਗ ਦੀ ਸੱਟ ਕਾਰਨ ਟੂਰਨਾਮੈਂਟ ਤੋਂ ਬਾਹਰ ਹੋ ਗਏ ਹਨ। ਇਸ ਦੀ ਜਾਣਕਾਰੀ ਜ਼ਿੰਬਾਬਵੇ ਦੇ ਕਪਤਾਨ ਸਿਕੰਦਰ ਰਜ਼ਾ ਨੇ ਕੋਲੰਬੋ ਵਿੱਚ ਆਸਟ੍ਰੇਲੀਆ ਖ਼ਿਲਾਫ਼ ਮੈਚ ਦੌਰਾਨ ਟਾਸ ਵੇਲੇ ਦਿੱਤੀ। ਟੇਲਰ ਨੂੰ ਇਹ ਸੱਟ ਓਮਾਨ ਵਿਰੁੱਧ ਪਹਿਲੇ ਮੈਚ ਵਿੱਚ ਲੱਗੀ ਸੀ, ਜਿਸ ਵਿੱਚ ਉਨ੍ਹਾਂ ਨੇ 31 ਦੌੜਾਂ ਬਣਾਈਆਂ ਸਨ। ਉਨ੍ਹਾਂ ਦੀ ਜਗ੍ਹਾ ਹੁਣ ਬੇਨ ਕਰਨ ਨੂੰ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਬੇਨ ਕਰਨ ਇੱਕ ਟਾਪ-ਆਰਡਰ ਬੱਲੇਬਾਜ਼ ਹਨ ਜਿਨ੍ਹਾਂ ਨੇ ਟੈਸਟ ਅਤੇ ਵਨਡੇ ਵਿੱਚ ਸੈਂਕੜੇ ਲਗਾਏ ਹਨ, ਪਰ ਟੀ-20 ਅੰਤਰਰਾਸ਼ਟਰੀ ਵਿੱਚ ਇਹ ਉਨ੍ਹਾਂ ਦਾ ਪਹਿਲਾ ਮੌਕਾ ਹੋਵੇਗਾ।

ਪਾਲ ਸਟਰਲਿੰਗਨੂੰ ਲੱਗੀ ਗੰਭੀਰ ਸੱਟ
 ਆਇਰਲੈਂਡ ਦੀ ਟੀਮ ਲਈ ਵੀ ਮਾੜੀ ਖ਼ਬਰ ਹੈ ਕਿਉਂਕਿ ਉਨ੍ਹਾਂ ਦੇ ਕਪਤਾਨ ਅਤੇ ਤਜ਼ਰਬੇਕਾਰ ਓਪਨਰ ਪਾਲ ਸਟਰਲਿੰਗ ਗੋਡੇ ਦੇ ਲਿਗਾਮੈਂਟ ਦੀ ਸੱਟ ਕਾਰਨ ਬਾਹਰ ਹੋ ਗਏ ਹਨ। ਸਟਰਲਿੰਗ ਨੂੰ ਇਹ ਸੱਟ ਆਸਟ੍ਰੇਲੀਆ ਵਿਰੁੱਧ ਮੈਚ ਦੌਰਾਨ ਫੀਲਡਿੰਗ ਕਰਦੇ ਸਮੇਂ ਲੱਗੀ ਸੀ। ਸਕੈਨ ਵਿੱਚ ਲਿਗਾਮੈਂਟ ਡੈਮੇਜ ਦੀ ਪੁਸ਼ਟੀ ਹੋਈ ਹੈ। ਉਨ੍ਹਾਂ ਦੀ ਜਗ੍ਹਾ ਅਨਕੈਪਡ ਨੌਜਵਾਨ ਖੱਬੇ ਹੱਥ ਦੇ ਬੱਲੇਬਾਜ਼ ਸੈਮ ਟੌਪਿੰਗ ਨੂੰ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਸਟਰਲਿੰਗ ਦੇ ਬਾਹਰ ਹੋਣ ਨਾਲ ਹੁਣ ਕਪਤਾਨੀ ਦਾ ਬੋਝ ਕਿਸੇ ਦੂਜੇ ਖਿਡਾਰੀ 'ਤੇ ਆਵੇਗਾ, ਜੋ ਟੀਮ ਦੀ ਰਣਨੀਤੀ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e