ਵਿਧਾਨ ਸਭਾ ਚੋਣਾਂ : ਜਾਣੋ ਸੰਗਰੂਰ ਦੇ 5 ਵਿਧਾਨ ਸਭਾ ਹਲਕਿਆਂ 'ਚ ਹੁਣ ਤੱਕ ਕਿੰਨੇ ਫ਼ੀਸਦੀ ਪਈਆਂ ਵੋਟਾਂ

ਸੰਗਰੂਰ (ਵਿਜੈ ਕੁਮਾਰ ਸਿੰਗਲਾ)- ਜ਼ਿਲਾ ਸੰਗਰੂਰ ’ਚ ਪੰਜਾਬ ਵਿਧਾਨ ਸਭਾ ਚੋਣਾਂ-2022 ਦੌਰਾਨ ਅੱਜ ਵੋਟਾਂ ਪਾਉਣ ਦਾ ਕੰਮ ਅਮਨ ਸ਼ਾਂਤੀ ਨਾਲ ਨੇਪਰੇ ਚੜ ਗਿਆ ਹੈ। ਜ਼ਿਲੇ ਵਿਚ ਪੈਂਦੇ 5 ਵਿਧਾਨ ਸਭਾ ਹਲਕਿਆਂ 'ਚ ਸ਼ਾਮ 6 ਵਜੇ ਤੱਕ ਲਗਭਗ 74.3 ਫੀਸਦੀ ਵੋਟਾਂ ਦਾ ਭੁਗਤਾਨ ਹੋਇਆ।  ਇਹ ਜਾਣਕਾਰੀ ਦਿੰਦਿਆਂ ਜ਼ਿਲਾ ਚੋਣ ਅਫ਼ਸਰ- ਕਮ- ਡਿਪਟੀ ਕਮਿਸ਼ਨਰ ਸ਼੍ਰੀ ਰਾਮਵੀਰ ਨੇ ਦੱਸਿਆ ਕਿ ਹਲਕਾ ਲਹਿਰਾ ’ਚ 74.7 ਫੀਸਦੀ, ਦਿੜਬਾ ’ਚ 76.6 ਫੀਸਦੀ, ਸੁਨਾਮ ’ਚ 73.8 ਫੀਸਦੀ, ਧੂਰੀ ’ਚ 74.4 ਫੀਸਦੀ ਅਤੇ ਸੰਗਰੂਰ ’ਚ 72.2 ਫੀਸਦੀ ਵੋਟਾਂ ਦਾ ਭੁਗਤਾਨ ਹੋਇਆ ਹੈ, ਜੋਕਿ ਜ਼ਿਲਾ ਸੰਗਰੂਰ 'ਚ ਹੁਣ ਤੱਕ ਦੇ ਪ੍ਰਾਪਤ ਹੋਏ ਅੰਕੜਿਆਂ ਦੇ ਮੁਤਾਬਕ ਲਗਭਗ 74.3 ਫੀਸਦੀ ਬਣਦਾ ਹੈ। ਉਨ੍ਹਾਂ ਦੱਸਿਆ ਕਿ ਵੋਟਾਂ ਦੀ ਪ੍ਰਤੀਸ਼ਤਤਾ 'ਚ ਵਾਧਾ ਹੋਣ ਦੀ ਸੰਭਾਵਨਾ ਹੈ ਕਿਉਂ ਜੋ ਹਾਲੇ ਕੁਝ ਥਾਵਾਂ ’ਤੇ ਵੋਟਿੰਗ ਪ੍ਰਕਿਰਿਆ ਜਾਰੀ ਹੈ ਅਤੇ ਪੋਲਿੰਗ ਪਾਰਟੀਆਂ ਵੱਲੋਂ ਜਾਣਕਾਰੀ ਮੁਹੱਈਆ ਕਰਵਾਉਣ ਤੋਂ ਬਾਅਦ ਹੀ ਵੋਟ ਪ੍ਰਤੀਸ਼ਤਤਾ ਬਾਰੇ ਸਹੀ ਅੰਕੜੇ ਜਾਰੀ ਕੀਤੇ ਜਾ ਸਕਣਗੇ। ਜ਼ਿਕਰਯੋਗ ਹੈ ਕਿ ਜ਼ਿਲਾ ਸੰਗਰੂਰ ’ਚ 5 ਵਿਧਾਨ ਸਭਾ ਹਲਕਿਆਂ ਤੋਂ 55 ਉਮੀਦਵਾਰ ਚੋਣ ਮੈਦਾਨ 'ਚ ਹਨ ਅਤੇ ਜ਼ਿਲੇ ’ਚ 9 ਲੱਖ 5 ਹਜ਼ਾਰ 831 ਵੋਟਰ ਹਨ, ਜਿਨ੍ਹਾਂ 'ਚ 4 ਲੱਖ 79 ਹਜ਼ਾਰ 379 ਮਰਦ, 4 ਲੱਖ 26 ਹਜ਼ਾਰ 428 ਔਰਤ ਵੋਟਰ ਅਤੇ 24 ਟਰਾਂਸਜੈਂਡਰ ਵੋਟਰ ਸ਼ਾਮਿਲ ਹਨ।  ਜ਼ਿਲਾ ਚੋਣ ਅਫ਼ਸਰ ਸ਼੍ਰੀ ਰਾਮਵੀਰ ਅਤੇ ਜ਼ਿਲਾ ਪੁਲਸ ਮੁਖੀ ਸ਼੍ਰੀ ਸਵਪਨ ਸ਼ਰਮਾ ਨੇ ਜ਼ਿਲੇ ਦੇ ਸਮੁੱਚੇ ਵੋਟਰਾਂ ਦਾ ਸ਼ਾਂਤਮਈ ਵੋਟਿੰਗ ਪ੍ਰਕਿਰਿਆ ਲਈ ਧੰਨਵਾਦ ਕੀਤਾ। ਉਨ੍ਹਾਂ ਚੋਣ ਅਮਲੇ ਤੇ ਰਿਟਰਨਿੰਗ ਅਧਿਕਾਰੀਆਂ ਸਮੇਤ ਸਮੂਹ ਚੌਕਸੀ ਟੀਮਾਂ ਦਾ ਵੀ ਧੰਨਵਾਦ ਕੀਤਾ ਜਿਨ੍ਹਾਂ ਸਭ ਦੇ ਸਹਿਯੋਗ ਨਾਲ ਜ਼ਿਲਾ ਸੰਗਰੂਰ ਵਿਖੇ ਸਮੁੱਚਾ ਪੋਲਿੰਗ ਕਾਰਜ ਅਮਨ ਅਮਾਨ ਨਾਲ ਨੇਪਰੇ ਚੜਿਆ।

ਇਹ ਵੀ ਪੜ੍ਹੋ : ਡੇਰਾਬੱਸੀ ਦੇ ਪਿੰਡ 'ਚ ਮਾਹੌਲ ਤਣਾਅਪੂਰਨ, ਕਾਂਗਰਸੀ ਤੇ ਅਕਾਲੀ ਵਰਕਰਾਂ ਵਿਚਾਲੇ ਬਹਿਸਬਾਜ਼ੀ

5 ਵਜੇ ਤੱਕ ਪਈਆਂ ਵੋਟਾਂ
ਲਹਿਰਾ 'ਚ 71.7 ਫ਼ੀਸਦੀ ਵੋਟਾਂ ਪਈਆਂ
ਦਿੜ੍ਹਬਾ 'ਚ 71.20 ਫ਼ੀਸਦੀ ਵੋਟਾਂ ਪਈਆਂ
ਸੁਨਾਮ 'ਚ 72.30 ਫ਼ੀਸਦੀ ਵੋਟਾਂ ਪਈਆਂ
ਧੂਰੀ 'ਚ 68 ਫ਼ੀਸਦੀ ਵੋਟਾਂ ਪਈਆਂ
ਸੰਗਰੂਰ 'ਚ 68.72 ਫ਼ੀਸਦੀ ਵੋਟਾਂ ਪਈਆਂ

3 ਵਜੇ ਤੱਕ ਪਈਆਂ ਵੋਟਾਂ
ਲਹਿਰਾ 'ਚ 54.6 ਫ਼ੀਸਦੀ ਵੋਟਿੰਗ
ਦਿੜ੍ਹਬਾ 'ਚ 56.62 ਫ਼ੀਸਦੀ ਵੋਟਿੰਗ
ਸੁਨਾਮ 'ਚ 56.70 ਫ਼ੀਸਦੀ ਵੋਟਿੰਗ
ਧੂਰੀ 'ਚ 48.75 ਫ਼ੀਸਦੀ ਵੋਟਿੰਗ
ਸੰਗਰੂਰ 'ਚ 53.58 ਫ਼ੀਸਦੀ ਵੋਟਿੰਗ
ਇਹ ਵੀ ਪੜ੍ਹੋ : ਵਿਧਾਨ ਸਭਾ ਚੋਣਾਂ 2022 : ਸੱਤ ਫੇਰੇ ਲੈਣ ਤੋਂ ਪਹਿਲਾਂ ਪੋਲਿੰਗ ਬੂਥ 'ਤੇ ਪੁੱਜੀ ਲਾੜੀ, ਪਾਈ ਵੋਟ

ਸਵੇਰੇ 9 ਵਜੇ ਤੱਕ ਪਈਆਂ ਵੋਟਾਂ
ਲਹਿਰਾ 'ਚ 5.20 ਫ਼ੀਸਦੀ ਵੋਟਿੰਗ
ਦਿੜ੍ਹਬਾ 'ਚ 5.10 ਫ਼ੀਸਦੀ ਵੋਟਿੰਗ

ਸੁਨਾਮ 'ਚ 5.71 ਫ਼ੀਸਦੀ ਵੋਟਿੰਗ
ਧੂਰੀ 'ਚ 5 ਫ਼ੀਸਦੀ ਵੋਟਿੰਗ
ਸੰਗਰੂਰ 'ਚ 3.54 ਫ਼ੀਸਦੀ ਵੋਟਿੰਗ

ਵੋਟਰਾਂ ਦੀ ਕੁੱਲ ਗਿਣਤੀ

ਲਹਿਰਾ 'ਚ ਵੋਟਰਾਂ ਦੀ ਕੁੱਲ ਗਿਣਤੀ (172109, ਪੁਰਸ਼-81015, ਔਰਤਾਂ-91084, ਥਰਡ ਜੈਂਡਰ-10)
ਦਿੜ੍ਹਬਾ 'ਚ ਵੋਟਰਾਂ ਦੀ ਕੁੱਲ ਗਿਣਤੀ (182695, ਪੁਰਸ਼-84578, ਔਰਤਾਂ-98116, ਥਰਡ ਜੈਂਡਰ-1)
ਸੁਨਾਮ 'ਚ ਵੋਟਰਾਂ ਦੀ ਕੁੱਲ ਗਿਣਤੀ (196136, ਪੁਰਸ਼-92561, ਔਰਤਾਂ-103572, ਥਰਡ ਜੈਂਡਰ-3)
ਭਦੌੜ 'ਚ ਵੋਟਰਾਂ ਦੀ ਕੁੱਲ ਗਿਣਤੀ 157809 (ਪੁਰਸ਼-74175, ਔਰਤਾਂ-83625, ਥਰਡ ਜੈਂਡਰ-9)
ਬਰਨਾਲਾ 'ਚ ਵੋਟਰਾਂ ਦੀ ਕੁੱਲ ਗਿਣਤੀ-182502 (ਪੁਰਸ਼-86280, ਔਰਤਾਂ-96214, ਥਰਡ ਜੈਂਡਰ-8)
ਮਹਿਲ ਕਲਾਂ 'ਚ ਵੋਟਰਾਂ ਦੀ ਕੁੱਲ ਗਿਣਤੀ-160348 (ਪੁਰਸ਼-75533, ਔਰਤਾਂ-84814, ਥਰਡ ਜੈਂਡਰ-1)
ਮਾਲੇਰਕੋਟਲਾ 'ਚ ਵੋਟਰਾਂ ਦੀ ਕੁੱਲ ਗਿਣਤੀ-159900 (ਪੁਰਸ਼-75168, ਔਰਤਾਂ-84724, ਥਰਡ ਜੈਂਡਰ-8)
ਨੋਟ : ਇਸ ਖ਼ਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ