ਕੈਪਟਨ ਨੇ ਕੱਢੀ ਗੱਪ ਦੀ ਜਾਨ : ਚੰਦੂਮਾਜਰਾ

Saturday, Sep 14, 2019 - 07:17 PM (IST)

ਕੈਪਟਨ ਨੇ ਕੱਢੀ ਗੱਪ ਦੀ ਜਾਨ : ਚੰਦੂਮਾਜਰਾ

ਨਵੀਂ ਦਿੱਲੀ/ਚੰਡੀਗੜ੍ਹ (ਕਮਲ ਕਾਂਸਲ) : ਅਕਾਲੀ ਦਲ ਨੇ ਪੰਜਾਬ ਦੀ ਕੈਪਟਨ ਸਰਕਾਰ 'ਤੇ ਤਿੱਖਾ ਹਮਲਾ ਬੋਲਿਆ ਹੈ। ਅਕਾਲੀ ਦਲ ਦੇ ਸੀਨੀਅਰ ਲੀਡਰ ਅਤੇ ਸਾਬਕਾ ਸਾਂਸਦ ਪ੍ਰੇਮ ਸਿੰਘ ਚੰਦੂਮਾਜਰਾ ਨੇ ਕਿਹਾ ਕਿ ਝੂਠ ਬੋਲ ਕੇ ਕੈਪਟਨ ਅਮਰਿੰਦਰ ਸਿੰਘ ਨੇ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ। ਅਕਾਲੀ ਦਲ ਮੁਤਾਬਿਕ ਕੈਪਟਨ ਨੇ 140 ਨਹੀਂ ਸਗੋਂ ਚਾਰ ਵਾਅਦੇ ਵੀ ਪੁਰੇ ਨਹੀਂ ਕੀਤੇ। ਅਕਾਲੀ ਦਲ ਦਾ ਇਲਜ਼ਾਮ ਹੈ ਕਿ ਝੂਠੇ ਵਾਅਦੇ ਕਰਕੇ ਸੱਤਾ ਚ ਆਈ ਕੈਪਟਨ ਸਰਕਾਰ ਹੁਣ ਵੀ ਝੂਠ ਬੋਲ ਕੇ ਆਪਣੀ ਲੀਡਰਸ਼ੀਪ ਅਤੇ ਜਨਤਾ ਨੂੰ ਗੁੰਮਰਾਹ ਕਰ ਰਹੀ ਹੈ।

ਦਰਅਸਲ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਨੇ ਚੋਣਾਂ ਵੇਲੇ ਕੀਤੇ 161 ਵਾਅਦਿਆਂ 'ਚੋਂ 140 ਵਾਅਦੇ ਪੂਰੇ ਕੀਤੇ ਹਨ। ਕੈਪਟਨ ਅਮਰਿੰਦਰ ਸਿੰਘ ਨੇ ਟਵੀਟ ਕਰਕੇ ਇਸ ਦੀ ਜਾਣਕਾਰੀ ਦਿੱਤੀ। ਉਨ੍ਹਾਂ ਕਿਹਾ ਕਿ ਉਹ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਨੂੰ ਮਿਲੇ, ਉਨ੍ਹਾਂ ਮੇਰੀ ਸਰਕਾਰ ਵੱਲੋਂ 161 ਚੋਣ ਵਾਅਦਿਆਂ 'ਚੋਂ 140 ਵਾਅਦੇ ਪੂਰੇ ਕਰਨ ਲਈ ਮੇਰੀ ਸਰਕਾਰ ਦੀ ਸ਼ਲਾਘਾ ਕੀਤੀ ਹੈ।


author

Gurminder Singh

Content Editor

Related News