ਸ਼੍ਰੀ ਸ਼ਿਆਮ ਮਿੱਤਰ ਮੰਡਲ ਵੱਲੋਂ ਭਲਕੇ ਕੱਢੀ ਜਾਵੇਗੀ ਸੰਕੀਰਤਨ ਫੇਰੀ : ਹਰੀਓਮ ਗੁਪਤਾ

ਫਤਿਹਗੜ੍ਹ ਸਾਹਿਬ (ਸੁਰੇਸ਼)- ਸ਼੍ਰੀ ਸ਼ਿਆਮ ਮਿੱਤਰ ਮੰਡਲ ਦੀ ਬੈਠਕ ਮੰਡਲ ਦੇ ਪ੍ਰਧਾਨ ਸ਼੍ਰੀ ਹਰੀ ਓਮ ਗੁਪਤਾ ਦੀ ਪ੍ਰਧਾਨਗੀ ’ਚ ਹੋਈ। ਬੈਠਕ ਦੌਰਾਨ ਮੰਡਲ ਦੇ ਅਹੁਦੇਦਾਰਾਂ ਤੇ ਮੈਂਬਰਾਂ ਨੇ ਸ਼੍ਰੀ ਲਕਸ਼ਮੀ ਨਾਰਾਇਣ ਮੰਦਰ ’ਚ ਸੰਕਟ ਮੋਚਨ ਸ਼੍ਰੀ ਹਨੂਮਾਨ ਜੀ ਦੇ ਜਨਮ ਉਤਸਵ ’ਤੇ ਕਰਵਾਏ ਜਾਣ ਵਾਲੇ ਸ਼੍ਰੀ ਸੁੰਦਰ ਸੁੰਦਰਕਾਂਡ ਜੀ ਦੇ ਪਾਠ ਦੀਆਂ ਤਿਆਰੀਆਂ ਨੂੰ ਅੰਤਿਮ ਰੂਪ ਦੇ ਕੇ ਮੰਡਲ ਦੇ ਅਹੁਦੇਦਾਰਾਂ ਤੇ ਮੈਂਬਰਾਂ ਦੀਆਂ ਵੱਖ-ਵੱਖ ਡਿਊਟੀਆਂ ਲਗਾਈਆਂ ਗਈਆਂ। ਇਸ ਸਬੰਧੀ ਹਰੀਓਮ ਗੁਪਤਾ ਨੇ ਦੱਸਿਆ ਕਿ ਉਕਤ ਪਾਠ ਤੋਂ ਪਹਿਲਾਂ 19 ਅਪ੍ਰੈਲ ਨੂੰ ਸਵੇਰੇ 3.15 ਵਜੇ ਮੰਦਰ ਕੰਪਲੈਕਸ ਤੋਂ ਪ੍ਰਭਾਤਫੇਰੀ ਕੱਢੀ ਜਾਵੇਗੀ ਤੇ 21 ਅਪ੍ਰੈਲ ਨੂੰ ਸ਼੍ਰੀ ਸੁੰਦਰਕਾਂਡ ਜੀ ਦੇ ਪਾਠ ਸਵੇਰੇ 6.30 ਵਜੇ ਕਰਵਾਇਆ ਜਾਵੇਗਾ। ਇਸ ’ਚ ਮੁੱਖ ਮਹਿਮਾਨ ਦੇ ਤੌਰ ’ਤੇ ਤੁਲਸੀ ਰਾਮ ਗੁਪਤਾ ਸ਼ਾਮਲ ਹੋ ਕੇ ਜੋਤੀ ਪ੍ਰਚੰਡ ਕਰ ਕੇ ਪਾਠ ਸ਼ੁਰੂ ਕਰਵਾਉਣਗੇ। ਉਨ੍ਹਾਂ ਦੱਸਿਆ ਕਿ ਹਰੀਓਮ ਮੁੰਜਾਲ ਦਿੱਲੀ ਵਾਲਿਆਂ ਵੱਲੋਂ ਵੀ ਸ਼੍ਰੀ ਸੁੰਦਰਕਾਂਡ ਪਾਠ ਦਾ ਗੁਣਗਾਨ ਕੀਤਾ ਜਾਵੇਗਾ। ਇਸ ਮੌਕੇ ਦਿਨੇਸ਼ ਕੁਮਾਰ, ਭੁਪੇਸ਼ ਗੁਪਤਾ, ਮਹੇਸ਼ ਚੰਦ ਗੁਪਤਾ, ਲਲਿਤ ਗੁਪਤਾ, ਸੁਨੀਲ ਗੁਪਤਾ, ਪੰਕਜ ਗੁਪਤਾ, ਰਾਜਿੰਦਰ ਗੁਪਤਾ, ਮਦਨ ਗੁਪਤਾ, ਮੁਕੇਸ਼ ਗੁਪਤਾ, ਦੇਵਕੀ ਨੰਦਨ ਗੁਪਤਾ, ਰਿਸ਼ੀਰਾਜ ਗੋਇਲ, ਸੰਜੇ ਗੁਪਤਾ, ਗੁਰਮੁਖ ਗੁਪਤਾ, ਨਵੀਨ ਗੁਪਤਾ, ਰਾਧੇਸ਼ਿਆਮ ਗੁਪਤਾ, ਵਿਜੇ ਗੁਪਤਾ, ਰੋਹਤਾਸ਼ ਗੁਪਤਾ, ਕਪਿਲ ਗੁਪਤਾ, ਰਮੇਸ਼ ਗੁਪਤਾ, ਵਿੱਕੀ ਗੁਪਤਾ ਆਦਿ ਵੀ ਸ਼ਾਮਲ ਹੋਏ।