ਜੰਗਲ ’ਚ ਲੱਕੜਾਂ ਲੈਣ ਗਈਆਂ ਭੈਣਾਂ ਨਾਲ ਹੈਵਾਨੀਅਤ, ਵੱਡੀ ਨਾਲ ਜਬਰ-ਜ਼ਿਨਾਹ ਅਤੇ ਛੋਟੀ ਨੂੰ ਕੀਤਾ ਨਿਰਵਸਤਰ

ਗੁਰਦਾਸਪੁਰ/ਪਾਕਿਸਤਾਨ (ਜ. ਬ.) - ਪਾਕਿ ਦੇ ਕਸਬਾ ਟੋਬਾ ਟੇਕ ਸਿੰਘ ਦੇ ਨਜ਼ਦੀਕੀ ਪਿੰਡ ਚੱਕ 324 ਜੇ. ਬੀ. ਪਿਆਰਾਂ ’ਚ ਕੁਝ ਨੌਜਵਾਨਾਂ ਨੇ ਜੰਗਲ ’ਚ ਲੱਕੜਾਂ ਲੈਣ ਗਈਆਂ 15 ਅਤੇ 8 ਸਾਲਾਂ ਭੈਣਾਂ ਨੂੰ ਫੜ੍ਹ ਕੇ ਵੱਡੀ ਭੈਣ ਨਾਲ ਸਮੂਹਿਕ ਜਬਰ-ਜ਼ਿਨਾਹ ਕੀਤਾ, ਜਦਕਿ ਛੋਟੀ ਦੇ ਕੱਪੜੇ ਪਾੜ ਕੇ ਉਸ ਦੀ ਨੰਗੀ ਫੋਟੋ ਖਿੱਚ ਲਈ। ਵੱਡੀ ਭੈਣ ਨਾਲ ਵੀ ਜਬਰ-ਜ਼ਿਨਾਹ ਕਰਨ ਦੀ ਦੋਸ਼ੀਆਂ ਨੇ ਵੀਡੀਓ ਬਣਾ ਲਈ। ਅਜਿਹੀ ਸ਼ਰਮਸਾਰ ਹਰਕਤ ਕਰਨ ’ਤੇ ਪੁਲਸ ਨੇ ਤਿੰਨਾਂ ਦੋਸ਼ੀਆਂ ਨੂੰ ਹਿਰਾਸਤ ’ਚ ਲੈ ਲਿਆ ਹੈ।

ਸ਼ਰਮਸਾਰ : 9 ਸਾਲ ਦੀ ਕੁੜੀ ਦਾ ਮਤਰੇਏ ਪਿਓ ਨੇ ਮਾਂ ਨਾਲ ਮਿਲ ਕੀਤਾ ਕਤਲ, ਇੰਝ ਹੋਇਆ ਖ਼ੁਲਾਸਾ

ਸਰਹੱਦ ਪਾਰ ਸੂਤਰਾਂ ਅਨੁਸਾਰ ਪੀੜਤ ਕੁੜੀਆਂ ਦੇ ਪਿਤਾ ਨੇ ਪੁਲਸ ਨੂੰ ਦਿੱਤੀ ਸ਼ਿਕਾਇਤ ’ਚ ਦੋਸ਼ ਲਗਾਇਆ ਕਿ ਉਸ ਦੀ 15 ਸਾਲਾਂ ਅਤੇ 8 ਸਾਲਾਂ ਕੁੜੀਆਂ ਕੱਲ ਸ਼ਾਮ ਨੂੰ ਨਜ਼ਦੀਕੀ ਜੰਗਲ ’ਚੋਂ ਲੱਕੜਾਂ ਲੈਣ ਗਈਆਂ ਸਨ। ਉੱਥੇ ਪਿੰਡ ਦੇ ਹੀ ਤਿੰਨ ਨੌਜਵਾਨ ਰੂਪਾ ਖਾਨ, ਹਮੀਦ ਗੁਲ ਅਤੇ ਕਾਸ਼ਮ ਨੇ ਉਨ੍ਹਾਂ ਨੂੰ ਕਾਬੂ ਕਰ ਲਿਆ। ਉਨ੍ਹਾਂ ਨੇ ਪਹਿਲਾਂ ਵੱਡੀ ਕੁੜੀ ਨਾਲ ਸਮੂਹਿਕ ਜਬਰ-ਜ਼ਿਨਾਹ ਕੀਤਾ ਅਤੇ ਉਸ ਦੀ ਵੀਡੀਓ ਬਣਾ ਲਈ। ਛੋਟੀ ਕੁੜੀ ਨਾਲ ਜਬਰ-ਜ਼ਿਨਾਹ ਕਰਨ ’ਤੇ ਅਸਫ਼ਲ ਰਹਿਣ ’ਤੇ ਉਸ ਨੂੰ ਪੂਰੀ ਤਰ੍ਹਾਂ ਨਿਰਵਸਤਰ ਕਰ ਕੇ ਉਸ ਦੀ ਵੀਡੀਓ ਬਣਾ ਕੇ ਦੋਵਾਂ ਨੂੰ ਧਮਕੀ ਦੇ ਕੇ ਘਰ ਭੇਜ ਦਿੱਤਾ।

ਪੜ੍ਹੋ ਇਹ ਵੀ ਖ਼ਬਰ - ਘਰੋਂ ਭੱਜ ਕੇ ਵਿਆਹ ਕਰਾਉਣ ਵਾਲੇ ਪ੍ਰੇਮੀ ਜੋੜੇ ਦਾ ਦਰਦਨਾਕ ਅੰਤ, ਕੁੜੀ ਦੇ ਭਰਾ ਨੇ ਦੋਵਾਂ ਨੂੰ ਗੋਲ਼ੀਆਂ ਨਾਲ ਭੁੰਨਿਆ 

ਪੁਲਸ ਨੇ ਸੂਚਨਾ ਮਿਲਦੇ ਹੀ ਤਿੰਨਾਂ ਦੋਸ਼ੀਆਂ ਨੂੰ ਹਿਰਾਸਤ ’ਚ ਲੈ ਕੇ ਤਿੰਨਾਂ ਦੇ ਮੋਬਾਇਲ ਵੀ ਕਬਜ਼ੇ ’ਚ ਲਏ। ਪੁਲਸ ਨੇ ਦੋਸ਼ੀਆਂ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ। ਜਬਰ-ਜ਼ਿਨਾਹ ਦੀ ਸ਼ਿਕਾਰ ਕੁੜੀ ਨੂੰ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ।

ਪੜ੍ਹੋ ਇਹ ਵੀ ਖ਼ਬਰ - ਕੋਰੋਨਾ ਵੈਕਸੀਨ ਲਗਾ ਕੇ ਵਿਦੇਸ਼ ਜਾਣ ਵਾਲੇ 18 ਤੋਂ 45 ਸਾਲ ਦੇ ਲੋਕਾਂ ਲਈ ਰਾਹਤ ਭਰੀ ਖ਼ਬਰ