ਹਸਪਤਾਲਾਂ ’ਚ ਸੇਵਾਵਾਂ ਦਾ ਸਮਾਂ ਬਦਲਿਆ

ਚੰਡੀਗੜ੍ਹ (ਮਨਪ੍ਰੀਤ) : ਸਿਹਤ ਵਿਭਾਗ ਵੱਲੋਂ ਗਰਮੀਆਂ ਕਾਰਨ ਹਸਪਤਾਲਾਂ ਦਾ ਸਮਾਂ ਬਦਲਿਆ ਗਿਆ ਹੈ। ਇਸ ’ਚ ਸਰਕਾਰੀ ਮੈਡੀਕਲ ਕਾਲਜ ਤੇ ਹਸਪਤਾਲ, ਸੈਕਟਰ-32 ਤੇ ਸਾਊਥ ਕੈਂਪਸ ਸੈਕਟਰ-48 ਸ਼ਾਮਲ ਹਨ। 16 ਮਈ ਤੋਂ 23 ਜੁਲਾਈ ਤੱਕ ਸੈਕਟਰ-32 ’ਚ ਰਜਿਸਟ੍ਰੇਸ਼ਨ ਸਵੇਰੇ 7 ਤੋਂ 10, ਓ. ਪੀ. ਡੀ. 8 ਤੋਂ ਦੁਪਹਿਰ 2 ਵਜੇ ਤੱਕ ਹੋਵੇਗੀ।

ਇਸੇ ਤਰ੍ਹਾਂ ਬਲੱਡ ਕਲੈਕਸ਼ਨ ਸੈਂਟਰ ਦਾ ਸਮਾਂ ਸਵੇਰੇ 7 ਤੋਂ ਦੁਪਹਿਰ 12 ਵਜੇ ਤੱਕ ਰਹੇਗਾ। ਜੀ. ਐੱਮ. ਸੀ.ਐੱਚ.-48 ’ਚ ਓ. ਪੀ. ਡੀ. ਸਵੇਰੇ 9 ਤੋਂ ਦੁਪਹਿਰ 12 ਤੇ ਬਲੱਡ ਕਲੈਕਸ਼ਨ ਸੈਂਟਰ ਦਾ ਸਮਾਂ ਸਵੇਰੇ 9 ਤੋਂ 11 ਵਜੇ ਤੱਕ ਹੋਵੇਗਾ। ਐਮਰਜੈਂਸੀ ਲਈ ਕੋਈ ਬਦਲਾਅ ਨਹੀਂ ਹੋਵੇਗਾ।