ਅੱਗ ਲੱਗਣ ਕਾਰਨ ਛੋਟਾ ਹਾਥੀ ਸੜਿਆ

ਬਠਿੰਡਾ (ਸੁਖਵਿੰਦਰ) : ਬੀਤੀ ਰਾਤ ਆਈ. ਟੀ. ਆਈ. ਪੁਲ ‘ਤੇ ਅਚਾਨਕ ਅੱਗ ਲੱਗਣ ਕਾਰਨ ਇਕ ਛੋਟਾ ਹਾਥੀ ਬੁਰੀ ਤਰ੍ਹਾਂ ਸੜ ਗਿਆ, ਜਦਕਿ ਜਾਨੀ ਨੁਕਸਾਨ ਤੋਂ ਬਚਾਅ ਹੋ ਗਿਆ। ਜਾਣਕਾਰੀ ਦਿੰਦਿਆ ਛੋਟਾ ਹਾਥੀ ਚਾਲਕ ਹੈਪੀ ਨੇ ਦੱਸਿਆ ਕਿ ਉਹ ਡੱਬਵਾਲੀ ਤੋਂ ਰਾਮਪੁਰਾ ਵੱਲ ਜਾ ਰਿਹਾ ਸੀ।

ਇਸ ਦੌਰਾਨ ਅਚਾਨਕ ਛੋਟੇ ਹਾਥੀ ਨੂੰ ਅੱਗ ਲੱਗ ਗਈ। ਅੱਗ ਲੱਗਣ ਕਾਰਨ ਗੱਡੀ ਦੀਆ ਤਾਕੀਆਂ ਵੀ ਲਾਕ ਹੋ ਗਈਆ, ਜਿਸ ਕਾਰਨ ਉਹ ਵਿਚ ਹੀ ਫਸ ਲਿਆ।, ਇਸ ਦੌਰਾਨ ਇਕ ਹੋਰ ਗੱਡੀ ਚਾਲਕ ਵਲੋਂ ਉਸ ਨੂੰ ਗੱਡੀ ਵਿਚੋਂ ਬਾਹਰ ਕੱਢਿਆ। ਸੂਚਨਾ ਮਿਲਣ ‘ਤੇ ਫਾਇਰ ਬ੍ਰਿਗੇਡ ਦੀਆ ਗੱਡੀਆ ਮੌਕੇ ‘ਤੇ ਪਹੁੰਚੀਆ ਅਤੇ ਅੱਗ ‘ਤੇ ਕਾਬੂ ਪਾਇਆ।