ਰਾਜਿੰਦਰਾ ਹਸਪਤਾਲ ਦੇ ਬਾਹਰ ਹੰਗਾਮਾ, 2 ਧੜਿਆਂ ’ਚ ਜ਼ਬਰਦਸਤ ਝੜਪ, ਚੱਲੇ ਘਸੁੰਨ-ਮੁੱਕੇ

ਪਟਿਆਲਾ (ਬਲਜਿੰਦਰ) : ਸਰਕਾਰੀ ਰਾਜਿੰਦਰਾ ਹਸਪਤਾਲ ਦੇ ਬਾਹਰ ਬਣੇ ਢਾਬਿਆਂ ਦੇ ਸਾਹਮਣੇ ਬੀਤੀ ਰਾਤ 2 ਧੜੇ ਆਪਸ ਵਿਚ ਭਿੜ ਗਏ ਅਤੇ ਕਾਫੀ ਦੇਰ ਤੱਕ ਆਪਸ ਵਿਚ ਕੁੱਟਮਾਰ ਚਲਦੀ ਰਹੀ। ਝਗੜੇ ’ਚ ਘਸੁੰਨ-ਮੁੱਕੇ ਚੱਲੇ ਅਤੇ ਇਕ-ਦੂਜੇ ਦੇ ਕੱਪੜੇ ਤੱਕ ਪਾੜੇ ਗਏ, ਜਿਸ ਕਾਰਨ ਉੱਥੇ ਮਾਹੌਲ ਤਣਾਅਪੂਰਨ ਬਣਿਆ ਰਿਹਾ। ਕਾਫੀ ਦੇਰ ਹੰਗਾਮੇ ਤੋਂ ਬਾਅਦ ਦੋਵੇਂ ਧੜੇ ਉਥੋਂ ਚਲੇ ਗਏ।

ਇਥੇ ਇਹ ਖਾਸ ਤੌਰ 'ਤੇ ਦੱਸਣਯੋਗ ਹੈ ਕਿ ਇਹ ਢਾਬੇ ਸਾਰੀ ਰਾਤ ਖੁੱਲ੍ਹੇ ਰਹਿੰਦੇ ਹਨ। ਗੱਡੀਆਂ ਵਿਚ ਅਤੇ ਆਸਪਾਸ ਸ਼ਰਾਬ ਦਾ ਦੌਰ ਵੀ ਚੱਲਦਾ ਹੈ, ਜਿਸ ਕਾਰਨ ਇਥੇ ਝਗੜੇ ਦੀ ਕੋਈ ਨਾ ਕੋਈ ਘਟਨਾ ਵਾਪਰਦੀ ਰਹਿੰਦੀ ਹੈ।