ਸਾਵਧਾਨ! ਇਹ ਹੈ ਦੁਨੀਆ ਦੀ ਸਭ ਤੋਂ ਸਟ੍ਰੌਂਗ ਬੀਅਰ, ਇੱਕੋ ਵਾਰ ਪੀਣ ''ਤੇ ਮਾਹਿਰਾਂ ਨੇ ਦਿੱਤੀ ਚੇਤਾਵਨੀ

ਨਵੀਂ ਦਿੱਲੀ : ਅਕਸਰ ਲੋਕ ਬੀਅਰ ਨੂੰ ਇਸ ਲਈ ਪਸੰਦ ਕਰਦੇ ਹਨ ਕਿਉਂਕਿ ਇਸ ਵਿੱਚ ਅਲਕੋਹਲ ਦੀ ਮਾਤਰਾ ਘੱਟ ਹੁੰਦੀ ਹੈ, ਪਰ ਅੱਜ ਅਸੀਂ ਤੁਹਾਨੂੰ ਇੱਕ ਅਜਿਹੀ ਬੀਅਰ ਬਾਰੇ ਦੱਸਣ ਜਾ ਰਹੇ ਹਾਂ ਜਿਸ ਦੀ ਇੱਕ ਬੋਤਲ ਹੀ ਬਹੁਤ ਖ਼ਤਰਨਾਕ ਮੰਨੀ ਜਾਂਦੀ ਹੈ। ਇਸ ਦਾ ਨਾਮ ਹੈ 'ਸਨੇਕ ਵੇਨਮ' (Snake Venom), ਜਿਸ ਨੂੰ ਦੁਨੀਆ ਦੀ ਸਭ ਤੋਂ ਸਟ੍ਰੌਂਗ ਬੀਅਰ ਮੰਨਿਆ ਜਾਂਦਾ ਹੈ।

ਸਕਾਟਲੈਂਡ ਦੀ ਕੰਪਨੀ 'ਬ੍ਰੂਮਿਸਟਰ' ਵੱਲੋਂ ਤਿਆਰ ਕੀਤੀ ਗਈ ਇਸ ਬੀਅਰ ਵਿੱਚ 67.5 ਫੀਸਦੀ ਅਲਕੋਹਲ ਹੁੰਦੀ ਹੈ। ਇਸ ਦੇ ਨਾਮ ਤੋਂ ਹੀ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਇਸ ਦੀ ਤੁਲਨਾ ਸੱਪ ਦੇ ਜ਼ਹਿਰ ਨਾਲ ਕੀਤੀ ਗਈ ਹੈ। ਜਿੱਥੇ ਆਮ ਬੀਅਰ ਵਿੱਚ ਅਲਕੋਹਲ ਦੀ ਮਾਤਰਾ ਕਾਫੀ ਘੱਟ ਹੁੰਦੀ ਹੈ, ਉੱਥੇ ਹੀ ਇਸ ਵਿੱਚ ਇੰਨਾ ਨਸ਼ਾ ਹੁੰਦਾ ਹੈ ਕਿ ਇਹ ਵ੍ਹਿਸਕੀ ਵਾਂਗ ਬਹੁਤ ਸਟ੍ਰੌਂਗ ਮੰਨੀ ਜਾਂਦੀ ਹੈ।

ਇਸ ਬੀਅਰ ਨੂੰ ਬਣਾਉਣ ਲਈ 'ਸਮੋਕਡ ਮਾਲਟ' ਅਤੇ 'ਫ੍ਰੀਜ਼-ਡਿਸਟਿਲੇਸ਼ਨ' ਤਕਨੀਕ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਸ ਨੂੰ ਬਣਾਉਣ ਸਮੇਂ ਕਈ ਵਾਰ ਜਮਾਇਆ ਜਾਂਦਾ ਹੈ ਅਤੇ ਬਰਫ਼ ਦੇ ਕ੍ਰਿਸਟਲ ਹਟਾ ਦਿੱਤੇ ਜਾਂਦੇ ਹਨ, ਜਿਸ ਨਾਲ ਅਲਕੋਹਲ ਦੀ ਮਾਤਰਾ ਅਤੇ ਸੁਆਦ ਬਹੁਤ ਜ਼ਿਆਦਾ ਸੰਘਣਾ ਹੋ ਜਾਂਦਾ ਹੈ। ਇਹ ਬੀਅਰ ਦੇਖਣ ਵਿੱਚ ਸ਼ਰਬਤ (Syrup) ਵਾਂਗ ਗਾੜ੍ਹੀ ਹੁੰਦੀ ਹੈ ਅਤੇ ਇਸ ਵਿੱਚ ਆਮ ਬੀਅਰ ਵਾਂਗ ਗੈਸ ਦੇ ਬੁਲਬੁਲੇ ਵੀ ਨਹੀਂ ਦਿਖਦੇ।

ਇਹ ਬੀਅਰ ਇੰਨੀ ਜ਼ਿਆਦਾ ਖ਼ਤਰਨਾਕ ਹੈ ਕਿ ਇਸ ਨੂੰ ਇੱਕੋ ਵਾਰ (Gulp) ਪੀਣ ਤੋਂ ਸਖ਼ਤ ਮਨ੍ਹਾ ਕੀਤਾ ਜਾਂਦਾ ਹੈ। ਮਾਹਿਰਾਂ ਅਨੁਸਾਰ, ਇਸ ਨੂੰ ਆਮ ਬੀਅਰ ਵਾਂਗ ਬੋਤਲਾਂ ਦੀਆਂ ਬੋਤਲਾਂ ਪੀਣ ਦੀ ਬਜਾਏ ਵ੍ਹਿਸਕੀ ਵਾਂਗ ਸਿਰਫ਼ 35 ਮਿਲੀਲੀਟਰ ਦੀ ਛੋਟੀ ਮਾਤਰਾ ਵਿੱਚ ਹੀ ਪੀਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਜੇਕਰ ਕੋਈ ਇਸ ਨੂੰ ਸਧਾਰਨ ਬੀਅਰ ਸਮਝ ਕੇ ਪੀਂਦਾ ਹੈ, ਤਾਂ ਇਹ ਸਿਹਤ ਲਈ ਬੇਹੱਦ ਘਾਤਕ ਸਾਬਤ ਹੋ ਸਕਦੀ ਹੈ।