ਅਧਿਆਪਕ ਦੇ ਅਹੁਦੇ ''ਤੇ ਨੌਕਰੀ ਦਾ ਸੁਨਹਿਰੀ ਮੌਕਾ, ਜਲਦੀ ਕਰੋ ਅਪਲਾਈ

ਨਵੀਂ ਦਿੱਲੀ- ਸੈਨਿਕ ਸਕੂਲ 'ਚ ਟੀਚਿੰਗ ਅਤੇ ਨਾਨ-ਟੀਚਿੰਗ ਅਹੁਦਿਆਂ 'ਤੇ ਸਰਕਾਰੀ ਨੌਕਰੀ ਕਰਨ ਦੇ ਇੱਛੁਕ ਉਮੀਦਵਾਰਾਂ ਲਈ ਭਰਤੀ ਨਿਕਲੀ ਹੈ। ਸੈਨਿਕ ਸਕੂਲ ਬੀਜਾਪੁਰ 'ਚ ਵਾਰਡ ਬੁਆਏ, ਪੀ. ਈ. ਐਮ/ਪੀ. ਟੀ. ਆਈ, ਨਰਸਿੰਗ ਸਿਸਟਰ, ਕਾਉਂਸਲਰ, ਪੀ. ਜੀ. ਟੀ, ਟੀ. ਜੀ. ਟੀ, ਸੰਗੀਤ ਅਧਿਆਪਕ ਅਤੇ ਹੋਰ ਅਸਾਮੀਆਂ ਲਈ ਅਰਜ਼ੀਆਂ ਦੀ ਮੰਗ ਕੀਤੀ ਗਈ ਹੈ। ਇਸ ਭਰਤੀ ਦਾ ਅਧਿਕਾਰਤ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਗਿਆ ਹੈ। ਅਰਜ਼ੀ ਦੀ ਪ੍ਰਕਿਰਿਆ ਚੱਲ ਰਹੀ ਹੈ। ਇਸ ਭਰਤੀ ਲਈ ਆਫ਼ਲਾਈਨ ਅਰਜ਼ੀਆਂ ਮੰਗੀਆਂ ਗਈਆਂ ਹਨ। ਦੱਸ ਦੇਈਏ ਕਿ ਸੈਨਿਕ ਸਕੂਲ ਬੀਜਾਪੁਰ ਰੱਖਿਆ ਮੰਤਰਾਲੇ ਅਤੇ ਕਰਨਾਟਕ ਸੂਬਾ ਸਰਕਾਰ ਦੇ ਅਧੀਨ ਕੰਮ ਕਰ ਰਿਹਾ ਹੈ। ਜਿਸ ਵਿਚ ਨੌਕਰੀ ਦਾ ਇਹ ਵਧੀਆ ਮੌਕਾ ਉਪਲਬਧ ਹੈ।

ਯੋਗਤਾ

ਸੈਨਿਕ ਸਕੂਲ ਪੀਜੀਟੀ ਦੇ ਅਹੁਦੇ ਲਈ ਅਰਜ਼ੀ ਦੇਣ ਲਈ ਉਮੀਦਵਾਰਾਂ ਕੋਲ ਸਬੰਧਤ ਵਿਸ਼ੇ 'ਚ ਪੋਸਟ ਗ੍ਰੈਜੂਏਸ਼ਨ, ਐਮ.ਐੱਡ ਜਾਂ ਐਮ.ਐਸ.ਸੀ.ਐਡ ਡਿਗਰੀ ਹੋਣੀ ਚਾਹੀਦੀ ਹੈ। ਜਦੋਂ ਕਿ ਟੀ. ਜੀ. ਟੀ ਅਧਿਆਪਕ ਲਈ ਘੱਟੋ-ਘੱਟ 50 ਫ਼ੀਸਦੀ ਅੰਕਾਂ ਨਾਲ ਸਬੰਧਤ ਵਿਸ਼ੇ 'ਚ ਬੈਚਲਰ ਡਿਗਰੀ ਹੋਣੀ ਚਾਹੀਦੀ ਹੈ। ਇਸ ਤੋਂ ਇਲਾਵਾ ਉਮੀਦਵਾਰਾਂ ਲਈ ਬੀ.ਐਡ ਹੋਣਾ ਵੀ ਜ਼ਰੂਰੀ ਹੈ। ਇਸ ਦੇ ਨਾਲ ਹੀ ਉਮੀਦਵਾਰਾਂ ਨੂੰ CBSE CTET ਪ੍ਰੀਖਿਆ ਜਾਂ STET ਪ੍ਰੀਖਿਆ ਵੀ ਪਾਸ ਕਰਨੀ ਚਾਹੀਦੀ ਹੈ। ਨਾਨ-ਟੀਚਿੰਗ ਪੋਸਟਾਂ, ਵਾਰਡ ਬੁਆਏਜ਼ ਅਤੇ ਪੀ.ਈ.ਐਮ./ਪੀ.ਟੀ.ਆਈ. ਲਈ 10ਵੀਂ ਪਾਸ ਵਿਦਿਅਕ ਯੋਗਤਾ ਦੀ ਮੰਗ ਕੀਤੀ ਗਈ ਹੈ। ਨਰਸਿੰਗ ਡਿਪਲੋਮਾ/ਜਨਰਲ ਨਰਸਿੰਗ ਅਤੇ ਮਿਡਵਾਈਫ ਡਿਪਲੋਮਾ ਰੱਖਣ ਵਾਲੇ ਉਮੀਦਵਾਰ ਨਰਸਿੰਗ ਸਿਸਟਰ ਲਈ ਅਪਲਾਈ ਕਰ ਸਕਦੇ ਹਨ।

ਉਮਰ ਹੱਦ

ਬੀਜਾਪੁਰ ਸੈਨਿਕ ਸਕੂਲ ਦੀ ਨਾਨ-ਟੀਚਿੰਗ ਅਸਾਮੀ ਲਈ ਅਪਲਾਈ ਕਰਨ ਲਈ ਉਮੀਦਵਾਰਾਂ ਦੀ ਘੱਟੋ-ਘੱਟ ਉਮਰ 18 ਸਾਲ ਅਤੇ ਵੱਧ ਤੋਂ ਵੱਧ ਉਮਰ 50 ਸਾਲ ਹੋਣੀ ਚਾਹੀਦੀ ਹੈ। ਜਦਕਿ ਟੀਚਿੰਗ ਦੀਆਂ ਅਸਾਮੀਆਂ, ਟੀਜੀਟੀ ਅਤੇ ਪੀਜੀਟੀ ਲਈ ਘੱਟੋ-ਘੱਟ ਉਮਰ 21 ਸਾਲ ਅਤੇ ਵੱਧ ਤੋਂ ਵੱਧ ਉਮਰ 40 ਸਾਲ ਰੱਖੀ ਗਈ ਹੈ। ਦੋਵਾਂ ਅਸਾਮੀਆਂ ਲਈ ਉਪਰਲੀ ਉਮਰ ਹੱਦ ਦੀ ਗਣਨਾ 1 ਅਪ੍ਰੈਲ, 2025 ਦੇ ਆਧਾਰ 'ਤੇ ਕੀਤੀ ਜਾਵੇਗੀ। ਇਨ੍ਹਾਂ ਅਸਾਮੀਆਂ 'ਤੇ ਉਮੀਦਵਾਰਾਂ ਦੀ ਤਨਖਾਹ ਉਨ੍ਹਾਂ ਦੇ ਤਜ਼ਰਬੇ ਅਤੇ ਯੋਗਤਾ ਦੇ ਅਧਾਰ 'ਤੇ ਹੋਵੇਗੀ।

ਇਸ ਪਤੇ 'ਤੇ ਭੇਜੋ ਅਰਜ਼ੀਆਂ

ਉਮੀਦਵਾਰਾਂ ਨੂੰ ਬਿਨੈ ਪੱਤਰ ਆਫਲਾਈਨ ਸੈਨਿਕ ਸਕੂਲ ਦੇ ਨਿਰਧਾਰਤ ਪਤੇ 'ਤੇ ਭੇਜਣਾ ਹੋਵੇਗਾ। "ਪਤਾ- ਪ੍ਰਿੰਸੀਪਲ ਸੈਨਿਕ ਸਕੂਲ ਬੀਜਾਪੁਰ- 586108, (ਕਰਨਾਟਕ)।" ਉਮੀਦਵਾਰਾਂ ਨੂੰ ਡਿਮਾਂਡ ਡਰਾਫਟ ਰਾਹੀਂ ਅਰਜ਼ੀ ਫੀਸ ਵਜੋਂ 500 ਰੁਪਏ ਅਦਾ ਕਰਨੇ ਪੈਣਗੇ। ਇਸ ਭਰਤੀ ਵਿੱਚ, ਸ਼ਾਰਟਲਿਸਟ ਕੀਤੇ ਉਮੀਦਵਾਰਾਂ ਨੂੰ ਲਿਖਤੀ ਪ੍ਰੀਖਿਆ/ਪ੍ਰੈਕਟੀਕਲ ਟੈਸਟ/ਇੰਟਰਵਿਊ ਲਈ ਬੁਲਾਇਆ ਜਾਵੇਗਾ। ਇਸ ਭਰਤੀ ਨਾਲ ਸਬੰਧਤ ਕਿਸੇ ਵੀ ਹੋਰ ਜਾਣਕਾਰੀ ਲਈ, ਉਮੀਦਵਾਰ ਸੈਨਿਕ ਸਕੂਲ ਬੀਜਾਪੁਰ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਜਾ ਸਕਦੇ ਹਨ।

ਅਰਜ਼ੀ ਕਿਵੇਂ ਦੇਣੀ ਹੈ?

ਸਕੂਲ ਦੀ ਵੈੱਬਸਾਈਟ (ਨੋਟੀਫਿਕੇਸ਼ਨ- ਖਾਲੀ ਥਾਂ ਲਿੰਕ) ਤੋਂ ਡਾਊਨਲੋਡ ਕੀਤੇ ਅਰਜ਼ੀ ਫਾਰਮ 'ਤੇ ਅਰਜ਼ੀ ਦਿਓ।  ਪੂਰੀ ਤਰ੍ਹਾਂ ਭਰੀਆਂ ਅਰਜ਼ੀਆਂ, ਦਸਤਾਵੇਜ਼ਾਂ ਦੀਆਂ ਪ੍ਰਮਾਣਿਤ ਕਾਪੀਆਂ ਅਤੇ 42/- ਰੁਪਏ ਦੀ ਡਾਕ ਟਿਕਟ ਵਾਲਾ ਇਕ ਸਵੈ-ਪਤੇ ਵਾਲਾ ਲਿਫਾਫਾ (ਸਪੀਡ ਪੋਸਟ ਰਾਹੀਂ ਸੰਚਾਰ ਕਰਨ ਲਈ) ਚਿਪਕਾਇਆ ਜਾਣਾ ਚਾਹੀਦਾ ਹੈ।

ਵਧੇਰੇ ਜਾਣਕਾਰੀ ਲਈ ਇਸ ਨੋਟੀਫ਼ਿਕੇਸ਼ਨ ਲਿੰਕ 'ਤੇ ਕਲਿੱਕ ਕਰੋ।