ਜੰਮੂ ਦੇ ਰਾਮਬਨ ’ਚ ਵਾਪਰਿਆ ਹਾਦਸਾ, ਸਵਾਰੀਆਂ ਨਾਲ ਭਰੀ ਟੈਕਸੀ ਖੱਡ ’ਚ ਡਿੱਗੀ, 2 ਦੀ ਮੌਤ

ਜੰਮੂ (ਵਾਰਤਾ)— ਜੰਮੂ-ਕਸ਼ਮੀਰ ਦੇ ਰਾਮਬਨ ਜ਼ਿਲ੍ਹੇ ਵਿਚ ਸ਼ਨੀਵਾਰ ਯਾਨੀ ਕਿ ਅੱਜ ਸਵੇਰੇ ਇਕ ਟੈਕਸੀ ਡੂੰਘੀ ਖੱਡ ’ਚ ਡਿੱਗ ਗਈ, ਜਿਸ ਕਾਰਨ ਉਸ ’ਚ ਸਵਾਰ 2 ਯਾਤਰੀਆਂ ਦੀ ਮੌਤ ਹੋ ਗਈ ਅਤੇ 4 ਬੱਚਿਆਂ ਸਮੇਤ 12 ਯਾਤਰੀ ਜ਼ਖਮੀ ਹੋ ਗੲ। ਮਿਲੀ ਜਾਣਕਾਰੀ ਮੁਤਾਬਕ ਸਵਾਰੀਆਂ ਨਾਲ ਭਰੀ ਟੈਕਸੀ ਬੇਕਾਬੂ ਹੋ ਕੇ ਖੱਡ ਵਿਚ ਜਾ ਡਿੱਗੀ। ਰਾਮਬਨ ਸੀਨੀਅਰ ਪੁਲਸ ਸੁਪਰਡੈਂਟ ਪੀ. ਡੀ. ਨਿਤਯਾ ਨੇੇ ਦੱਸਿਆ ਕਿ ਇਹ ਹਾਦਸਾ ਸਵੇਰੇ ਕਰੀਬ 10 ਵਜੇ ਵਾਪਰਿਆ।

ਟੈਕਸੀ ’ਚ ਸਵਾਰ ਹੋ ਕੇ ਲੋਕ ਜੰਮੂ ਤੋਂ ਬਨਿਹਾਲ ਵੱਲ ਜਾ ਰਹੇ ਸਨ ਤਾਂ ਟੈਕਸੀ ਡਰਾਈਵਰ ਨੇ ਡਿਗਡੋਲ ਵਿਚ ਸਮਾਧੀ ਮੋਡ ਨੇੜੇ ਕੰਟਰੋਲ ਗੁਆ ਦਿੱਤਾ ਅਤੇ ਵਾਹਨ ਯਾਤਰੀਆਂ ਸਮੇਤ ਖੱਡ ’ਚ ਡਿੱਗ ਗਿਆ। ਫੌਜ ਨਾਲ ਮੌਕੇ ’ਤੇ ਪਹੁੰਚ ਕੇ ਪੁਲਸ ਟੀਮ ਨੇ ਸਥਾਨਕ ਲੋਕਾਂ ਦੀ ਮਦਦ ਨਾਲ ਬਚਾਅ ਮੁਹਿੰਮ ਸ਼ੁਰੂ ਕੀਤਾ ਅਤੇ ਜ਼ਖਮੀਆਂ ਨੂੰ ਹਸਪਤਾਲ ਪਹੁੰਚਾਇਆ। ਪੁਲਸ ਨੇ ਦੱਸਿਆ ਕਿ ਮਿ੍ਰਤਕਾਂ ਦਾ ਪਹਿਚਾਣ ਨਹੀਂ ਹੋ ਸਕੀ ਹੈ ਪਰ ਜ਼ਖਮੀਆਂ ਦੀ ਪਹਿਚਾਣ ਜਮੀਲਾ, ਨਸੀਰ ਖਾਨ, ਅਕੀਰਾ, ਅਕਯਾ, ਅਰਾ ਬਾਨੋ, ਸੁਏਬ ਖਾਨ, ਮੰਜੂਹ ਅਹਿਮਦ, ਖਾਲੀਦਾ ਬੇਗਮ, ਆਰਿਫ਼, ਆਸ਼ੂ, ਉਸਮਾਨ ਅਤੇ ਸੋਹੇਲ ਖਾਨ ਦੇ ਰੂਪ ਵਿਚ ਹੋਈ ਹੈ।