''ਮੈਂ ਵੀ ਹਾਂ ਆਨਰੇਰੀ ਕਾਕਰੋਚ!'' ਸੋਨਮ ਵਾਂਗਚੁਕ CJP ਦੇ ਸਮਰਥਨ ''ਚ ਉਤਰੇ, ਸਰਕਾਰ ਨੂੰ ਦਿੱਤੀ ਨਸੀਹਤ

ਨੈਸ਼ਨਲ ਡੈਸਕ : ਦੇਸ਼ 'ਚ ਚੱਲ ਰਹੇ ਅਨੋਖੇ 'ਕਾਕਰੋਚ ਅੰਦੋਲਨ' ਨੂੰ ਹੁਣ ਮਸ਼ਹੂਰ ਵਾਤਾਵਰਣ ਪ੍ਰੇਮੀ ਅਤੇ ਸਿੱਖਿਆ ਸ਼ਾਸਤਰੀ ਸੋਨਮ ਵਾਂਗਚੁਕ ਦਾ ਵੀ ਸਮਰਥਨ ਮਿਲ ਗਿਆ ਹੈ। ਵਾਂਗਚੁਕ ਨੇ ਖੁਦ ਨੂੰ 'ਆਨਰੇਰੀ ਕਾਕਰੋਚ' ਐਲਾਨ ਕਰਦਿਆ ਸਰਕਾਰ ਨੂੰ ਕਿਹਾ ਹੈ ਕਿ ਉਹ ਨੌਜਵਾਨਾਂ ਦੀ ਆਵਾਜ਼ ਨੂੰ ਦਬਾਉਣ ਦੀ ਬਜਾਏ ਉਨ੍ਹਾਂ ਦੀ ਗੱਲ ਸੁਣੇ।

ਨੌਜਵਾਨਾਂ ਦੇ ਰਚਨਾਤਮਕ ਅੰਦੋਲਨ ਦੀ ਸ਼ਲਾਘਾ
 ਸੋਨਮ ਵਾਂਗਚੁਕ ਨੇ ਕਿਹਾ ਕਿ ਉਹ 'ਕਾਕਰੋਚ ਜਨਤਾ ਪਾਰਟੀ' (CJP) ਦੇ ਇਸ ਅੰਦੋਲਨ ਤੋਂ ਬਹੁਤ ਪ੍ਰਭਾਵਿਤ ਹਨ। ਉਨ੍ਹਾਂ ਮੁਤਾਬਕ ਨੌਜਵਾਨਾਂ ਦਾ ਇਹ ਸਿਰਜਣਾਤਮਕ ਪ੍ਰਗਟਾਵਾ (Creative Expression) ਡਰਨ ਵਾਲੀ ਗੱਲ ਨਹੀਂ ਹੈ। ਉਨ੍ਹਾਂ ਨੇ ਭਾਰਤੀ ਨੌਜਵਾਨਾਂ ਦੀ ਤਾਰੀਫ਼ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕਰਨ ਲਈ ਸੜਕਾਂ 'ਤੇ ਪੱਥਰ ਚੁੱਕਣ ਦੀ ਬਜਾਏ ਡਿਜੀਟਲ ਰਚਨਾਤਮਕਤਾ ਦਾ ਰਸਤਾ ਚੁਣਿਆ ਹੈ।

ਪੇਪਰ ਲੀਕ ਅਤੇ ਬੇਰੁਜ਼ਗਾਰੀ 'ਤੇ ਚਿੰਤਾ
ਵਾਂਗਚੁਕ ਨੇ ਪੇਪਰ ਲੀਕ ਅਤੇ ਬੇਰੁਜ਼ਗਾਰੀ ਵਰਗੇ ਮੁੱਦਿਆਂ ਨੂੰ ਬੇਹੱਦ ਗੰਭੀਰ ਦੱਸਿਆ। ਉਨ੍ਹਾਂ ਕਿਹਾ ਕਿ ਅਜਿਹੇ ਮੁੱਦਿਆਂ 'ਤੇ ਦੂਜੇ ਦੇਸ਼ਾਂ ਵਿੱਚ ਮੰਤਰੀ ਅਸਤੀਫਾ ਦੇ ਦਿੰਦੇ ਹਨ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਖਾਤੇ ਬੰਦ ਕੀਤੇ ਜਾਣ 'ਤੇ ਵੀ ਚਿੰਤਾ ਪ੍ਰਗਟਾਈ ਅਤੇ ਸਰਕਾਰ ਨੂੰ ਸੁਨੇਹਾ ਦਿੱਤਾ ਕਿ "ਸੁਨੇਹਾ ਦੇਣ ਵਾਲੇ ਨੂੰ ਨਾ ਮਾਰੋ, ਜੇਕਰ ਸੁਨੇਹਾ ਦੇਣ ਵਾਲੇ ਨੂੰ ਮਾਰੋਗੇ ਤਾਂ ਸੁਨੇਹਾ ਖ਼ਤਮ ਨਹੀਂ ਹੋਵੇਗਾ"।

ਨੇਪਾਲ ਦੀ ਦਿੱਤੀ ਉਦਾਹਰਣ
ਸਰਕਾਰ ਨੂੰ ਚਿਤਾਵਨੀ ਦਿੰਦਿਆਂ ਵਾਂਗਚੁਕ ਨੇ ਨੇਪਾਲ ਦੀ ਉਦਾਹਰਣ ਦਿੱਤੀ, ਜਿੱਥੇ ਇੰਟਰਨੈੱਟ ਅਤੇ ਪ੍ਰਗਟਾਵੇ ਦੀ ਆਜ਼ਾਦੀ 'ਤੇ ਰੋਕ ਲਗਾਉਣ ਕਾਰਨ ਨੌਜਵਾਨ ਸੜਕਾਂ 'ਤੇ ਉਤਰ ਆਏ ਸਨ ਅਤੇ ਹਿੰਸਾ ਹੋਈ ਸੀ। ਉਨ੍ਹਾਂ ਕਿਹਾ ਕਿ ਜੇਕਰ ਨੌਜਵਾਨਾਂ ਦੀ ਆਵਾਜ਼ ਨੂੰ ਆਨਲਾਈਨ ਦਬਾਇਆ ਗਿਆ, ਤਾਂ ਇਹ ਗੁੱਸਾ ਕਿਸੇ ਵੀ ਰੂਪ ਵਿੱਚ ਬਾਹਰ ਨਿਕਲ ਸਕਦਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e