ਇਸ਼ਕ 'ਚ ਅੰਨ੍ਹਾ ਹੋਇਆ ਪੁੱਤ! ਪਿਓ ਦੇ ਚੋਰੀ ਕੀਤੇ 50 ਲੱਖ ਰੁਪਏ, ਪ੍ਰੇਮਿਕਾ ਨੂੰ ਦਿਵਾਇਆ IPhone, ਫਿਰ ਹੋਟਲ 'ਚ...

ਅਸਾਮ : ਅਸਾਮ ਦੇ ਜੋਰਹਾਟ ਵਿੱਚ ਇੱਕ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ ਇੱਕ 25 ਸਾਲਾ ਨੌਜਵਾਨ ਨੇ ਆਪਣੇ ਹੀ ਘਰ ਦੇ ਲਾਕਰ 'ਤੋਂ 50 ਲੱਖ ਰੁਪਏ ਦੀ ਨਕਦੀ ਅਤੇ ਸੋਨੇ ਦੇ ਗਹਿਣੇ ਚੋਰੀ ਕਰ ਲਏ। ਦੋਸ਼ੀ ਯਸ਼ ਧਨੁਕਾ ਅਗਰਵਾਲ ਨੇ ਇਹ ਚੋਰੀ ਆਪਣੀ ਪ੍ਰੇਮਿਕਾ ਲਈ ਕੀਤੀ ਹੈ। ਨੌਜਵਾਨ ਨੇ ਪਿਓ ਦੇ ਚੋਰੀ ਕੀਤੇ ਪੈਸੇ ਨਾਲ ਆਪਣੀ ਪ੍ਰੇਮਿਕਾ ਨੂੰ ਪਹਿਲਾਂ ਮਹਿੰਗਾ ਆਈਫੋਨ ਲੈ ਕੇ ਦਿੱਤਾ, ਫਿਰ ਬਾਕੀ ਦੇ ਪੈਸੇ ਹੋਟਲਾਂ-ਰਿਜ਼ੋਰਟਾਂ ਵਿੱਚ ਕੀਤੀ ਐਸ਼ 'ਤੇ ਖ਼ਰਚ ਕਰ ਦਿੱਤੇ। 

ਪੜ੍ਹੋ ਇਹ ਵੀ - ਓਹ ਤੇਰੀ ! ਡਿਊਟੀ ਕਰਦਿਆਂ ਇਕ-ਦੂਜੇ ਨੂੰ ਦਿਲ ਦੇ ਬੈਠੀਆਂ 2 ਮਹਿਲਾ ਕਾਂਸਟੇਬਲਾਂ, ਹੁਣ ਲੈਣਗੀਆਂ ਲਾਵਾਂ

ਮਿਲੀ ਜਾਣਕਾਰੀ ਮੁਤਾਬਕ ਇਹ ਘਟਨਾ 11 ਅਗਸਤ ਨੂੰ ਉਸ ਸਮੇਂ ਵਾਪਰੀ, ਜਦੋਂ ਪਰਿਵਾਰ ਘਰੋਂ ਬਾਹਰ ਗਿਆ ਹੋਇਆ ਸੀ। ਯਸ਼ ਨੂੰ ਪਤਾ ਸੀ ਕਿ ਉਸਦੇ ਪਿਤਾ ਨੇ ਕਾਰੋਬਾਰੀ ਉਦੇਸ਼ਾਂ ਲਈ ਘਰ ਵਿੱਚ ਵੱਡੀ ਮਾਤਰਾ ਵਿੱਚ ਨਕਦੀ ਅਤੇ ਸੋਨਾ ਰੱਖਿਆ ਹੋਇਆ ਹੈ। ਮੌਕਾ ਮਿਲਦੇ ਹੀ ਉਸਨੇ ਕਮਰੇ ਦਾ ਲਾਕਰ ਤੋੜ ਦਿੱਤਾ ਅਤੇ ਸਾਰੇ ਪੈਸੇ ਲੈ ਕੇ ਭੱਜ ਗਿਆ। ਪੁਲਸ ਨੇ ਉਸਦੇ ਸੈੱਲਫੋਨ ਨੂੰ ਟਰੈਕ ਕੀਤਾ ਅਤੇ ਪਾਇਆ ਕਿ ਉਹ ਅਹਿਮਦਾਬਾਦ ਵਿੱਚ ਹੈ। ਅਗਰਵਾਲ ਦੇ ਪਿਤਾ ਬਾਅਦ ਵਿੱਚ ਅਹਿਮਦਾਬਾਦ ਗਏ, ਉਸਨੂੰ ਵਾਪਸ ਜੋਰਹਾਟ ਲੈ ਆਏ ਅਤੇ ਉਸਨੂੰ ਪੁਲਸ ਦੇ ਹਵਾਲੇ ਕਰ ਦਿੱਤਾ। ਜੋਰਹਾਟ ਸਦਰ ਪੁਲਸ ਸਟੇਸ਼ਨ ਦੇ ਇੰਚਾਰਜ ਅਧਿਕਾਰੀ ਰਿਸ਼ੀਕੇਸ਼ ਹਜ਼ਾਰਿਕਾ ਨੇ ਕਿਹਾ ਕਿ ਯਸ਼ ਅਗਰਵਾਲ ਨੂੰ ਮੰਗਲਵਾਰ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਅਤੇ ਨਿਆਂਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ।

ਪੜ੍ਹੋ ਇਹ ਵੀ - 26, 27, 28, 29, 30 ਅਗਸਤ ਨੂੰ ਪਵੇਗਾ ਬਹੁਤ ਭਾਰੀ ਮੀਂਹ! IMD ਵਲੋਂ ਹਨ੍ਹੇਰੀ-ਤੂਫ਼ਾਨ ਦਾ ਅਲਰਟ ਜਾਰੀ

ਯਸ਼ ਅਗਰਵਾਲ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਉਸਦੇ ਦੋ ਦੋਸਤਾਂ ਜੀਤੂ ਸੋਮਾਨੀ ਅਤੇ ਰੋਹਿਤ ਪ੍ਰਸਾਦ ਨੇ ਉਸਨੂੰ ਚੋਰੀ ਕਰਨ ਲਈ ਉਕਸਾਇਆ ਸੀ। ਉਨ੍ਹਾਂ ਨੇ ਤਾਲਾ ਬਣਾਉਣ ਵਾਲੇ ਦੀ ਮਦਦ ਨਾਲ ਚਾਂਬੀ ਬਣਾ ਲਾਕਰ ਤੁੜਵਾਇਆ ਸੀ। ਯਸ਼ ਨੇ ਆਪਣੀ ਸਾਬਕਾ ਪ੍ਰੇਮਿਕਾ ਪੁਬਾਲੀ ਦੱਤਾ 'ਤੇ ਲੱਖਾਂ ਰੁਪਏ ਖਰਚ ਕੀਤੇ। ਉਸਨੇ ਉਸਨੂੰ 1.5 ਲੱਖ ਰੁਪਏ ਦਾ ਨਵਾਂ ਆਈਫੋਨ ਲੈ ਕੇ ਦਿੱਤਾ ਅਤੇ ਉਸਨੂੰ 5 ਲੱਖ ਰੁਪਏ ਨਕਦ ਦਿੱਤੇ। ਉਸ ਨੇ ਕਈ ਦਿਨ ਉਸ ਨਾਲ ਮਹਿੰਗੇ ਰਿਜ਼ੋਰਟਾਂ ਵਿੱਚ ਬਿਤਾਏ। ਉਸਨੇ ਅੱਗੇ ਕਿਹਾ, "ਮੈਨੂੰ ਸੱਚਮੁੱਚ ਬਹੁਤ ਅਫ਼ਸੋਸ ਹੈ। ਜੀਤੂ ਸੋਮਾਨੀ ਨੇ ਮੈਨੂੰ ਗੁੰਮਰਾਹ ਕੀਤਾ ਸੀ।" ਪੁਲਸ ਹੁਣ ਇਹ ਜਾਂਚ ਕਰ ਰਹੀ ਹੈ ਕਿ ਚੋਰੀ ਕੀਤੇ ਪੈਸੇ ਉਕਤ ਲੋਕਾਂ ਨੇ ਕਿਵੇਂ ਖਰਚ ਕੀਤੇ। ਜਾਂਚਕਰਤਾਵਾਂ ਨੂੰ ਸ਼ੱਕ ਹੈ ਕਿ ਯਸ਼ ਨੇ ਕੁਝ ਪੈਸੇ ਆਪਣੀ ਲੰਬੇ ਸਮੇਂ ਦੀ ਪ੍ਰੇਮਿਕਾ ਪੁਬਾਲੀ ਦੱਤਾ 'ਤੇ ਖਰਚ ਕੀਤੇ ਸਨ।

ਪੜ੍ਹੋ ਇਹ ਵੀ - ਭਲਕੇ ਨਹੀਂ ਹੋਵੇਗਾ ਪੰਜਾਬ ਬੰਦ, ਮੁਲਾਜ਼ਮ ਕਰਨਗੇ ਮਹਾ ਹੜਤਾਲ, ਪੂਰੀ ਤਰ੍ਹਾਂ ਬਹਾਲ ਰਹਿਣਗੀਆਂ ਸਾਰੀਆਂ ਸੇਵਾਵਾਂ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e