ਸਕੂਲ ਤੋਂ ਆਉਂਦੇ ਸਮੇਂ ਨਾਲੇ ''ਚ ਰੁੜ੍ਹੀ 11 ਸਾਲਾ ਕੁੜੀ, 4 ਦਿਨਾਂ ਮਗਰੋਂ ਮਿਲੀ ਲਾਸ਼

ਬੁਲੰਦਸ਼ਹਿਰ- ਉੱਤਰ ਪ੍ਰਦੇਸ਼ ਦੇ ਬੁਲੰਦਸ਼ਹਿਰ 'ਚ ਮੰਗਲਵਾਰ ਨੂੰ ਕੋਤਵਾਲੀ ਨਗਰ ਖੇਤਰ ਸਥਿਤ ਇਕ ਨਾਲੇ 'ਚ ਰੁੜ੍ਹੀ ਚੌਥੀ ਜਮਾਤ ਦੀ ਵਿਦਿਆਰਥਣ ਦੀ ਲਾਸ਼ ਸ਼ਨੀਵਾਰ ਨੂੰ ਕਾਲੀ ਨਦੀ ਤੋਂ ਬਰਾਮਦ ਕੀਤੀ ਗਈ। ਪੁਲਸ ਸੂਤਰਾਂ ਨੇ ਇੱਥੇ ਦੱਸਿਆ ਕਿ 28 ਜੁਲਾਈ ਨੂੰ ਕੋਤਵਾਲੀ ਨਗਰ ਖੇਤਰ ਦੇ ਅਧੀਨ ਸੁਸ਼ੀਲਾ ਪਬਲਿਕ ਸਕੂਲ 'ਚ 11 ਸਾਲਾ ਚਾਰੂ ਕਸ਼ਯਪ ਜਦੋਂ ਸਕੂਲ ਤੋਂ ਆ ਰਹੀ ਸੀ, ਉਦੋਂ ਉਹ ਬਾਰਿਸ਼ ਦੌਰਾਨ ਨਾਲੇ 'ਚ ਰੁੜ੍ਹ ਗਈ ਸੀ। ਉਨ੍ਹਾਂ ਦੱਸਿਆ ਕਿ ਚਾਰੂ ਦੇ ਪਿਤਾ ਨੇ ਸਕੂਲ ਪ੍ਰਬੰਧਨ 'ਤੇ ਬਾਰਿਸ਼ ਵਿਚਾਲੇ ਛੁੱਟੀ ਕਰਨ 'ਚ ਲਾਪਰਵਾਹੀ ਦਾ ਦੋਸ਼ ਲਗਾਉਂਦੇ ਹੋਏ ਮਾਮਲਾ ਦਰਜ ਕਰਵਾਇਆ ਸੀ। 

ਸੂਤਰਾਂ ਨੇ ਦੱਸਿਆ ਕਿ ਰਾਸ਼ਟਰੀ ਆਫ਼ਤ ਰਾਹਤ ਫ਼ੋਰਸ, ਰਾਜ ਆਫ਼ਤ ਰਾਹਤ ਫੋਰਸ, ਹੜ੍ਹ ਪੀਏਸੀ ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ ਦੀਆਂ ਟੀਮਾਂ ਕੁੜੀ ਦੀ ਭਾਲ ਕਰ ਰਹੀਆਂ ਸਨ। ਉਨ੍ਹਾਂ ਦੱਸਿਆ ਕਿ ਸ਼ਨੀਵਾਰ ਨੂੰ ਕੁੜੀ ਦੇ ਨਾਲੇ 'ਚ ਡਿੱਗਣ ਵਾਲੀ ਜਗ੍ਹਾ ਤੋਂ ਲਗਭਗ ਇਕ ਕਿਲੋਮੀਟਰ ਦੂਰ ਉਸ ਦੀ ਲਾਸ਼ ਚਾਵਲੀ ਪਿੰਡ ਕੋਲ ਕਾਲੀ ਨਦੀ 'ਚੋਂ ਬਰਾਮਦ ਕੀਤੀ ਗਈ। ਬਾਗਪਤ ਤੋਂ ਆਏ ਗੋਤਾਖੋਰ ਇਰਫਾਨ ਨੇ ਦੱਸਿਆ ਕਿ ਐੱਨਡੀਆਰਐੱਫ, ਐੱਸਡੀਆਰਐੱਫ ਅਤੇ ਨਗਰ ਪਾਲਿਕਾ ਦੀ ਮਦਦ ਨਾਲ ਉਸ ਦੀ ਟੀਮ ਨੇ ਅੱਜ ਚਾਵਲੀ ਪਿੰਡ ਤੋਂ ਕੁੜੀ ਦੀ ਲਾਸ਼ ਨਦੀ 'ਚੋਂ ਬਰਾਮਦ ਕੀਤੀ ਹੈ। ਵਧੀਕ ਜ਼ਿਲ੍ਹਾ ਅਧਿਕਾਰੀ (ਪ੍ਰਸ਼ਾਸਨ) ਨਿਤੀਸ਼ ਕੁਮਾਰ ਸਿੰਘ ਨੇ ਦੱਸਿਆ ਕਿ ਕੁੜੀ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਭਿਜਵਾਇਆ ਗਿਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e