ਪੁਰੀ ਦਾ ਜਗਨਨਾਥ ਮੰਦਰ ''ਸ਼੍ਰੀਮੁਖ ਸ਼ਿੰਗਾਰ'' ਰਸਮ ਲਈ ਬੁੱਧਵਾਰ ਸ਼ਾਮ ਨੂੰ ਰਹੇਗਾ ਬੰਦ

ਪੁਰੀ : ਓੜੀਸ਼ਾ ਦੇ ਪੁਰੀ ਵਿਚ ਸਥਿਤ ਜਗਨਨਾਥ ਮੰਦਰ ਦੇ ਦਰਸ਼ਨ ਕਰਨ ਵਾਲੇ ਸ਼ਰਧਾਲੂਆਂ ਲਈ ਇਹ ਖ਼ਬਰ ਬਹੁਤ ਖ਼ਾਸ ਹੈ, ਕਿਉਂਕਿ ਬੁੱਧਵਾਰ ਸ਼ਾਮ ਨੂੰ ਇਹ ਮੰਦਰ ਬੰਕਲਾਗੀ ਨੀਤੀ ਰਸਮ ਲਈ 5 ਘੰਟਿਆਂ ਲਈ ਬੰਦ ਰਹੇਗਾ। ਇਸ ਦੌਰਾਨ ਕਿਸੇ ਵੀ ਸ਼ਰਧਾਲੂ ਨੂੰ ਮੰਦਰ ਆਉਣ-ਜਾਣ ਦੀ ਇਜਾਜ਼ਤ ਨਹੀਂ ਹੋਵੇਗੀ। ਬੰਕਲਾਗੀ ਨੀਤੀ ਇਕ ਗੁਪਤ ਰਸਮ ਹੁੰਦੀ ਹੈ, ਜਿਸ ਵਿਚ ਭਗਵਾਨ ਜਗਨਨਾਥ, ਉਨ੍ਹਾਂ ਦੇ ਭਰਾ ਭਗਵਾਨ ਬਲਭਦਰ ਅਤੇ ਭੈਣ ਦੇਵੀ ਸੁਭੱਦਰਾ ਦੇ ਚਿਹਰੇ ਕੁਦਰਤੀ ਰੰਗਾ ਨਾਲ ਸਜਾਏ ਜਾਂਦੇ ਹਨ। 

ਪੜ੍ਹੋ ਇਹ ਵੀ - ਤਾਜ ਮਹਿਲ ਦੇਖਣ ਆਏ ਕੋਰੀਆਈ ਸੈਲਾਨੀ 'ਤੇ ਬਾਂਦਰਾਂ ਦਾ ਹਮਲਾ, ਇੱਕ ਘੰਟੇ ਤੱਕ ਨਹੀਂ ਆਈ ਐਂਬੂਲੈਂਸ

ਸ਼੍ਰੀ ਜਗਨਨਾਥ ਮੰਦਰ ਪ੍ਰਸ਼ਾਸਨ (SJTA) ਨੇ ਇੱਕ ਨੋਟੀਫਿਕੇਸ਼ਨ ਵਿੱਚ ਕਿਹਾ, "ਬੁੱਧਵਾਰ (29 ਜੁਲਾਈ, 2026) ਨੂੰ ਆਸ਼ਾਢ ਸ਼ੁਕਲ (ਵਿਆਸ ਪੂਰਨਿਮਾ) ਤਿਥੀ ਦੇ ਮੌਕੇ ਦੇਵੀ-ਦੇਵਤਿਆਂ ਦੀ 'ਬੰਕਾਲਗੀ ਨੀਤੀ' (ਸਜਾਵਟ) ਕੀਤੀ ਜਾਵੇਗੀ। ਇਸ ਲਈ ਦੂਜੀ ਭੋਗ ਮੰਡਪ ਸੇਵਾ ਦੇ ਪੂਰਾ ਹੋਣ ਤੋਂ ਬਾਅਦ ਸ਼ਾਮ 6 ਵਜੇ ਤੋਂ ਰਾਤ 11 ਵਜੇ ਤੱਕ ਜਨਤਕ ਦਰਸ਼ਨ ਅਸਥਾਈ ਤੌਰ 'ਤੇ ਮੁਅੱਤਲ ਕਰ ਦਿੱਤੇ ਜਾਣਗੇ।" 'ਬੰਕਾਲਗੀ', ਜਿਸਨੂੰ 'ਸ਼੍ਰੀਮੁਖ ਸ਼ਿੰਗਾਰ' ਵੀ ਕਿਹਾ ਜਾਂਦਾ ਹੈ, ਰਵਾਇਤੀ ਤੌਰ 'ਤੇ ਬੁੱਧਵਾਰ ਜਾਂ ਵੀਰਵਾਰ ਨੂੰ ਕੀਤਾ ਜਾਂਦਾ ਹੈ। ਇਸ ਦੌਰਾਨ 12ਵੀਂ ਸਦੀ ਦੇ ਇਸ ਮੰਦਰ ਦੇ ਸਾਰੇ ਦਰਵਾਜ਼ੇ ਬੰਦ ਰਹਿੰਦੇ ਹਨ। "ਦੱਤ ਮਹਾਪਾਤਰ" ਨਾਮਕ ਵਿਸ਼ੇਸ਼ ਸੇਵਕਾਂ ਦਾ ਇੱਕ ਸਮੂਹ "ਰਤਨ ਸਿੰਘਾਸਨ" 'ਤੇ ਜਾ ਕੇ ਭਗਵਾਨ ਜਗਨਨਾਥ, ਭਗਵਾਨ ਬਲਭਦਰ ਅਤੇ ਦੇਵੀ ਸੁਭੱਦਰਾ ਦੇ ਚਿਹਰਿਆਂ ਦਾ ਦੁਬਾਰਾ ਤੋਂ ਸ਼ਿੰਗਾਰ ਕਰਦਾ ਹੈ।

ਪੜ੍ਹੋ ਇਹ ਵੀ - ਜੰਮੂ-ਕਸ਼ਮੀਰ 'ਚ ਭਾਰੀ ਮੀਂਹ, ਖ਼ਰਾਬ ਮੌਸਮ ਕਾਰਨ ਕਈ ਸਕੂਲ ਬੰਦ, ਲੱਗੀਆਂ Online ਕਲਾਸਾਂ

ਕਰੀਬ 4 ਤੋਂ 5 ਘੰਟੇ ਚੱਲਣ ਵਾਲੀ ਇਸ ਰਸਮ ਵਿਚ ਸਿਰਫ਼ ਕੁਦਰਤੀ ਅਤੇ ਜੈਵਿਕ ਰੰਗਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਜਿਸ ਵਿਚ ਕਸਤੂਰੀ, ਕਪੂਰ ਅਤੇ ਕੇਸਰ ਵਰਗੇ ਖੁਸ਼ਬੂਦਾਰ ਤੱਤ ਸ਼ਾਮਲ ਹੁੰਦੇ ਹਨ। ਸੇਵਾਦਾਰਾਂ ਦੇ ਅਨੁਸਾਰ, ਭਗਵਾਨ ਬਲਭੱਦਰ ਦੇ ਚਿਹਰੇ ਲਈ ਚਿੱਟਾ ਰੰਗ ਸ਼ੰਖ ਦੇ ਖੋਲ ਦੇ ਪਾਊਡਰ ਤੋਂ ਤਿਆਰ ਕੀਤਾ ਜਾਂਦਾ ਹੈ, ਜਦੋਂ ਕਿ ਦੇਵੀ ਸੁਭੱਦਰਾ ਲਈ ਪੀਲਾ ਰੰਗ 'ਹਰੀਤਲ' (ਆਰਸੈਨਿਕ ਟ੍ਰਾਈਸਲਫਾਈਡ ਦਾ ਇੱਕ ਰੂਪ) ਤੋਂ ਤਿਆਰ ਕੀਤਾ ਜਾਂਦਾ ਹੈ। ਨਾਲ ਹੀ ਭਗਵਾਨ ਜਗਨਨਾਥ ਲਈ ਕਾਲਾ ਰੰਗ 'ਹਿੰਗੁਲ' (ਪਾਰੇ ਦਾ ਲਾਲ ਸਲਫਾਈਡ) ਤੋਂ ਤਿਆਰ ਕੀਤਾ ਜਾਂਦਾ ਹੈ। ਰੰਗਾਂ ਦੀ ਚਮਕ ਅਤੇ ਖੁਸ਼ਬੂ ਵਧਾਉਣ ਲਈ ਕੇਸਰ ਅਤੇ ਕਪੂਰ ਮਿਲਾਇਆ ਜਾਂਦਾ ਹੈ। ਇਸ ਰਸਮ ਨੂੰ ਮਹੱਤਵਪੂਰਨ ਮੰਨਿਆ ਜਾਂਦਾ ਹੈ, ਕਿਉਂਕਿ ਮਾਨਤਾ ਹੈ ਕਿ ਸਾਲਾਨਾ ਰੱਥ ਯਾਤਰਾ ਦੌਰਾਨ ਮੀਂਹ ਅਤੇ ਨਮੀ ਦੇ ਸੰਪਰਕ ਵਿੱਚ ਆਉਣ ਨਾਲ ਦੇਵਤਿਆਂ ਦੇ ਚਿਹਰਿਆਂ ਦਾ ਰੰਗ ਪ੍ਰਭਾਵਿਤ ਜਾਂ ਫਿੱਕਾ ਪੈ ਸਕਦਾ ਹੈ। ਇਸ ਸਾਲ ਰੱਥ ਯਾਤਰਾ ਤਿਉਹਾਰ 24 ਜੁਲਾਈ ਨੂੰ ਸਮਾਪਤ ਹੋਈ ਸੀ।

ਪੜ੍ਹੋ ਇਹ ਵੀ - 'ਤਨਖਾਹ 2 ਲੱਖ, ਮੈਂ ਫਿਰ ਵੀ ਗਰੀਬ...', ਬੰਗਲੁਰੂ 'ਚ ਰਹਿਣਾ ਸੋਖਾ ਨਹੀਂ, ਬੰਦੇ ਨੇ ਗਿਣਾਈ ਖਰਚਿਆਂ ਦੀ LIST

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e