PPF 'ਚ ਛੋਟੀ ਜਿਹੀ ਗਲਤੀ ਨਾਲ ਹੋ ਸਕਦੈ ਲੱਖਾਂ ਦਾ ਨੁਕਸਾਨ! 5 ਅਪ੍ਰੈਲ ਤੱਕ ਨਿਪਟਾਓ ਇਹ ਕੰਮ

ਵੈੱਬ ਡੈਸਕ- ਤੁਸੀਂ ਵੀ ਜੇਕਰ ਪੋਸਟ ਆਫਿਸ ਦੀਆਂ ਸਕੀਮਾਂ ਵਿੱਚ ਨਿਵੇਸ਼ ਕਰਨਾ ਪਸੰਦ ਕਰਦੇ ਹੋ ਅਤੇ ਬਿਨਾਂ ਕਿਸੇ ਜੋਖਮ ਦੇ ਪਬਲਿਕ ਪ੍ਰੋਵੀਡੈਂਟ ਫੰਡ (PPF) ਵਰਗੀਆਂ ਯੋਜਨਾਵਾਂ ਦਾ ਲਾਭ ਲੈ ਰਹੇ ਹੋ, ਤਾਂ ਤੁਹਾਡੇ ਲਈ 5 ਅਪ੍ਰੈਲ ਦੀ ਤਰੀਕ ਬੇਹੱਦ ਅਹਿਮ ਹੈ। ਇਸ ਤਰੀਕ ਤੱਕ ਆਪਣਾ ਨਿਵੇਸ਼ ਨਾ ਕਰਨ 'ਤੇ ਤੁਹਾਨੂੰ ਭਾਰੀ ਵਿੱਤੀ ਨੁਕਸਾਨ ਝੱਲਣਾ ਪੈ ਸਕਦਾ ਹੈ।

ਕਿਉਂ ਜ਼ਰੂਰੀ ਹੈ 5 ਅਪ੍ਰੈਲ ਤੱਕ ਨਿਵੇਸ਼? 

PPF ਵਿੱਚ ਵਿਆਜ ਦੀ ਗਣਨਾ ਹਰ ਮਹੀਨੇ ਦੀ 5 ਤਰੀਕ ਅਤੇ ਮਹੀਨੇ ਦੇ ਅੰਤ ਦੇ ਵਿਚਕਾਰ ਮੌਜੂਦ ਘੱਟੋ-ਘੱਟ ਬੈਲੇਂਸ ਦੇ ਆਧਾਰ 'ਤੇ ਕੀਤੀ ਜਾਂਦੀ ਹੈ। ਇਸਦਾ ਮਤਲਬ ਇਹ ਹੈ ਕਿ ਜੇਕਰ ਤੁਸੀਂ 1 ਤੋਂ 5 ਅਪ੍ਰੈਲ ਦੇ ਵਿਚਕਾਰ ਪੈਸਾ ਜਮ੍ਹਾ ਕਰਦੇ ਹੋ, ਤਾਂ ਹੀ ਤੁਹਾਨੂੰ ਉਸ ਪੂਰੇ ਮਹੀਨੇ ਦਾ ਵਿਆਜ ਮਿਲਦਾ ਹੈ। ਅਪ੍ਰੈਲ ਤੋਂ ਜੂਨ 2026 ਦੀ ਤਿਮਾਹੀ ਲਈ PPF 'ਤੇ ਵਿਆਜ ਦਰ 7.1 ਫੀਸਦੀ ਤੈਅ ਕੀਤੀ ਗਈ ਹੈ।

ਇਹ ਵੀ ਪੜ੍ਹੋ- ਪੈਟਰੋਲ 7 ਤੇ ਡੀਜ਼ਲ 25 ਰੁਪਏ ਹੋਇਆ ਮਹਿੰਗਾ! ਇਸ ਪੈਟਰੋਲੀਅਮ ਕੰਪਨੀ ਨੇ ਵਧਾਏ ਰੇਟ

ਸੂਤਰਾਂ ਅਨੁਸਾਰ, ਜੇਕਰ ਤੁਸੀਂ 1.5 ਲੱਖ ਰੁਪਏ ਦਾ ਸਾਲਾਨਾ ਨਿਵੇਸ਼ ਕਰਦੇ ਹੋ ਅਤੇ ਇਹ ਰਕਮ 5 ਅਪ੍ਰੈਲ ਤੱਕ ਜਮ੍ਹਾ ਕਰ ਦਿੰਦੇ ਹੋ, ਤਾਂ ਤੁਹਾਨੂੰ ਸਾਲ ਭਰ ਦਾ ਲਗਭਗ 10,650 ਰੁਪਏ ਵਿਆਜ ਮਿਲੇਗਾ। ਪਰ ਜੇਕਰ ਤੁਸੀਂ 6 ਅਪ੍ਰੈਲ ਨੂੰ ਨਿਵੇਸ਼ ਕਰਦੇ ਹੋ, ਤਾਂ ਤੁਹਾਨੂੰ ਉਸ ਮਹੀਨੇ ਦਾ ਵਿਆਜ ਨਹੀਂ ਮਿਲੇਗਾ ਅਤੇ ਤੁਹਾਡੀ ਸਾਲਾਨਾ ਕਮਾਈ ਘਟ ਕੇ ਲਗਭਗ 9,763 ਰੁਪਏ ਰਹਿ ਜਾਵੇਗੀ। ਇਸ ਤਰ੍ਹਾਂ ਸਿਰਫ਼ ਇੱਕ ਦਿਨ ਦੀ ਦੇਰੀ ਨਾਲ 887 ਰੁਪਏ ਦਾ ਸਿੱਧਾ ਨੁਕਸਾਨ ਹੁੰਦਾ ਹੈ।

ਇਹ ਵੀ ਪੜ੍ਹੋ- ਭੁੱਲ ਕੇ ਵੀ ਨਾ ਪੁਆਓ ਇਹ ਪੈਟਰੋਲ! ਖ਼ਰਾਬ ਹੋ ਸਕਦੈ ਤੁਹਾਡੀ ਗੱਡੀ ਦਾ ਇੰਜਣ

15 ਸਾਲਾਂ ਵਿੱਚ 3 ਲੱਖ ਰੁਪਏ ਤੱਕ ਦਾ ਨੁਕਸਾਨ 

ਇਹ ਛੋਟੀ ਜਿਹੀ ਦੇਰੀ ਲੰਬੇ ਸਮੇਂ ਵਿੱਚ ਬਹੁਤ ਵੱਡਾ ਪ੍ਰਭਾਵ ਪਾਉਂਦੀ ਹੈ। ਜੇਕਰ ਕੋਈ ਨਿਵੇਸ਼ਕ ਹਰ ਸਾਲ 5 ਅਪ੍ਰੈਲ ਤੋਂ ਬਾਅਦ ਪੈਸਾ ਜਮ੍ਹਾ ਕਰਦਾ ਹੈ, ਤਾਂ 15 ਸਾਲਾਂ ਦੇ ਪੀਰੀਅਡ ਦੌਰਾਨ ਉਸ ਨੂੰ ਕੁੱਲ ਮਿਲਾ ਕੇ ਲਗਭਗ 3 ਲੱਖ ਰੁਪਏ ਦਾ ਨੁਕਸਾਨ ਹੋ ਸਕਦਾ ਹੈ। ਜਿੱਥੇ ਸਮੇਂ ਸਿਰ ਨਿਵੇਸ਼ ਕਰਨ 'ਤੇ 22.5 ਲੱਖ ਰੁਪਏ ਦੀ ਰਕਮ ਵਧ ਕੇ 40.68 ਲੱਖ ਰੁਪਏ ਹੋ ਸਕਦੀ ਹੈ, ਉੱਥੇ ਹੀ ਦੇਰੀ ਨਾਲ ਨਿਵੇਸ਼ ਕਰਨ 'ਤੇ ਇਹ ਸਿਰਫ਼ 37.80 ਲੱਖ ਰੁਪਏ ਤੱਕ ਹੀ ਰਹਿ ਜਾਵੇਗੀ।

PPF ਇੱਕ ਅਜਿਹੀ ਸਰਕਾਰੀ ਯੋਜਨਾ ਹੈ ਜਿੱਥੇ ਮਿਲਣ ਵਾਲਾ ਵਿਆਜ ਪੂਰੀ ਤਰ੍ਹਾਂ ਟੈਕਸ-ਫ੍ਰੀ ਹੁੰਦਾ ਹੈ। ਮਾਹਿਰਾਂ ਦੀ ਸਲਾਹ ਹੈ ਕਿ ਵੱਧ ਤੋਂ ਵੱਧ ਮੁਨਾਫ਼ਾ ਕਮਾਉਣ ਲਈ ਨਿਵੇਸ਼ਕਾਂ ਨੂੰ ਵਿੱਤੀ ਸਾਲ ਦੀ ਸ਼ੁਰੂਆਤ ਵਿੱਚ ਹੀ, ਯਾਨੀ 5 ਅਪ੍ਰੈਲ ਤੋਂ ਪਹਿਲਾਂ ਆਪਣੀ ਕਿਸ਼ਤ ਜਮ੍ਹਾ ਕਰਵਾ ਦੇਣੀ ਚਾਹੀਦੀ ਹੈ।

ਇਹ ਵੀ ਪੜ੍ਹੋ- IPL 'ਚ ਪਹਿਲੀ ਵਾਰ ਪਿਓ-ਪੁੱਤਰ ਦੀਆਂ ਟੀਮਾਂ ਹੋਣਗੀਆਂ ਆਮੋ-ਸਾਹਮਣੇ! ਇਸ ਦਿਨ ਹੋਵੇਗਾ ਮੁਕਾਬਲਾ