ਵੈੱਬ ਡੈਸਕ - ਘੜੀ ਸਿਰਫ ਸਮਾਂ ਦੇਖਣ ਦਾ ਸਾਧਨ ਨਹੀਂ ਹੈ, ਸਗੋਂ ਚੀਨੀ ਵਾਸਤੂ ਸ਼ਾਸਤਰ ਅਨੁਸਾਰ, ਜੇਕਰ ਘਰ 'ਚ ਘੜੀ ਸਹੀ ਦਿਸ਼ਾ 'ਚ ਲਗਾਈ ਜਾਵੇ ਤਾਂ ਇਹ ਤੁਹਾਡੀ ਕਿਸਮਤ ਬਦਲ ਸਕਦੀ ਹੈ ਅਤੇ ਤਰੱਕੀ ਦੇ ਨਵੇਂ ਰਾਹ ਖੋਲ੍ਹ ਸਕਦੀ ਹੈ। ਮਾਹਰਾਂ ਅਨੁਸਾਰ, ਘੜੀ ਦੀ ਸਹੀ ਚੋਣ ਅਤੇ ਦਿਸ਼ਾ ਘਰ 'ਚ ਸਕਾਰਾਤਮਕ ਊਰਜਾ ਦਾ ਸੰਚਾਰ ਕਰਦੀ ਹੈ।

ਕਿਹੜੀ ਦਿਸ਼ਾ ਹੈ ਸਭ ਤੋਂ ਉੱਤਮ?
ਵਾਸਤੂ ਸ਼ਾਸਤਰ ਅਨੁਸਾਰ, ਘਰ ਦੀ ਉੱਤਰ ਜਾਂ ਪੂਰਬ ਦਿਸ਼ਾ ਦੀ ਕੰਧ 'ਤੇ ਘੜੀ ਲਗਾਉਣਾ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ। ਇਨ੍ਹਾਂ ਦਿਸ਼ਾਵਾਂ ਨੂੰ ਖੁਸ਼ਹਾਲੀ, ਵਿਕਾਸ ਅਤੇ ਸਕਾਰਾਤਮਕਤਾ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਇੱਥੇ ਘੜੀ ਲਗਾਉਣ ਨਾਲ ਸਫਲਤਾ ਦੇ ਯੋਗ ਬਣਦੇ ਹਨ।

ਰੰਗ ਅਤੇ ਆਕਾਰ ਦਾ ਰੱਖੋ ਖਾਸ ਧਿਆਨ :- 

ਉੱਤਰ ਦਿਸ਼ਾ
- ਇਸ ਦਿਸ਼ਾ 'ਚ ਨੀਲੇ ਜਾਂ ਚਿੱਟੇ ਰੰਗ ਦੀ ਗੋਲ ਘੜੀ ਲਗਾਉਣਾ ਲਾਭਦਾਇਕ ਹੁੰਦਾ ਹੈ।

ਪੂਰਬ ਦਿਸ਼ਾ
- ਇੱਥੇ ਵੀ ਗੋਲ ਆਕਾਰ ਦੀ ਘੜੀ ਊਰਜਾ ਦੇ ਪ੍ਰਵਾਹ ਨੂੰ ਬਣਾਈ ਰੱਖਦੀ ਹੈ।

ਹੋਰ ਡਿਜ਼ਾਈਨ
- ਘਰ 'ਚ ਅਸ਼ਟਭੁਜ, ਅੰਡਾਕਾਰ ਜਾਂ ਪੈਂਡੂਲਮ ਵਾਲੀ ਘੜੀ ਲਗਾਉਣਾ ਵੀ ਸ਼ੁਭ ਨਤੀਜੇ ਦਿੰਦਾ ਹੈ।

 ਭੁੱਲ ਕੇ ਵੀ ਨਾ ਕਰੋ ਇਹ ਗਲਤੀਆਂ 
ਵਾਸਤੂ ਅਨੁਸਾਰ,  ਦੱਖਣ ਦਿਸ਼ਾ 'ਚ ਘੜੀ ਲਗਾਉਣ ਤੋਂ ਬਚਣਾ ਚਾਹੀਦਾ ਹੈ ਕਿਉਂਕਿ ਇਹ ਨਕਾਰਾਤਮਕ ਊਰਜਾ ਨੂੰ ਵਧਾਉਂਦੀ ਹੈ ਅਤੇ ਕੰਮਾਂ 'ਚ ਰੁਕਾਵਟਾਂ ਪੈਦਾ ਕਰਦੀ ਹੈ। ਇਸ ਤੋਂ ਇਲਾਵਾ :-

- ਘੜੀ ਨੂੰ ਕਦੇ ਵੀ ਮੁੱਖ ਦਰਵਾਜ਼ੇ ਜਾਂ ਕਮਰੇ ਦੇ ਦਰਵਾਜ਼ੇ ਦੇ ਉੱਪਰ ਨਾ ਟੰਗੋ।
- ਬਿਸਤਰੇ ਦੇ ਬਿਲਕੁਲ ਸਾਹਮਣੇ ਜਾਂ ਉੱਪਰ ਘੜੀ ਲਗਾਉਣ ਨਾਲ ਪਰਿਵਾਰਕ ਮੈਂਬਰਾਂ 'ਤੇ ਮਾੜਾ ਅਸਰ ਪੈ ਸਕਦਾ ਹੈ।

ਬੰਦ ਘੜੀ ਹੈ ਖਤਰਨਾਕ
ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਘਰ 'ਚ ਕਦੇ ਵੀ ਬੰਦ ਘੜੀ ਨਹੀਂ ਰੱਖਣੀ ਚਾਹੀਦੀ। ਇਹ ਰੁਕੇ ਹੋਏ ਵਿਕਾਸ ਅਤੇ ਨਕਾਰਾਤਮਕਤਾ ਦਾ ਸੰਕੇਤ ਹੈ। ਜੇਕਰ ਕੋਈ ਘੜੀ ਖਰਾਬ ਹੈ, ਤਾਂ ਉਸ ਨੂੰ ਤੁਰੰਤ ਠੀਕ ਕਰਵਾਓ ਜਾਂ ਘਰੋਂ ਬਾਹਰ ਕਰ ਦਿਓ।