ਮਣੀਪੁਰ ''ਚ ਅੱਤਵਾਦੀਆਂ ਵਿਚਾਲੇ ਫਾਇਰਿੰਗ ! 3 ਅੱਤਵਾਦੀ ਢੇਰ
Wednesday, Nov 04, 2026 - 05:31 PM (IST)
ਨੈਸ਼ਨਲ ਡੈਸਕ- ਮਣੀਪੁਰ ਦੇ ਨੋਨੀ ਜ਼ਿਲ੍ਹੇ ਤੋਂ ਇਕ ਵੱਡੀ ਖਬਰ ਸਾਹਮਣੇ ਆ ਰਹੀ ਹੈ, ਜਿੱਥੇ ਬੁੱਧਵਾਰ ਤੜਕੇ ਵਿਰੋਧੀ ਨਗਾ ਅੱਤਵਾਦੀ ਗੁੱਟਾਂ ਵਿਚਾਲੇ ਹੋਈ ਭਿਆਨਕ ਗੋਲੀਬਾਰੀ ਵਿੱਚ 3 ਅੱਤਵਾਦੀ ਮਾਰੇ ਗਏ ਹਨ। ਅਧਿਕਾਰੀਆਂ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ, ਇਹ ਘਟਨਾ ਸਵੇਰੇ ਲਗਭਗ 4 ਵਜੇ ਨਗਾ-ਬਹੁਲ ਜ਼ਿਲ੍ਹੇ ਦੇ ਖੌਪਮ ਇਲਾਕੇ ਵਿੱਚ ਸਥਿਤ ਤਾਓਦਾਈਜਾਂਗ ਪਿੰਡ ਵਿੱਚ ਵਾਪਰੀ।
ਅਧਿਕਾਰੀਆਂ ਅਨੁਸਾਰ, ਇਸ ਗੋਲੀਬਾਰੀ ਵਿੱਚ 'ਜੇਲਿਆਗ੍ਰੌਂਗ ਯੂਨਾਈਟਿਡ ਫਰੰਟ' ਅਤੇ ਉਸ ਦੇ ਵਿਰੋਧੀ ਨਗਾ ਅੱਤਵਾਦੀ ਸੰਗਠਨਾਂ ਦੇ ਕੈਡਰ ਸ਼ਾਮਲ ਹੋਣ ਦਾ ਖਦਸ਼ਾ ਹੈ। ਗੋਲੀਬਾਰੀ ਖਤਮ ਹੋਣ ਤੋਂ ਬਾਅਦ ਸਥਾਨਕ ਲੋਕਾਂ ਨੇ ਘਟਨਾ ਵਾਲੀ ਥਾਂ ਤੋਂ ਮਾਰੇ ਗਏ ਤਿੰਨਾਂ ਅੱਤਵਾਦੀਆਂ ਦੀਆਂ ਦੇਹਾਂ ਬਰਾਮਦ ਕੀਤੀਆਂ। ਘਟਨਾ ਤੋਂ ਤੁਰੰਤ ਬਾਅਦ ਦੋਵਾਂ ਧੜਿਆਂ ਵਿਚਾਲੇ ਹੋਰ ਹਿੰਸਾ ਅਤੇ ਤਣਾਅ ਨੂੰ ਰੋਕਣ ਲਈ ਸਥਾਨਕ ਔਰਤਾਂ ਦੀ ਅਗਵਾਈ ਹੇਠ ਪਿੰਡ ਵਾਸੀ ਘਟਨਾ ਵਾਲੀ ਥਾਂ 'ਤੇ ਪਹੁੰਚ ਗਏ। ਸਬੰਧਤ ਖ਼ਬਰਾਂ ਦੇ ਲਿੰਕ:
