ਦਵਾਰਕਾਧੀਸ਼ ਮੰਦਰ ਦੇ ਝੰਡੇ ’ਤੇ ਬਿਜਲੀ ਡਿੱਗੀ, ਕੋਈ ਨੁਕਸਾਨ ਨਹੀਂ

ਦਵਾਰਕਾ– ਗੁਜਰਾਤ ਦੇ ਦਵਾਰਕਾ ’ਚ ਮੰਗਲਵਾਰ ਨੂੰ ਪ੍ਰਸਿੱਧ ਦਵਾਰਕਾਧੀਸ਼ ਮੰਦਰ ਦੇ ਝੰਡੇ ’ਤੇ ਬਿਜਲੀ ਡਿੱਗੀ, ਜਿਸ ਨਾਲ ਮੰਦਰ ਦਾ ਝੰਡਾ ਫਟ ਗਿਆ। ਇਸ ਹਾਦਸੇ ’ਚ ਦਵਾਰਕਾਧੀਸ਼ ਮੰਦਰ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਿਆ। ਇਹ ਘਟਨਾ ਮੰਗਲਵਾਰ ਦੁਪਹਿਰ 2.30 ਵਜੇ ਵਾਪਰੀ। ਝੰਡੇ ’ਤੇ ਬਿਜਲੀ ਡਿੱਗਣ ਦਾ ਵੀਡੀਓ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਗਿਆ।

ਮੰਦਰ ਦੇ ਆਲੇ-ਦੁਆਲੇ ਸੰਘਣੀ ਬਸਤੀ ਹੈ, ਅਜਿਹੇ ’ਚ ਜੇ ਰਿਹਾਇਸ਼ੀ ਇਲਾਕੇ ’ਚ ਬਿਜਲੀ ਡਿੱਗਦੀ ਤਾਂ ਵੱਡਾ ਨੁਕਸਾਨ ਹੋ ਸਕਦਾ ਸੀ। ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਦਵਾਰਕਾਧੀਸ਼ ਮੰਦਰ ’ਤੇ ਲੱਗੇ ਝੰਡੇ ਦਾ ਵੀ ਧਾਰਮਿਕ ਮਹੱਤਵ ਹੈ। ਅਜਿਹਾ ਪਹਿਲੀ ਵਾਰ ਹੋਇਆ ਹੈ ਜਦ ਮੰਦਰ ਦੇ ਕਿਸੇ ਹਿੱਸੇ ’ਤੇ ਬਿਜਲੀ ਡਿੱਗੀ ਹੈ। ਦਵਾਰਕਾਧੀਸ਼ ਨੇ ਸ਼ਹਿਰ ਦੇ ਲੋਕਾਂ ਨੂੰ ਹਾਦਸੇ ਤੋਂ ਬਚਾ ਲਿਆ।