J&K: ਫੌਜ ਹੱਥ ਲੱਗੀ ਵੱਡੀ ਕਾਮਯਾਬੀ, ਪਾਕਿਸਤਾਨੀ ਡ੍ਰੋਨ ਨਾਲ ਸੁੱਟੀ ਗਈ ਹਥਿਆਰਾਂ ਦੀ ਵੱਡੀ ਖੇਪ ਬਰਾਮਦ

ਜੰਮੂ– ਜੰਮੂ ਦੇ ਬਾਹਰੀ ਇਲਾਕੇ ’ਚ ਅੰਤਰਰਾਸ਼ਟਰੀ ਸਰਹੱਦ ਨੇੜੇ ਫਲੀਆਂ ਮੰਡਲ ਖੇਤਰ ਤੋਂ ਸ਼ਨੀਵਾਰ ਦੇਰ ਰਾਤ ਪੁਲਸ ਨੇ ਡ੍ਰੋਨ ਦੀ ਮਦਦ ਨਾਲ ਕੁਝ ਸਾਮਾਨ ਸੁੱਟੇ ਜਾਣ ਦੀ ਇਕ ਸ਼ੱਕੀ ਘਟਨਾ ਤੋਂ ਬਾਅਦ ਹਥਿਆਰ ਅਤੇ ਗੋਲਾ-ਬਾਰੂਦ ਦਾ ਇਕ ਪੈਕੇਟ ਬਰਾਮਦ ਕੀਤਾ। ਭਰੋਸੇਯੋਗ ਸੂਤਰਾਂ ਨੇ ਐਤਵਾਰ ਨੂੰ ਦੱਸਿਆ ਕਿ ਡ੍ਰੋਨ ਨਾਲ ਸਾਮਾਨ ਸੁੱਟੇ ਜਾਣ ਦੀ ਸ਼ੱਕੀ ਘਟਨਾ ਅੱਧੀ ਰਾਤ ਦੇ ਕਰੀਬ ਹੋਈ। 

One AK-47, a night vision device, 3 magazines & ammunition, that were dropped by a drone as evident from packing, were recovered at Phallian Mandal in Jammu last night. Jammu Police is looking for possible receivers in the area. Search is going on: Jammu & Kashmir Police pic.twitter.com/FvQhuJCadz

— ANI (@ANI) October 3, 2021

ਸੂਤਰਾਂ ਨੇ ਦੱਸਿਆ ਕਿ ਅਲੋਰਾ ਮੰਡਲ ਪਿੰਡ ਦੇ ਕੁਝ ਲੋਕ ਡ੍ਰੋਨ ਵਰਗੀ ਉਡਣ ਵਾਲੀ ਵਸਤੂ ਦੀ ਆਵਾਜ਼ ਸੁਣ ਕੇ ਜਾਗ ਗਏ ਅਤੇ ਉਨ੍ਹਾਂ ਪੁਲਸ ਨੂੰ ਸੂਚਿਤ ਕੀਤਾ, ਜਿਸ ਤੋਂ ਬਾਅਦ ਪੁਲਸ ਟੀਮ ਘਟਨਾ ਵਾਲੀ ਥਾਂ ’ਤੇ ਪਹੁੰਚੀ। ਸੂਤਰਾਂ ਨੇ ਦੱਸਿਆ ਕਿ ਪੁਲਸ ਟੀਮ ਨੇ ਪੀਲੇ ਰੰਗ ਦੇ ਲਿਫਾਫੇ ’ਚ ਰੱਖਿਆ ਪੈਕੇਟ ਜ਼ਬਤ ਕਰ ਲਿਆ, ਜਿਸ ਵਿਚ ਇਕ ਹੈਂਡਲ ਲੱਗਾ ਸੀ, ਜੋ ਨਾਇਲਨ ਦੇ ਧਾਗੇ ਨਾਲ ਬੰਨ੍ਹਿਆ ਹੋਇਆ ਸੀ। ਪੈਕੇਟ ’ਚ ਇਕ ਰਾਇਫਲ, ਤਿੰਨ ਮੈਗਜ਼ੀਨ ਅਤੇ 30 ਕਾਰਤੂਸ ਸਮੇਤ ਹਥਿਆਰ ਅਤੇ ਗੋਲਾ-ਬਾਰੂਦ ਮਿਲੇ। ਜ਼ਿਕਰਯੋਗ ਹੈ ਕਿ ਅਰਨੀਆ ਸੈਕਟਰ ’ਚ 23 ਅਗਸਤ ਨੂੰ ਤੜਕੇ ਅੰਤਰਰਾਸ਼ਟਰੀ ਸਰਹੱਦ ਨੇੜੇ ਇਕ ਡ੍ਰੋਨ ਵੇਖਿਆ ਗਿਆ ਸੀ, ਜਿਸ ’ਤੇ ਸੁਰੱਖਿਆ ਫੋਰਸ ਦੇ ਜਵਾਨਾਂ ਨੇ ਫਾਇਰਿੰਗ ਕੀਤੀ। ਗੋਲੀਬਾਰੀ ਤੋਂ ਬਾਅਦ ਉਹ ਵਾਪਸ ਪਾਕਿਸਤਾਨ ਵਲ ਉਡ ਗਿਆ ਸੀ।