ਅਮਰੀਕਾ ਤੋਂ ਜੈਵਲਿਨ ਐਂਟੀ-ਟੈਂਕ ਗਾਈਡਡ ਮਿਜ਼ਾਈਲ ਸਿਸਟਮ ਖਰੀਦੇਗਾ ਭਾਰਤ

ਨਵੀਂ ਦਿੱਲੀ (ਏਜੰਸੀ)- ਭਾਰਤ ਨੇ ਭਾਰਤੀ ਫੌਜ ਦੀ ਯੁੱਧ ਸਮਰੱਥਾ ਨੂੰ ਵਧਾਉਣ ਲਈ ਅਮਰੀਕਾ ਤੋਂ ਜੈਵਲਿਨ ਐਂਟੀ-ਟੈਂਕ ਗਾਈਡਡ ਮਿਜ਼ਾਈਲ ਸਿਸਟਮ ਖਰੀਦਣ ਲਈ ਇਕ ਸਮਝੌਤਾ ਕੀਤਾ ਹੈ। ਅਮਰੀਕੀ ਰਾਜਦੂਤ ਸਰਜੀਓ ਗੋਰ ਨੇ ਕਿਹਾ ਕਿ ਇਹ ਸਮਝੌਤਾ ਦਰਸਾਉਂਦਾ ਹੈ ਕਿ ਦੋਵਾਂ ਦੇਸ਼ਾਂ ਵਿਚਕਾਰ ਰੱਖਿਆ ਭਾਈਵਾਲੀ "ਡੂੰਘੀ, ਵਧੇਰੇ ਠੋਸ ਅਤੇ ਵਧੇਰੇ ਮਹੱਤਵਪੂਰਨ" ਹੁੰਦੀ ਜਾ ਰਹੀ ਹੈ। ਅਜੇ ਤੱਕ ਇਹ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ ਕਿ ਭਾਰਤ ਕਿੰਨੇ ਜੈਵਲਿਨ ਐਂਟੀ-ਟੈਂਕ ਗਾਈਡਡ ਮਿਜ਼ਾਈਲ ਸਿਸਟਮ ਖਰੀਦ ਰਿਹਾ ਹੈ ਅਤੇ ਇਸ ਖਰੀਦ ਦੀ ਕੁੱਲ ਲਾਗਤ ਕਿੰਨੀ ਹੈ।

ਅਮਰੀਕਾ ਨੇ ਕਿਹਾ ਹੈ ਕਿ ਉਹ ਭਾਰਤੀ ਫ਼ੌਜ ਵਲੋਂ ਅਮਰੀਕੀ ਵਿਦੇਸ਼ੀ ਫੌਜ ਵਿਕਰੀ ਪ੍ਰਕਿਰਿਆ ਦੇ ਤਹਿਤ ਜੈਵਲਿਨ ਐਂਟੀ-ਟੈਂਕ ਗਾਈਡਡ ਮਿਜ਼ਾਈਲ ਸਿਸਟਮ ਖਰੀਦਣ ਲਈ ਦਿਲਚਸਪੀ ਪੱਤਰ (LOA) 'ਤੇ ਦਸਤਖਤ ਦਾ ਸਵਾਗਤ ਕਰਦਾ ਹੈ। ਇਕ ਅਮਰੀਕੀ ਬਿਆਨ 'ਚ ਕਿਹਾ ਗਿਆ ਹੈ ਕਿ ਇਹ "ਮਹੱਤਵਪੂਰਨ ਪ੍ਰਾਪਤੀ" ਅਮਰੀਕਾ ਅਤੇ ਭਾਰਤੀ ਫੌਜਾਂ ਵਿਚਕਾਰ ਲੰਬੇ ਸਮੇਂ ਤੋਂ ਚੱਲ ਰਹੇ ਸਬੰਧਾਂ ਨੂੰ ਦਰਸਾਉਂਦੀ ਹੈ ਅਤੇ ਦੋਵਾਂ ਦੇਸ਼ਾਂ ਦੇ ਰੱਖਿਆ ਉਦਯੋਗਾਂ ਵਿਚਕਾਰ ਭਵਿੱਖ 'ਚ ਸਹਿਯੋਗ ਲਈ ਰਾਹ ਖੋਲ੍ਹੇਗੀ।

ਗੋਰ ਨੇ ਕਿਹਾ,"ਜੈਵਲਿਨ ਸਮਝੌਤਾ ਭਾਰਤੀ ਫੌਜ ਲਈ ਅਮਰੀਕਾ ਦੇ ਮਜ਼ਬੂਤ ​​ਸਮਰਥਨ ਨੂੰ ਦਰਸਾਉਂਦਾ ਹੈ ਅਤੇ ਸਾਡੇ ਰੱਖਿਆ ਉਦਯੋਗਾਂ ਲਈ ਇਕੱਠੇ ਕੰਮ ਕਰਨ ਦੇ ਨਵੇਂ ਮੌਕੇ ਪੈਦਾ ਕਰਦਾ ਹੈ।'' ਅਮਰੀਕੀ ਬਿਆਨ ਅਨੁਸਾਰ ਉਨ੍ਹਾਂ ਕਿਹਾ,"ਅਸੀਂ ਭਵਿੱਖ 'ਚ ਅਜਿਹੇ ਸਹਿਯੋਗ ਲਈ ਬਹੁਤ ਸੰਭਾਵਨਾਵਾਂ ਦੇਖਦੇ ਹਾਂ, ਜਿਸ ਨਾਲ ਦੋਵਾਂ ਦੇਸ਼ਾਂ ਦੇ ਰੱਖਿਆ ਉਦਯੋਗਿਕ ਆਧਾਰ ਨੂੰ ਮਜ਼ਬੂਤ ​ਹੋਣਗੇ।'' ਜੈਵਲਿਨ ਸਿਸਟਮ ਮੱਧਮ-ਦੂਰੀ ਦੀ ਇਕ ਆਧੁਨਿਕ ਅਤੇ 'ਫਾਇਰ-ਐਂਡ-ਫਾਰਗੇਟ ਐਂਟੀ-ਟੈਂਕ' ਗਾਈਡਡ ਮਿਜ਼ਾਈਲ ਸਿਸਟਮ ਹੈ। ਇਸ ਦਾ ਇਸਤੇਮਾਲ ਅਮਰੀਕੀ ਫੌਜ, ਯੂਐੱਸ ਮਰੀਨ ਕੋਰ ਅਤੇ ਕਈ ਹੋਰ ਦੇਸ਼ਾਂ ਦੀਆਂ ਫੌਜਾਂ ਕਰਦੀਆਂ ਹਨ। ਇਸ ਨੂੰ ਬਖਤਰਬੰਦ ਵਾਹਨਾਂ ਅਤੇ ਭਾਰੀ ਕਿਲੇਬੰਦ ਵਾਲੀਆਂ ਥਾਵਾਂ ਸਮੇਤ ਕਈ ਤਰ੍ਹਾਂ ਦੇ ਟੀਚਿਆਂ ਖ਼ਿਲਾਫ਼ ਇਸਤੇਮਾਲ ਕਰਨ ਲਈ ਬਣਾਇਆ ਗਿਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e