ਕੀ ਸੱਚ ਹੋ ਰਹੀ ਹੈ ਬਾਬਾ ਵੇਂਗਾ ਦੀ ਭਵਿੱਖਬਾਣੀ? ਜਾਣੋ ਕਿੱਥੋਂ ਤੱਕ ਜਾ ਸਕਦੈ Gold Silver ਦਾ ਭਾਅ

ਨਵੀਂ ਦਿੱਲੀ: ਸੋਨੇ ਤੇ ਚਾਂਦੀ ਦੀਆਂ ਕੀਮਤਾਂ 'ਚ ਆ ਰਹੀ ਲਗਾਤਾਰ ਤੇਜ਼ੀ ਨੇ ਆਮ ਆਦਮੀ ਤੋਂ ਲੈ ਕੇ ਨਿਵੇਸ਼ਕਾਂ ਤੱਕ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਇਸ ਦੌਰਾਨ ਬੁਲਗਾਰੀਆ ਦੀ ਮਸ਼ਹੂਰ ਭਵਿੱਖਵਕਤਾ ਬਾਬਾ ਵੇਂਗਾ ਦੀ ਇੱਕ ਪੁਰਾਣੀ ਭਵਿੱਖਬਾਣੀ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਸੁਰਖੀਆਂ ਬਟੋਰ ਰਹੀ ਹੈ, ਜੋ ਭਵਿੱਖ 'ਚ ਸੋਨੇ ਦੀਆਂ ਕੀਮਤਾਂ 'ਚ ਹੋਰ ਵੀ ਵੱਡੇ ਉਛਾਲ ਵੱਲ ਇਸ਼ਾਰਾ ਕਰਦੀ ਹੈ।

ਕੀ 2 ਲੱਖ ਵੱਲ ਵਧ ਰਿਹਾ ਹੈ ਸੋਨਾ?
ਬਾਬਾ ਵੇਂਗਾ, ਜਿਨ੍ਹਾਂ ਨੂੰ ਦੁਨੀਆ 'ਬਾਲਕਨ ਦੀ ਨਾਸਤ੍ਰੇਦਮਸ' ਵਜੋਂ ਵੀ ਜਾਣਦੀ ਹੈ, ਨੇ ਸਾਲਾਂ ਪਹਿਲਾਂ ਆਰਥਿਕ ਸੰਕਟਾਂ ਨੂੰ ਲੈ ਕੇ ਕਈ ਦਾਅਵੇ ਕੀਤੇ ਸਨ। ਮੌਜੂਦਾ ਸਮੇਂ ਵਿੱਚ ਜਿਸ ਤਰ੍ਹਾਂ ਸੋਨੇ ਦੇ ਭਾਅ ਵਧ ਰਹੇ ਹਨ, ਲੋਕ ਉਸ ਨੂੰ ਬਾਬਾ ਵੇਂਗਾ ਦੀਆਂ ਗੱਲਾਂ ਨਾਲ ਜੋੜ ਕੇ ਦੇਖ ਰਹੇ ਹਨ। ਉਨ੍ਹਾਂ ਦੀ ਭਵਿੱਖਬਾਣੀ ਦੇ ਕੁਝ ਮੁੱਖ ਅੰਸ਼ ਹੇਠ ਲਿਖੇ ਅਨੁਸਾਰ ਹਨ।
• ਬੈਂਕਿੰਗ ਪ੍ਰਣਾਲੀ 'ਤੇ ਸੰਕਟ: ਦੁਨੀਆ 'ਚ ਇੱਕ ਅਜਿਹਾ ਸਮਾਂ ਆਵੇਗਾ ਜਦੋਂ ਰਵਾਇਤੀ ਬੈਂਕਿੰਗ ਤੇ ਕਾਗਜ਼ੀ ਮੁਦਰਾ (Currency) 'ਤੇ ਲੋਕਾਂ ਦਾ ਭਰੋਸਾ ਘੱਟ ਜਾਵੇਗਾ।
• ਸੁਰੱਖਿਅਤ ਨਿਵੇਸ਼: ਵਿੱਤੀ ਅਸਥਿਰਤਾ ਕਾਰਨ ਲੋਕ ਸੁਰੱਖਿਅਤ ਨਿਵੇਸ਼ ਲਈ ਸੋਨੇ ਵਰਗੇ 'ਫਿਜ਼ੀਕਲ ਐਸੇਟ' ਵੱਲ ਭੱਜਣਗੇ।
• ਕੀਮਤਾਂ 'ਚ ਭਾਰੀ ਵਾਧਾ: ਉਨ੍ਹਾਂ ਨੇ ਅੰਦਾਜ਼ਾ ਲਗਾਇਆ ਸੀ ਕਿ ਸੋਨੇ ਦੀਆਂ ਕੀਮਤਾਂ 'ਚ 25 ਫੀਸਦੀ ਤੋਂ 40 ਫੀਸਦੀ ਤੱਕ ਦਾ ਹੋਰ ਵਾਧਾ ਹੋ ਸਕਦਾ ਹੈ।

ਕਿਉਂ ਮਹਿੰਗਾ ਹੋ ਰਿਹਾ ਹੈ ਸੋਨਾ?
(ਮੌਜੂਦਾ ਸਥਿਤੀ) ਬਾਜ਼ਾਰ ਮਾਹਿਰਾਂ ਤੇ ਰਿਪੋਰਟਾਂ ਅਨੁਸਾਰ ਸੋਨੇ ਦੀਆਂ ਕੀਮਤਾਂ ਵਧਣ ਦੇ ਕੁਝ ਠੋਸ ਕਾਰਨ ਹਨ।
1. ਰਿਕਾਰਡ ਕੀਮਤਾਂ: ਭਾਰਤ 'ਚ 10 ਗ੍ਰਾਮ ਸੋਨੇ ਦਾ ਭਾਅ ਲਗਭਗ 1.47 ਲੱਖ ਰੁਪਏ ਦੇ ਪੱਧਰ ਨੂੰ ਛੂਹ ਚੁੱਕਾ ਹੈ।
2. ਵਿਸ਼ਵ ਪੱਧਰੀ ਕਰਜ਼ਾ: ਦੁਨੀਆ ਭਰ 'ਚ ਕਰਜ਼ੇ ਦਾ ਬੋਝ 338 ਟ੍ਰਿਲੀਅਨ ਡਾਲਰ ਤੱਕ ਪਹੁੰਚ ਗਿਆ ਹੈ, ਜੋ ਪੂਰੀ ਦੁਨੀਆ ਦੀ ਜੀ.ਡੀ.ਪੀ. ਤੋਂ ਵੀ ਜ਼ਿਆਦਾ ਹੈ। ਇਸ 'ਡੇਬਟ ਬਬਲ' ਦੇ ਫਟਣ ਦੇ ਡਰੋਂ ਨਿਵੇਸ਼ਕ ਸੋਨੇ ਨੂੰ ਸਭ ਤੋਂ ਸੁਰੱਖਿਅਤ ਮੰਨ ਰਹੇ ਹਨ।
3. ਕੇਂਦਰੀ ਬੈਂਕਾਂ ਦੀ ਖਰੀਦਦਾਰੀ: ਪਿਛਲੇ 10 ਸਾਲਾਂ 'ਚ ਦੁਨੀਆ ਭਰ ਦੇ ਕੇਂਦਰੀ ਬੈਂਕਾਂ ਨੇ ਆਪਣੇ ਸੋਨੇ ਦੇ ਭੰਡਾਰ (Gold Reserve) ਨੂੰ ਕਾਫੀ ਵਧਾਇਆ ਹੈ।
4. ਅਸਥਿਰਤਾ: ਵਿਸ਼ਵ ਦੇ ਵੱਖ-ਵੱਖ ਹਿੱਸਿਆਂ 'ਚ ਚੱਲ ਰਹੇ ਯੁੱਧ ਤੇ ਤਣਾਅ ਕਾਰਨ ਲੋਕ ਸ਼ੇਅਰ ਬਾਜ਼ਾਰ ਦੀ ਬਜਾਏ ਸੋਨੇ 'ਚ ਪੈਸਾ ਲਗਾਉਣਾ ਬਿਹਤਰ ਸਮਝ ਰਹੇ ਹਨ।

ਕੌਣ ਸੀ ਬਾਬਾ ਵੇਂਗਾ?
ਬਾਬਾ ਵੇਂਗਾ ਦਾ ਜਨਮ 1911 'ਚ ਬੁਲਗਾਰੀਆ 'ਚ ਹੋਇਆ ਸੀ ਅਤੇ 1996 'ਚ ਉਨ੍ਹਾਂ ਦਾ ਦਿਹਾਂਤ ਹੋ ਗਿਆ ਸੀ। 12 ਸਾਲ ਦੀ ਉਮਰ 'ਚ ਆਪਣੀ ਅੱਖਾਂ ਦੀ ਰੌਸ਼ਨੀ ਗੁਆ ਦੇਣ ਵਾਲੀ ਬਾਬਾ ਵੇਂਗਾ ਨੇ ਸੋਵੀਅਤ ਸੰਘ ਦੇ ਟੁੱਟਣ ਅਤੇ ਅਮਰੀਕਾ 'ਤੇ ਹੋਏ 9/11 ਅੱਤਵਾਦੀ ਹਮਲੇ ਵਰਗੀਆਂ ਕਈ ਸਹੀ ਭਵਿੱਖਬਾਣੀਆਂ ਕੀਤੀਆਂ ਸਨ।

ਹਾਲਾਂਕਿ, ਇਹ ਨੋਟ ਕਰਨਾ ਮਹੱਤਵਪੂਰਨ ਹੈ ਕਿ ਉਨ੍ਹਾਂ ਦੀਆਂ ਭਵਿੱਖਬਾਣੀਆਂ ਦਾ ਕੋਈ ਲਿਖਤੀ ਪ੍ਰਮਾਣ ਨਹੀਂ ਹੈ; ਇਹ ਸਿਰਫ ਉਨ੍ਹਾਂ ਦੇ ਪੈਰੋਕਾਰਾਂ ਦੁਆਰਾ ਸਾਂਝੀਆਂ ਕੀਤੀਆਂ ਗੱਲਾਂ 'ਤੇ ਅਧਾਰਿਤ ਹਨ। ਅਰਥਸ਼ਾਸਤਰੀ ਸੋਨੇ ਦੀ ਤੇਜ਼ੀ ਨੂੰ ਮੰਗ, ਸਪਲਾਈ ਅਤੇ ਵਿਸ਼ਵ ਰਾਜਨੀਤੀ ਦਾ ਅਸਰ ਮੰਨਦੇ ਹਨ। ਇਸ ਭਵਿੱਖਬਾਣੀ ਦੀ ਕੋਈ ਵਿਗਿਆਨਕ ਜਾਂ ਅਧਿਕਾਰਤ ਪੁਸ਼ਟੀ ਨਹੀਂ ਕੀਤੀ ਜਾ ਸਕਦੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e