ਮਿਜ਼ੋਰਮ ’ਚ ਵਾਪਰਿਆ ਹਾਦਸਾ, ਪਿਕਅੱਪ ਟਰੱਕ ਦੇ ਖੱਡ ’ਚ ਡਿੱਗਣ ਨਾਲ 5 ਦੀ ਮੌਤ

ਆਈਜ਼ੋਲ (ਭਾਸ਼ਾ)— ਮਿਜ਼ੋਰਮ ਦੇ ਖਵਾਜਵਲ ਜ਼ਿਲ੍ਹੇ ਦੇ ਰਬੁੰਗ ਪਿੰਡ ਕੋਲ ਇਕ ਪਿਕਅੱਪ ਟਰੱਕ ਦੇ ਖੱਡ ’ਚ ਡਿੱਗਣ ਨਾਲ 3 ਔਰਤਾਂ ਸਮੇਤ 5 ਲੋਕਾਂ ਦੀ ਮੌਤ ਹੋ ਗਈ ਅਤੇ 11 ਹੋਰ ਜ਼ਖਮੀ ਹੋ ਗਏ। ਪੁਲਸ ਐੱਸ. ਪੀ. ਨੇ ਦੱਸਿਆ ਕਿ ਇਹ ਘਟਨਾ ਸਵੇਰੇ ਕਰੀਬ ਸਾਢੇ 9 ਵਜੇ ਵਾਪਰੀ, ਜਦੋਂ ਲੋਕ ਪਿਕਅੱਪ ਟਰੱਕ ’ਚ ਸਵਾਰ ਹੋ ਕੇ ਆਪਣੇ ਪਿੰਡ ਤੋਂ ਕਿਸੇ ਦੇ ਅੰਤਿਮ ਸੰਸਕਾਰ ’ਚ ਸ਼ਾਮਲ ਹੋਣ ਲਈ ਰਬੁੰਗ ਜਾ ਰਹੇ ਸਨ। 

ਪੁਲਸ ਅਧਿਕਾਰੀ ਨੇ ਕਿਹਾ ਕਿ ਘੱਟੋ-ਘੱਟ 19 ਲੋਕ ਵਾਹਨ ’ਤੇ ਸਵਾਰ ਸਨ। ਬਰੇਕ ਫੇਲ੍ਹ ਹੋਣ ਕਾਰਨ ਇਹ ਹਾਦਸਾ ਵਾਪਰਿਆ। ਐੱਸ. ਪੀ. ਦੱਸਿਆ ਕਿ 4 ਲੋਕਾਂ ਦੀ ਘਟਨਾ ਵਾਲੀ ਥਾਂ ’ਤੇ ਹੀ ਮੌਤ ਹੋ ਗਈ, ਜਦਕਿ ਇਕ ਹੋਰ ਨੇ ਰਬੁੰਗ ਜਨ ਸਿਹਤ ਕੇਂਦਰ ’ਚ ਦਮ ਤੋੜ ਦਿੱਤਾ। ਬਾਕੀ ਦੇ ਜ਼ਖਮੀਆਂ ਨੂੰ ਇਲਾਜ ਲਈ ਹਸਪਤਾਲ ’ਚ ਦਾਖ਼ਲ ਕਰਵਾਇਆ ਗਿਆ ਹੈ।