ਰਾਜਨੰਦਗਾਓਂ ਜ਼ਿਲ੍ਹੇ ''ਚ ਮੰਗਣੀ ਦੀ ਅਨੌਖੀ ਕਹਾਣੀ, ਪਤੀ-ਪਤਨੀ ਨੇ ਇੱਕ-ਦੂਜੇ ਨੂੰ ਪਹਿਨਾਇਆ ਹੈਲਮੇਟ

ਰਾਜਨੰਦਗਾਓਂ- ਰਾਜਨੰਦਗਾਓਂ ਜ਼ਿਲ੍ਹੇ ‘ਚ ਵਿਆਹ ਦੀ ਚਰਚਾ ਜ਼ੋਰਾਂ ‘ਤੇ ਹੈ। ਆਪਣੀ ਅਨੌਖੀ ਰਸਮ ਕਾਰਨ ਇਹ ਵਿਆਹ ਲੋਕਾਂ ਵਿੱਚ ਚਰਚਾ ਦਾ ਵਿਸ਼ਾ ਬਣ ਗਿਆ। ਡੋਗਰਗੜ੍ਹ ਬਲਾਕ ਦੇ ਜਰਵਾਹੀ ਦੇ ਰਹਿਣ ਵਾਲੇ ਬੀਰੇਂਦਰ ਸਾਹੂ ਦੀ ਮੰਗਣੀ ਐਤਵਾਰ ਨੂੰ ਡੋਂਗਰਗੜ੍ਹ ਇਲਾਕੇ ਦੇ ਪਿੰਡ ਕਰਿਆਟੋਲਾ ਦੀ ਰਹਿਣ ਵਾਲੀ 24 ਸਾਲਾ ਜੋਤੀ ਸਾਹੂ ਨਾਲ ਹੋਈ ਸੀ। ਮੰਗਣੀ ਦੀਆਂ ਸਾਰੀਆਂ ਰਸਮਾਂ ਪੂਰੀਆਂ ਹੋਣ ਤੋਂ ਬਾਅਦ ਉਨ੍ਹਾਂ ਨੇ ਹੈਲਮੇਟ ਪਹਿਨ ਕੇ ਸੜਕ ਸੁਰੱਖਿਆ ਪ੍ਰਤੀ ਜਾਗਰੂਕਤਾ ਦਾ ਸੁਨੇਹਾ ਦਿੱਤਾ। ਮੰਗਣੀ ਸਮਾਰੋਹ ‘ਚ ਇਹ ਨਜ਼ਾਰਾ ਦੇਖ ਕੇ ਲੋਕ ਹੈਰਾਨ ਰਹਿ ਗਏ, ਜਿਸ ਤੋਂ ਬਾਅਦ ਲੋਕਾਂ ਨੂੰ ਜਾਗਰੂਕਤਾ ਦਾ ਸੰਦੇਸ਼ ਦਿੱਤਾ ਗਿਆ।

ਨੌਜਵਾਨ ਚਲਾ ਰਿਹਾ ਹੈ ਜਾਗਰੂਕਤਾ ਮੁਹਿੰਮ  
ਇਸ ਸਬੰਧੀ ਨੌਜਵਾਨ ਬੀਰੇਂਦਰ ਸਾਹੂ ਨੇ ਦੱਸਿਆ ਕਿ ਉਸ ਦੇ ਪਿਤਾ ਪੰਚਰਾਮ ਸਾਹੂ ਗ੍ਰਾਮ ਪੰਚਾਇਤ ਕਾਲਕਾਸਾ ਦੇ ਸਕੱਤਰ ਸਨ।  ਉਹ ਕੰਮ ਤੋਂ ਬਾਅਦ ਮੋਟਰਸਾਈਕਲ ‘ਤੇ ਘਰ ਪਰਤ ਰਹੇ ਸਨ ਤਾਂ ਹੈਲਮੇਟ ਨਾ ਪਹਿਨਣ ਕਾਰਨ ਕਿਸੇ ਅਣਪਛਾਤੇ ਵਾਹਨ ਦੀ ਟੱਕਰ ਲੱਗਣ ਕਾਰਨ ਉਨ੍ਹਾਂ ਦੇ ਸਿਰ ‘ਤੇ ਗੰਭੀਰ ਸੱਟ ਲੱਗ ਗਈ, ਜਿਸ ਤੋਂ ਬਾਅਦ ਜਨਵਰੀ 2022 ‘ਚ ਉਨ੍ਹਾਂ ਦੀ ਮੌਤ ਹੋ ਗਈ। ਉਦੋਂ ਤੋਂ ਹੀ ਪਰਿਵਾਰ ਦੇ ਸਾਰੇ ਮੈਂਬਰ ਲੋਕਾਂ ਨੂੰ ਹੈਲਮੇਟ ਪਾਉਣ ਬਾਰੇ ਜਾਗਰੂਕ ਕਰਨ ਦਾ ਕੰਮ ਕਰ ਰਹੇ ਹਨ ਅਤੇ ਆਪਣੇ ਰੁਝੇਵਿਆਂ ਵਿੱਚ ਵੀ ਹੈਲਮੇਟ ਪਾ ਕੇ ਇੱਕ ਅਨੌਖੀ ਰਸਮ ਨਿਭਾਈ ਹੈ।

ਇਹ ਵੀ ਪੜ੍ਹੋ- ਤਲਾਕ ਦੇ ਐਲਾਨ ਤੋਂ ਬਾਅਦ ਹੋ ਸਕਦੀ ਹੈ AR Rahman- ਸ਼ਾਇਰਾ ਬਾਨੋ 'ਚ ਸੁਲ੍ਹਾ!

ਹੈਲਮੇਟ ਸੰਘਵਾੜੀ ਦੇ ਨਾਂ ‘ਤੇ ਚੱਲ ਰਹੀ ਮੁਹਿੰਮ
ਨੌਜਵਾਨ ਬੀਰੇਂਦਰ ਸਾਹੂ ਦੇ ਪਰਿਵਾਰ ਵੱਲੋਂ ਹੈਲਮੇਟ ਸੰਗਵਰੀ ਦੇ ਨਾਂ ‘ਤੇ ਮੁਹਿੰਮ ਚਲਾਈ ਜਾ ਰਹੀ ਹੈ। ਇਸ ਤਹਿਤ ਮੁਹਿੰਮ ਚਲਾ ਕੇ ਲੋਕਾਂ ਨੂੰ ਜਾਗਰੂਕ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਵੱਲੋਂ 1000 ਤੋਂ ਵੱਧ ਲੋਕਾਂ ਨੂੰ ਹੈਲਮੇਟ ਵੰਡ ਕੇ ਮੁਹਿੰਮ ਚਲਾਈ ਗਈ ਹੈ ਅਤੇ ਪਰਿਵਾਰ ਦੇ ਸਾਰੇ ਮੈਂਬਰ ਲੋਕਾਂ ਨੂੰ ਹੈਲਮੇਟ ਪਾਉਣ ਬਾਰੇ ਜਾਗਰੂਕ ਕਰ ਰਹੇ ਹਨ। ਲੋਕਾਂ ਨੂੰ ਸੜਕ ਹਾਦਸਿਆਂ ਤੋਂ ਬਚਾਉਣ ਅਤੇ ਆਪਣੇ ਪਰਿਵਾਰ ਦੀ ਸੁਰੱਖਿਆ ਲਈ ਹੈਲਮਟ ਪਹਿਨਣ ਬਾਰੇ ਜਾਗਰੂਕ ਕਰਨ ਲਈ ਕੰਮ ਕੀਤਾ ਜਾ ਰਿਹਾ ਹੈ।

ਮੰਗਣੀ ਦੌਰਾਨ ਹੈਲਮੇਟ ਪਾ ਕੇ ਇੱਕ ਦੂਜੇ ਨੂੰ ਸੁਰੱਖਿਆ ਦਾ ਦਿੱਤਾ ਸੁਨੇਹਾ
ਆਪਣੀ ਮੰਗਣੀ ‘ਚ ਨੌਜਵਾਨ ਬੀਰੇਂਦਰ ਸਾਹੂ ਨੇ ਆਪਣੀ ਹੋਣ ਵਾਲੀ ਪਤਨੀ ਜੋਤੀ ਸਾਹੂ ਨੂੰ ਹੈਲਮੇਟ ਪਾ ਕੇ ਸੁਰੱਖਿਆ ਦਾ ਸੁਨੇਹਾ ਦਿੱਤਾ ਅਤੇ ਮੰਗਨੀ ‘ਤੇ ਆਏ ਸਾਰੇ ਪਰਿਵਾਰਕ ਮੈਂਬਰਾਂ ਨੂੰ ਹੈਲਮੇਟ ਪਾ ਕੇ ਹੀ ਮੋਟਰਸਾਈਕਲ ਚਲਾਉਣ ਲਈ ਜਾਗਰੂਕ ਕੀਤਾ, ਇਸ ਅਨੌਖੀ ਗੱਲ ਨੂੰ ਦੇਖ ਲੋਕ ਹੈਰਾਨ ਰਹਿ ਗਏ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ