ਦਿੱਲੀ ਦੇ ਕਰੋਲ ਬਾਗ ''ਚ LPG ਸਿਲੰਡਰ ''ਚ ਧਮਾਕਾ, ਫਾਇਰ ਬ੍ਰਿਗੇਡ ਦੇ 6 ਮੁਲਾਜ਼ਮ ਝੁਸਲੇ

ਨਵੀਂ ਦਿੱਲੀ- ਦਿੱਲੀ ਦੇ ਕਰੋਲ ਬਾਗ ਇਲਾਕੇ 'ਚ ਵੀਰਵਾਰ ਨੂੰ ਐੱਲ.ਪੀ.ਜੀ. ਸਿਲੰਡਰ 'ਚ ਧਮਾਕੇ ਤੋਂ ਬਾਅਦ ਅੱਗ ਲੱਗਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਦਿੱਲੀ ਫਾਇਰ ਸਰਵਿਸ ਦੇ ਮੁਤਾਬਕ, ਕੁੱਲ 8 ਫਾਇਲ ਟੈਂਡਰਾਂ ਨੂੰ ਘਟਨਾ ਵਾਲੀ ਥਾਂ 'ਤੇ ਭੇਜਿਆ ਗਿਆ। ਦਿੱਲੀ ਫਾਇਰ ਬ੍ਰਿਗੇਡ ਸੇਵਾ ਨੇ ਕਿਹਾ ਕਿ ਐੱਲ.ਪੀ.ਜੀ. ਧਮਾਕੇ ਕਾਰਨ 6 ਮੁਲਾਜ਼ਮ ਝੁਲਸ ਗਏ। 

Delhi | A fire call has been received from the Karol Bagh area. A total of 8 fire tenders were rushed to the site. Due to an LPG blast, 6 fire personnel got burn injuries. Dousing operation underway: Delhi Fire Service

(Pic: Delhi Fire Service) pic.twitter.com/3TZODXDbT9

— ANI (@ANI) August 14, 2024

ਇਸ ਮਾਮਲੇ ਨੂੰ ਲੈ ਕੇ ਅਧਿਕਾਰੀ ਨੇ ਦੱਸਿਆ ਕਿ ਸਿਲੰਡਰ 'ਚ ਧਮਾਕੇ 'ਚ ਜ਼ਖ਼ਮੀ ਹੋਣ ਵਾਲੇ ਮੁਲਾਜ਼ਮਾਂ ਨੂੰ ਕਰੋਲ ਬਾਗ ਦੇ ਬੀ.ਐੱਲ.ਕੇ. ਹਸਪਤਾਲ ਲਿਜਾਇਆ ਗਿਆ ਹੈ। ਜਿਥੇ ਸਾਰਿਆਂ ਦਾ ਇਲਾਜ ਜਾਰੀ ਹੈ। ਜ਼ਖ਼ਮੀ ਮੁਲਾਜ਼ਮਾਂ ਦੀ ਪਛਾਣ ਫਾਇਰ ਸਟੇਸ਼ਨ ਅਧਿਕਾਰੀ ਬੱਤੀ ਲਾਲ ਅਤੇ ਫਾਇਰ ਆਪਰੇਟਰ ਦੀਪਾਂਕਰ, ਸੰਦੀਪ, ਅਭਿਜੀਤ, ਰਾਹੁਲ ਰਾਣਾ ਅਤੇ ਪ੍ਰਦੀਪ ਦੇ ਰੂਪ 'ਚ ਹੋਈ ਹੈ। ਅਜਿਹਾ ਮੰਨਣਾ ਹੈ ਕਿ ਸ਼ਾਰਟ ਸਰਕਿਟ ਕਾਰਨ ਬਿਲਡਿੰਗ 'ਚ ਅੱਗ ਲੱਗੀ। ਦੱਸ ਦੇਈਏ ਕਿ ਫਾਇਰ ਬ੍ਰਿਗੇਡ ਦੇ ਕਰਮਚਾਰੀਆਂ ਨੇ ਕਰੀਬ ਦੋ ਘੰਟਿਆਂ 'ਚ ਅੱਗ 'ਤੇ ਕਾਬੂ ਪਾਇਆ।