ਖਰਾਬ ਮੌਸਮ ਕਾਰਨ ਹੈਲੀਕਾਪਟਰ ਨਹੀਂ ਭਰ ਸਕੇ ਉਡਾਣ, ਮਣੀਮਹੇਸ਼ ਜਾਣ ਵਾਲੇ ਯਾਤਰੀ ਪਰੇਸ਼ਾਨ

ਭਰਮੌਰ- ਮੌਸਮ ਖਰਾਬ ਹੋਣ ਅਤੇ ਡਲ ਝੀਲ 'ਤੇ ਧੁੰਦ ਛਾ ਜਾਣ ਕਾਰਨ ਪਿਛਲੇ 2 ਦਿਨਾਂ ਤੋਂ ਹੈਲੀਕਾਪਟਰ ਨੇ ਉਡਾਣ ਨਹੀਂ ਭਰੀ, ਜਿਸ ਕਾਰਨ ਲੋਕ ਹੈਲੀਕਾਪਟਰ ਰਾਹੀਂ ਮਨੀਮਹੇਸ਼ ਨਹੀਂ ਪਹੁੰਚ ਸਕੇ ਹਨ। ਜਿਨ੍ਹਾਂ ਨੇ ਹੈਲੀਕਾਪਟਰ ਰਾਹੀਂ ਭਰਮੌਰ ਤੋਂ ਗੌਰੀਕੁੰਡ ਜਾਣ ਲਈ ਟਿਕਟਾਂ ਖਰੀਦੀਆਂ ਹਨ, ਉਹ ਪਿਛਲੇ 2 ਦਿਨਾਂ ਤੋਂ ਉਡੀਕ ਕਰ ਰਹੇ ਹਨ। 

ਭਰਮੌਰ ਹੈਲੀਪੈਡ 'ਤੇ 2-2 ਹੈਲੀਕਾਪਟਰ ਵੀ ਮੌਸਮ ਸਾਫ਼ ਹੋਣ ਦੀ ਉਡੀਕ ਕਰ ਰਹੇ ਹਨ। ਇੰਨਾ ਹੀ ਨਹੀਂ ਲਗਾਤਾਰ ਪੈ ਰਹੇ ਮੀਂਹ ਕਾਰਨ ਹਡਸਰ ਤੋਂ ਉਪਰ ਦੀ ਯਾਤਰਾ ਵਿਚ ਵੀ ਲੋਕਾਂ ਨੂੰ ਕਾਫੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਕਈ ਥਾਵਾਂ ’ਤੇ ਚਿੱਕੜ ਕਾਰਨ ਰਾਹਗੀਰਾਂ ਨੂੰ ਭਾਰੀ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਪਿਛਲੇ 2 ਦਿਨਾਂ ਤੋਂ ਮੌਸਮ ਲਗਾਤਾਰ ਖਰਾਬ ਚੱਲ ਰਿਹਾ ਹੈ। ਇਸ ਦੌਰਾਨ ਮੀਂਹ ਪੈ ਰਿਹਾ ਹੈ।

ਯਾਤਰੀਆਂ ਦੀ ਵਧਦੀ ਗਿਣਤੀ ਨੂੰ ਦੇਖਦਿਆਂ ਲੋਕ ਨਿਰਮਾਣ ਵਿਭਾਗ ਨੇ ਹਡਸਰ ਤੋਂ ਉੱਪਰ ਦੁਨਾਲੀ ਵਿਖੇ ਵਾਧੂ ਬਦਲਵਾਂ ਪੁਲ ਬਣਾਇਆ ਹੈ। ਆਮ ਤੌਰ ’ਤੇ ਇਸ ਥਾਂ ’ਤੇ ਲੋਕਾਂ ਦੀ ਭਾਰੀ ਭੀੜ ਇਕੱਠੀ ਹੋਣ ਕਾਰਨ ਟ੍ਰੈਫਿਕ ਜਾਮ ਦੀ ਸਮੱਸਿਆ ਬਣੀ ਰਹਿੰਦੀ ਹੈ। ਲੋਕ ਨਿਰਮਾਣ ਵਿਭਾਗ ਦੇ ਕਾਰਜਕਾਰੀ ਇੰਜੀਨੀਅਰ ਮੀਤ ਸ਼ਰਮਾ ਅਤੇ ਐਸ. ਡੀ. ਓ. ਵਿਸ਼ਾਲ ਚੌਧਰੀ ਨੇ ਦੱਸਿਆ ਕਿ ਵਾਧੂ ਪੁਲ ਬਣਾਇਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਜਿਨ੍ਹਾਂ ਥਾਵਾਂ 'ਤੇ ਚਿੱਕੜ ਕਾਰਨ ਫਿਸਲਣ ਹੋ ਰਹੀ ਹੈ, ਉਨ੍ਹਾਂ ਨੂੰ ਵੀ ਸੁਧਾਰਿਆ ਜਾ ਰਿਹਾ ਹੈ।