ਬਾਬਾ ਵੇਂਗਾ ਦੀ ਹੈਰਾਨ ਕਰਨ ਵਾਲੀ ਭਵਿੱਖਬਾਣੀ, ਖ਼ੌਫ ਖਾਣ ਲੱਗਾ ਮਨੁੱਖ

ਨੈਸ਼ਨਲ ਡੈਸਕ- ਭਵਿੱਖਬਾਣੀਆਂ ਕਾਰਨ ਦੁਨੀਆ ਭਰ 'ਚ ਚਰਚਾ ਦਾ ਵਿਸ਼ਾ ਬਣੇ ਬਾਬਾ ਵੇਂਗਾ ਨੇ ਇਸ ਸਾਲ ਨੂੰ ਲੈ ਕੇ ਇੱਕ ਵੱਡੀ ਭਵਿੱਖਬਾਣੀ ਕੀਤੀ ਹੈ। ਬਾਬਾ ਵੇਂਗਾ ਨੇ ਅਜਿਹੀ ਭਵਿੱਖਬਾਣੀ  ਕੀਤੀ ਹੈ ਕਿ ਮਨੁੱਖ ਖ਼ੌਫ ਖਾਣ ਲੱਗਾ ਹੈ। ਬਾਬਾ ਵੇਂਗਾ ਮੁਤਾਬਕ ਮਨੁੱਖੀ ਸੱਭਿਅਤਾ ਦਾ 2025 ਵਿਚ ਕਿਸੇ ਵੀ ਸਮੇਂ ਏਲੀਅਨ ਨਾਲ ਸੰਪਰਕ ਜਾਂ ਮੁਕਾਬਲਾ ਹੋ ਸਕਦਾ ਹੈ।

ਹੋ ਸਕਦੀ ਹੈ ਤਬਾਹੀ

ਬਾਬਾ ਵੇਂਗਾ ਨੇ ਇਸ ਬਾਰੇ ਸੁਚੇਤ ਕਰਦਿਆਂ ਕਿਹਾ ਕਿ ਏਲੀਅਨ ਸੱਭਿਅਤਾ ਦੇ ਸੰਪਰਕ ਤੋਂ ਬਾਅਦ ਮਨੁੱਖੀ ਸੱਭਿਅਤਾ ਸ਼ਾਇਦ ਅੱਜ ਤੱਕ ਜਿਸ ਤਰ੍ਹਾਂ ਜੀਅ ਰਹੀ ਹੈ, ਉਸ ਤਰ੍ਹਾਂ ਨਹੀਂ ਰਹਿ ਸਕੇਗੀ। ਇਕ ਰਿਪੋਰਟ ਮੁਤਾਬਕ ਬਾਬਾ ਵੇਂਗਾ ਨੇ ਚਿਤਾਵਨੀ ਦਿੱਤੀ ਕਿ ‘ਮਨੁੱਖੀ ਸਭਿਅਤਾ ਬਾਹਰੀ ਜੀਵਨ ਯਾਨੀ ਏਲੀਅਨਜ਼ ਨਾਲ ਸੰਪਰਕ ਬਣਾਏਗੀ, ਜਿਸ ਨਾਲ ਵਿਸ਼ਵ ਸੰਕਟ ਜਾਂ ਇੱਥੋਂ ਤੱਕ ਕਿ ਤਬਾਹੀ ਵੀ ਹੋ ਸਕਦੀ ਹੈ। ਇਹ ਸੰਭਵ ਹੈ ਕਿ ਇਹ ਭਵਿੱਖਬਾਣੀ ਸਾਡੀਆਂ ਉਮੀਦਾਂ ਤੋਂ ਵੱਧ ਸਹੀ ਸਾਬਤ ਹੋ ਸਕਦੀ ਹੈ। ਜੇਕਰ ਬਾਬਾ ਵੇਂਗਾ ਦੀ ਭਵਿੱਖਬਾਣੀ ਸਹੀ ਸਾਬਤ ਹੋਈ ਤਾਂ ਇਸ ਤੋਂ ਬਾਅਦ ਮਨੁੱਖੀ ਸੱਭਿਅਤਾ ਦਾ ਜੀਵਨ ਪੂਰੀ ਤਰ੍ਹਾਂ ਬਦਲਣ ਦੀ ਉਮੀਦ ਹੈ। ਏਲੀਅਨ ਸੱਭਿਅਤਾ ਬਾਰੇ ਪਹਿਲਾਂ ਹੀ ਕਈ ਤਰ੍ਹਾਂ ਦੀਆਂ ਮਾਨਤਾਵਾਂ ਅਤੇ ਵਿਗਿਆਨਕ ਖੋਜਾਂ ਹਨ। ਬਹੁਤਿਆਂ ਦਾ ਮੰਨਣਾ ਹੈ ਕਿ ਇਸ ਪੂਰੇ ਬ੍ਰਹਿਮੰਡ ਵਿਚ ਧਰਤੀ ਵਰਗੇ ਕਈ ਗ੍ਰਹਿ ਹਨ, ਜਿਨ੍ਹਾਂ ਵਿਚ ਮਨੁੱਖਾਂ ਵਰਗੀ ਸੱਭਿਅਤਾਵਾਂ ਵੱਸਦੀਆਂ ਹਨ।

ਮਨੁੱਖੀ ਸੱਭਿਅਤਾ 2025 ਤੱਕ ਕਰੇਗੀ ਟੈਲੀਪੈਥੀ ਦਾ ਵਿਕਾਸ 

ਬਾਬਾ ਵੇਂਗਾ ਨੇ ਭਵਿੱਖਬਾਣੀ ਕੀਤੀ ਕਿ ਮਨੁੱਖੀ ਸੱਭਿਅਤਾ 2025 ਤੱਕ ਟੈਲੀਪੈਥੀ ਦਾ ਵਿਕਾਸ ਕਰੇਗੀ। ਜਿਸ ਨਾਲ ਮਨ ਤੋਂ ਮਨ ਦਾ ਸਿੱਧਾ ਸੰਚਾਰ ਸੰਭਵ ਹੋ ਸਕੇਗਾ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਇਹ ਤਰੱਕੀ ਮਨੁੱਖੀ ਸੰਪਰਕ ਵਿਚ ਕ੍ਰਾਂਤੀ ਲਿਆਵੇਗੀ। ਜੇਕਰ ਦੇਖਿਆ ਜਾਵੇ ਤਾਂ ਐਲੋਨ ਮਸਕ ਦੇ ਦਿਮਾਗ ਦੀ ਚਿੱਪ ਪਹਿਲਾਂ ਹੀ ਟੈਲੀਪੈਥੀ ਦੇ ਇਕ ਰੂਪ ਨਾਲ ਚਰਚਾ ਵਿਚ ਹੈ, ਜਿਸ ਵਿਚ ਇਕ ਵਿਅਕਤੀ ਤਕਨਾਲੋਜੀ ਨੂੰ ਕੰਟਰੋਲ ਕਰਦਾ ਹੈ। ਬਾਬਾ ਵੇਂਗਾ ਦਾ ਮੰਨਣਾ ਸੀ ਕਿ ਮਨੁੱਖ 2025 ਤੱਕ ਟੈਲੀਪੈਥੀ 'ਚ ਮਾਹਰ ਹੋ ਜਾਣਗੇ, ਜਿਸ ਨਾਲ ਲੋਕਾਂ ਦੇ ਇਕ-ਦੂਜੇ ਨਾਲ ਸੰਚਾਰ ਕਰਨ ਦਾ ਤਰੀਕਾ ਬਦਲ ਜਾਵੇਗਾ। 

ਸੱਚ ਸਾਬਤ ਹੋਈਆਂ ਬਾਬਾ ਵੇਂਗਾ ਦੀਆਂ ਕਈ ਭਵਿੱਖਬਾਣੀਆਂ

ਦੱਸ ਦੇਈਏ ਕਿ ਬਾਬਾ ਵੇਂਗਾ ਦੀਆਂ ਭਵਿੱਖਬਾਣੀਆਂ ਅਕਸਰ ਰਹੱਸ ਵਿਚ ਘਿਰੀਆਂ ਰਹਿੰਦੀਆਂ ਹਨ ਪਰ ਉਨ੍ਹਾਂ ਦੀਆਂ ਕਈ ਭਵਿੱਖਬਾਣੀਆਂ ਸੱਚ ਸਾਬਤ ਹੋਈਆਂ ਹਨ। ਉਹ ਅਤੀਤ ਵਿਚ ਆਪਣੀਆਂ ਸਹੀ ਭਵਿੱਖਬਾਣੀਆਂ ਲਈ ਜਾਣੀਆਂ ਜਾਂਦੀਆਂ ਹਨ।