ਭਾਰੀ ਬਰਫ਼ਬਾਰੀ ਕਾਰਨ ਅਟਲ ਸੁਰੰਗ ਸਣੇ ਕਈ ਟੂਰਿਸਟ ਸਥਾਨ ਬੰਦ, ਸੈਲਾਨੀਆਂ ਲਈ ਐਡਵਾਈਜ਼ਰੀ ਜਾਰੀ

ਮਨਾਲੀ/ਕੁੱਲੂ : ਰੋਹਤਾਂਗ, ਬਰਾਲਾਚਾ ਸ਼ਿੰਕੁਲਾ ਅਤੇ ਕੁੰਜਮ ਦੱਰੇ ਵਿੱਚ ਦੋ ਫੁੱਟ ਬਰਫ਼ਬਾਰੀ ਹੋਈ ਹੈ। ਸ਼ੁੱਕਰਵਾਰ ਸਵੇਰ ਤੋਂ ਹੀ ਉੱਚਾਈ ਵਾਲੇ ਇਲਾਕਿਆਂ 'ਚ ਬਰਫ਼ਬਾਰੀ ਹੋ ਰਹੀ ਹੈ। ਲਾਹੌਲ-ਸਪੀਤੀ 'ਚ ਸਵੇਰ ਤੋਂ ਹੀ ਬਰਫ਼ਬਾਰੀ ਹੋਈ। ਭਾਰੀ ਬਰਫ਼ਬਾਰੀ ਕਾਰਨ ਜ਼ਿਲ੍ਹੇ ਵਿੱਚ ਜਨਜੀਵਨ ਪ੍ਰਭਾਵਿਤ ਹੋ ਗਿਆ। ਮਨਾਲੀ ਕੇਲਾਂਗ ਰੋਡ ਸਮੇਤ ਟਾਂਡੀ ਸੰਸਾਰੀ ਰੋਡ 'ਤੇ ਵਾਹਨਾਂ ਦੀ ਆਵਾਜਾਈ ਪ੍ਰਭਾਵਿਤ ਹੋਈ ਹੈ। ਘਾਟੀ 'ਚ ਕੁਝ ਥਾਵਾਂ 'ਤੇ ਚਾਰ ਪਹੀਆ ਵਾਹਨ ਚੱਲ ਰਹੇ ਹਨ, ਜਦਕਿ ਬੱਸ ਸੇਵਾਵਾਂ ਬੰਦ ਕਰ ਦਿੱਤੀਆਂ ਗਈਆਂ ਹਨ। ਸਵੇਰ ਤੋਂ ਹੋਈ ਬਰਫ਼ਬਾਰੀ ਕਾਰਨ ਅਟਲ ਸੁਰੰਗ ਦੇ ਦੋਵੇਂ ਸਿਰਿਆਂ 'ਤੇ ਅੱਧਾ-ਅੱਧਾ ਫੁੱਟ ਬਰਫ਼ ਦੇ ਢੇਰ ਜਮ ਗਏ ਹਨ।

ਇਹ ਵੀ ਪੜ੍ਹੋ - ਅਗਲੇ 2 ਦਿਨਾਂ 'ਚ ਭਾਰੀ ਮੀਂਹ ਤੇ ਗੜੇਮਾਰੀ ਦੀ ਚਿਤਾਵਨੀ, ਅਲਰਟ ਜਾਰੀ

ਅਟਲ ਸੁਰੰਗ ਸਮੇਤ ਲਾਹੌਲ ਦੇ ਸਾਰੇ ਟੂਰਿਸਟ ਸਥਾਨਾਂ ਨੂੰ ਸੈਲਾਨੀਆਂ ਲਈ ਬੰਦ ਕਰ ਦਿੱਤਾ ਗਿਆ ਹੈ। ਸਵੇਰ ਤੋਂ ਹੋ ਰਹੀ ਬਰਫ਼ਬਾਰੀ ਕਾਰਨ ਕੀਲੋਂਗ ਅਤੇ ਸਿਸੂ ਵਿਚਕਾਰ ਅੱਧਾ ਫੁੱਟ ਬਰਫ਼ ਪੈ ਗਈ। ਲਾਹੌਲ-ਸਪੀਤੀ ਦੇ ਪੂਰੇ ਇਲਾਕੇ 'ਚ ਬਰਫ਼ਬਾਰੀ ਜਾਰੀ ਹੈ। ਸੈਰ-ਸਪਾਟਾ ਸ਼ਹਿਰ ਮਨਾਲੀ 'ਚ ਦਿਨ ਭਰ ਬਾਰਿਸ਼ ਜਾਰੀ ਰਹੀ, ਜਦਕਿ ਕੁਝ ਸਮੇਂ ਲਈ ਬਰਫ਼ਬਾਰੀ ਵੀ ਹੋਈ। ਮਨਾਲੀ ਦੇ ਸੈਰ-ਸਪਾਟਾ ਸਥਾਨ ਸੋਲੰਗਾਨਾਲਾ, ਅੰਜਨੀ ਮਹਾਦੇਵ, ਕੋਠੀ, ਗੁਲਾਬਾ ਅਤੇ ਹਮਤਾ ਵਿੱਚ ਵੀ ਬਰਫ਼ਬਾਰੀ ਹੋ ਰਹੀ ਹੈ। ਮਨਾਲੀ ਲੇਹ ਰੋਡ 'ਤੇ ਬਰਾਲਾਚਾ ਪਾਸ ਸਮੇਤ ਤੰਗਲਾਂਗਲਾ ਅਤੇ ਲਾਚੁੰਗਲਾ 'ਚ ਭਾਰੀ ਬਰਫ਼ਬਾਰੀ ਹੋ ਰਹੀ ਹੈ।

ਇਹ ਵੀ ਪੜ੍ਹੋ - ਸਾਵਧਾਨ! 3 ਸਾਲਾਂ ਤੱਕ ਇਨ੍ਹਾਂ ਲੋਕਾਂ ਨੂੰ ਨਹੀਂ ਮਿਲੇਗਾ ਮੋਬਾਈਲ ਸਿਮ ਕਾਰਡ

ਦੱਸਣਯੋਗ ਹੈ ਕਿ ਮਨਾਲੀ ਲੇਹ ਸੜਕ ਸਰਦੀ ਦੇ ਕਾਰਨ ਵਾਹਨਾਂ ਲਈ ਬੰਦ ਹੈ, ਜਿਸ ਨੂੰ ਹੁਣ ਗਰਮੀਆਂ ਵਿੱਚ ਮੁੜ ਖੋਲ੍ਹਿਆ ਜਾਵੇਗਾ। ਮਨਾਲੀ ਵਿੱਚ ਜ਼ਿਆਦਾ ਸੈਲਾਨੀਆਂ ਕਾਰਨ ਹਿਡਿੰਬਾ ਮੰਦਿਰ, ਵਸ਼ਿਸ਼ਟ ਨਗਰ ਆਦਿ ਵਿੱਚ ਕਾਫੀ ਭੀੜ ਰਹਿੰਦੀ ਹੈ। ਹਿਮਾਚਲ 'ਚ 3 ਦਿਨ ਦੀ ਛੁੱਟੀ ਹੋਣ ਕਾਰਨ ਸੈਲਾਨੀਆਂ 'ਚ ਹੋਰ ਵਾਧਾ ਹੋਣ ਦੀ ਉਮੀਦ ਹੈ। ਐੱਸਡੀਐੱਮ ਮਨਾਲੀ ਰਮਨ ਕੁਮਾਰ ਸ਼ਰਮਾ ਨੇ ਦੱਸਿਆ ਕਿ ਅਟਲ ਸੁਰੰਗ ਰੋਹਤਾਂਗ ਸ਼ੁੱਕਰਵਾਰ ਨੂੰ ਸੈਲਾਨੀਆਂ ਲਈ ਬੰਦ ਰਿਹਾ। ਸੈਲਾਨੀਆਂ ਨੂੰ ਸਿਰਫ਼ ਸੋਲੰਗਨਾਲਾ ਤੱਕ ਹੀ ਜਾਣ ਦਿੱਤਾ ਗਿਆ। ਉਨ੍ਹਾਂ ਨੇ ਸੈਲਾਨੀਆਂ ਨੂੰ ਉੱਚਾਈ ਵਾਲੇ ਇਲਾਕਿਆਂ 'ਚ ਨਾ ਜਾਣ ਦੀ ਸਲਾਹ ਦਿੱਤੀ।

ਇਹ ਵੀ ਪੜ੍ਹੋ - ਵਿਦਿਆਰਥੀਆਂ ਦੀਆਂ ਮੌਜਾਂ : 25 ਦਸੰਬਰ ਤੋਂ 1 ਫਰਵਰੀ ਤੱਕ ਸਕੂਲ ਹੋਏ ਬੰਦ

ਜ਼ਿਲ੍ਹਾ ਕੁੱਲੂ ਵਿੱਚ ਭਾਰੀ ਮੀਂਹ ਅਤੇ ਬਰਫ਼ਬਾਰੀ ਕਾਰਨ ਪੇਂਡੂ ਖੇਤਰਾਂ ਵਿੱਚ ਅੱਧੀ ਦਰਜਨ ਦੇ ਕਰੀਬ ਬੱਸਾਂ ਦੇ ਰੂਟ ਪ੍ਰਭਾਵਿਤ ਹੋਏ ਹਨ। ਇਸ ਦੇ ਨਾਲ ਹੀ ਕਈ ਰੂਟਾਂ 'ਤੇ ਬੱਸਾਂ ਨੂੰ ਅੱਧੇ ਰਸਤੇ ਹੀ ਰੋਕਿਆ ਜਾ ਰਿਹਾ ਹੈ। ਜ਼ਿਲ੍ਹੇ ਦੇ ਬਾਗੀਪੁਲ, ਪਲਚਨ, ਬਿਆਸਰ, ਕੋਟਧਾਰ ਅਤੇ ਥੈਚ ਮਸ਼ਾਣਾ ਆਦਿ ਰੂਟਾਂ ’ਤੇ ਬੱਸਾਂ ਦੇ ਪਹੀਏ ਰੁਕ ਗਏ ਹਨ। ਬੱਸ ਸਟੈਂਡ ਇੰਚਾਰਜ ਕੁੱਲੂ ਮਨੋਜ ਕੁਮਾਰ ਨੇ ਦੱਸਿਆ ਕਿ ਮੌਸਮ ਕਾਰਨ ਅੱਧੀ ਦਰਜਨ ਬੱਸਾਂ ਦੇ ਰੂਟ ਪ੍ਰਭਾਵਿਤ ਹੋਏ ਹਨ।

ਇਹ ਵੀ ਪੜ੍ਹੋ - ਖ਼ੁਸ਼ਖ਼ਬਰੀ : ਔਰਤਾਂ ਨੂੰ ਹਰ ਮਹੀਨੇ ਮਿਲਣਗੇ 3000 ਰੁਪਏ ਤੇ 400 ਯੂਨਿਟ ਮੁਫ਼ਤ ਬਿਜਲੀ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8