ਨਿਸ਼ਾਨੀ ਛੰਦ
Thursday, Mar 15, 2018 - 04:21 PM (IST)
ਹਾੜ੍ਹੇ ਲੋਕੋ ਨਾੜ ਨੂੰ, ਨਾ ਅੱਗ ਲਗਾਓ
ਧਰਤੀ ਧਾਹਾਂ ਮਾਰਦੀ, ਨਾ ਕਹਿਰ ਕਮਾਓ ।
ਧੂੰਆਂ ਕਾਲਕ ਹੋ ਗਏ, ਸਾਡਾ ਸਿਰਨਾਵਾਂ
ਰੰਗਲੇ ਦੇਸ਼ ਪੰਜਾਬ ਦੀ, ਨਾ ਸ਼ਾਨ ਗੁਆਓ ।
ਜੀਵ ਅਨੇਕਾਂ ਕੀਮਤੀ, ਨਿੱਤ ਜਿਉਂਦੇ ਸੜਦੇ
ਚੱਪਾ -ਚੱਪਾ ਜ਼ਮੀਨ ਦਾ, ਨਾ ਸਿਵੇ ਬਣਾਓ ।
ਵਰਤੋਂ ਜੋਗੇ ਰਹੇ ਨਾ, ਹੁਣ ਪੌਣ ਤੇ ਪਾਣੀ
ਚੰਦਨ ਵਰਗੀ ਰੇਤ ਨੂੰ, ਨਾ ਰਾਖ ਬਣਾਓ ।
ਦੁੱਖੜੇ ਲਏ ਵਿਆਜ ਨੇ, ਕਰਕੇ ਮਨਮਾਨੀ
ਕੁਦਰਤ ਦੇ ਸ਼ਿੰਗਾਰ ਨੂੰ, ਨਾ ਭੇਂਟ ਚੜ੍ਹਾਓ ।
ਖੜ੍ਹੇ ਕਤਾਰਾਂ ਬੰਨ, ਜੋ ਬਣ ਰਾਖੇ ਤੇਰੇ
ਰੁੱਖੜੇ ਹੰਝੂ ਕੇਰਦੇ , ਕੋਈ ਧੀਰ ਧਰਾਓ ।
ਨਵੇਂ ਯੁੱਗ ਦੇ ਹਾਣੀਓ, ਕੋਈ ਕਰੋ ਵਸੀਲਾ
ਸਾਵੀ ਚਾਦਰ ਓੜ ਕੇ, ਮੁੜ ਦੇਸ਼ ਬਚਾਓ ।
ਜਗਜੀਤ ਕੌਰ ਢਿੱਲਵਾਂ
ਫੋਨ ਨੰ: 75891-68133