10ਵੀਂ ਬੋਸ਼ੀਆ ਨੈਸ਼ਨਲ ਚੈਂਪੀਅਨਸ਼ਿਪ ਸ਼ਾਨੋ ਸ਼ੌਕਤ ਨਾਲ ਸਫ਼ਲਤਾ ਪੂਰਵਕ ਸੰਪੰਨ

ਜੈਤੋ (ਰਘੂਨੰਦਨ ਪਰਾਸ਼ਰ) : ਬੋਸ਼ੀਆ ਸਪੋਰਟਸ ਫੈਡਰੇਸ਼ਨ ਆਫ ਇੰਡੀਆ ਵੱਲੋਂ ਪੈਰਾਲੰਪਿਕ ਕਮੇਟੀ ਆਫ ਇੰਡੀਆ ਅਤੇ ਗੁਜਰਾਤ ਸਰਕਾਰ ਦੇ ਸਹਿਯੋਗ ਨਾਲ ਪ੍ਰਧਾਨ ਜਸਪ੍ਰੀਤ ਸਿੰਘ ਧਾਲੀਵਾਲ ਅਤੇ ਚੇਅਰਮੈਨ ਅਸ਼ੋਕ ਬੇਦੀ ਦੀ ਅਗਵਾਈ ਹੇਠ 10ਵੀਂ ਬੋਸ਼ੀਆ ਸਬ-ਜੂਨੀਅਰ, ਜੂਨੀਅਰ ਅਤੇ ਸੀਨੀਅਰ ਨੈਸ਼ਨਲ ਚੈਂਪੀਅਨਸ਼ਿਪ 2025-26 ਸਫ਼ਲਤਾ ਪੂਰਵਕ ਕਾਰਵਾਈ ਗਈ।

ਬੋਸ਼ੀਆ ਇੰਡੀਆ ਦੇ ਮੀਡੀਆ ਇੰਚਾਰਜ ਪ੍ਰਮੋਦ ਧੀਰ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਹ ਚੈਂਪੀਅਨਸ਼ਿਪ ਵੀਰ ਸਾਵਰਕਰ ਸਪੋਰਟਸ ਕੰਪਲੈਕਸ, ਅਹਿਮਦਾਬਾਦ, ਗੁਜਰਾਤ - ਵਿਖੇ 14 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੇ ਮੁੰਡਿਆਂ ਅਤੇ ਕੁੜੀਆਂ ਲਈ ਆਯੋਜਿਤ ਕੀਤੀ ਗਈ ਜਿਸ ਵਿੱਚ 27 ਜਨਵਰੀ 2026 ਨੂੰ ਉਪਕਰਣਾਂ ਦੀ ਜਾਂਚ, ਨਵੇਂ ਖਿਡਾਰੀਆਂ ਦਾ ਵਰਗੀਕਰਨ ਅਤੇ ਸਿਖਲਾਈ ਸੈਸ਼ਨ ਚਲਾਇਆ ਗਿਆ।28 ਜਨਵਰੀ 2026 ਨੂੰ ਸ਼ਾਨਦਾਰ ਉਦਘਾਟਨੀ ਸਮਾਰੋਹ ਕਰਵਾ ਕੇ ਮੈਚ ਸ਼ੁਰੂ ਕਰਵਾਏ ਗਏ।

ਬੀਤੀ ਸ਼ਾਮ ਨੂੰ ਨੈਸ਼ਨਲ ਚੈਂਪੀਅਨਸ਼ਿਪ ਦੇ ਸਮਾਪਤੀ ਸਮਾਰੋਹ ਮੌਕੇ ਜੇਤੂ ਖਿਡਾਰੀਆਂ ਨੂੰ ਮੈਡਲ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਬੋਸੀਆ ਇੰਡੀਆ ਦੇ ਜਨਰਲ ਸਕੱਤਰ ਸ਼ਮਿੰਦਰ ਸਿੰਘ ਢਿੱਲੋਂ ਅਤੇ ਕੋਚ ਦਵਿੰਦਰ ਸਿੰਘ ਟਫੀ ਬਰਾੜ ਨੇ ਦੱਸਿਆ ਕਿ ਇਸ ਨੈਸ਼ਨਲ ਚੈਂਪੀਅਨਸ਼ਿਪ ਵਿੱਚ ਪੂਰੇ ਭਾਰਤ ਦੇ ਵੱਖ-ਵੱਖ ਰਾਜਾਂ ਤੋਂ ਲਗਭਗ 350 ਬੋਸ਼ੀਆ ਖਿਡਾਰੀ ਭਾਗ ਲੈਣ ਲਈ ਪਹੁੰਚੇ ਹੋਏ ਸਨ। ਇਸ ਨੈਸ਼ਨਲ ਚੈਂਪੀਅਨਸ਼ਿਪ ਦੇ ਜੇਤੂ ਖਿਡਾਰੀਆਂ ਦੀ ਅੱਗੇ ਅੰਤਰਰਾਸ਼ਟਰੀ ਪੱਧਰ ਤੇ ਹੋਣ ਵਾਲੀਆਂ ਬੋਸ਼ੀਆ ਚੈਂਪੀਅਨਸ਼ਿਪਸ ਵਿੱਚ ਚੋਣ ਕੀਤੀ ਜਾਵੇਗੀ। ਇਸ ਚੈਂਪੀਅਨਸ਼ਿਪ ਵਿੱਚ ਬੀਸੀ-3 ਮੇਲ ਕੈਟਾਗਰੀ ਵਿੱਚੋਂ ਸਚਿਨ ਚਾਮਰੀਆ ਅਸਾਮ ਨੇ ਗੋਲਡ ਮੈਡਲ, ਅਜਿਆ ਰਾਜ ਚੰਡੀਗੜ ਨੇ ਸਿਲਵਰ ਮੈਡਲ, ਅਸ਼ੋਕ ਕੁਮਾਰ ਹਰਿਆਣਾ ਨੇ ਬਰੋਂਨਜ਼ ਮੈਡਲ ਜਿੱਤਿਆ ਅਤੇ ਬੀਸੀ-3 ਫੀਮੇਲ ਕੈਟਾਗਰੀ ਵਿੱਚੋਂ ਅੰਜਲੀ ਦੇਵੀ ਹਿਮਾਚਲ ਪ੍ਰਦੇਸ਼ ਨੇ ਗੋਲਡ ਮੈਡਲ, ਸਰਿਤਾ ਯੂ.ਪੀ ਨੇ ਸਿਲਵਰ ਮੈਡਲ ਤੇ ਅੰਨਸੀਆ ਤਾਮਿਲ ਨਾਇਡੂ ਨੇ ਬਰੋਨਜ਼ ਮੈਡਲ ਜਿੱਤਿਆ।  

ਇਸੇ ਤਰਾਂ ਬੀ.ਸੀ 4 ਕੈਟਾਗਰੀ ਵਿੱਚੋਂ ਜਤਿਨ ਕੁਮਾਰ ਖੁਸ਼ਵਾਹ ਨੇ ਗੋਲਡ ਮੈਡਲ, ਰਮੇਸ਼ ਕੁਮਾਰ ਰਾਜਸਥਾਨ ਨੇ ਸਿਲਵਰ ਮੈਡਲ ਤੇ ਕੇਸ਼ਵਾ ਐਮ ਕਰਨਾਟਕਾ ਨੇ ਤਾਂਬੇ ਦਾ ਮੈਡਲ ਜਿੱਤਿਆ ਅਤੇ ਬੀ.ਸੀ 4 ਫੀ ਮੇਲ ਕੈਟੇਗਰੀ ਵਿੱਚੋਂ ਊਸ਼ਾ ਕਿਰਨ ਤੇਲੰਗਾਨਾ ਨੇ ਗੋਲਡ ਮੈਡਲ, ਪੂਜਾ ਗੁਪਤਾ ਹਰਿਆਣਾ ਨੇ ਸਿਲਵਰ ਮੈਡਲ ਤੇ ਦਮਾਯੰਤੀ ਓਝਾ ਓੜੀਸਾ ਨੇ ਤਾਂਬੇ ਦਾ ਮੈਡਲ ਜਿੱਤਿਆ। ਇਸ ਟੂਰਨਾਮੈਂਟ ਨੂੰ ਸਫਲ ਬਣਾਉਣ ਲਈ ਟਾਈਮ ਕੋਚ ਜਗਰੂਪ ਸਿੰਘ ਸੂਬਾ ਬਰਾੜ, ਗੁਰਪ੍ਰੀਤ ਸਿੰਘ ਧਾਲੀਵਾਲ, ਅਮਨਦੀਪ ਸਿੰਘ, ਸੁਖਜਿੰਦਰ ਸਿੰਘ, ਕੁਲਦੀਪ ਸਿੰਘ, ਜਸਵਿੰਦਰ ਸਿੰਘ ਢਿੱਲੋਂ, ਜੋਬਨਦੀਪ ਸਿੰਘ, ਖੁਸ਼ਦੀਪ ਸਿੰਘ ਆਦਿ ਨੇ ਆਪਣੀਆਂ ਸਵਾਵਾਂ ਬਾਖੂਬੀ ਨਿਭਾਈਆਂ।