ਬੱਚਿਆਂ ਨੂੰ Cartoon ਇੰਨੇ ਜ਼ਿਆਦਾ ਕਿਉਂ ਪਸੰਦ ਆਉਂਦੇ ਹਨ? ਜਾਣੋ ਇਸ ਦੇ ਪਿੱਛੇ ਦਾ ਦਿਲਚਸਪ ਵਿਗਿਆਨ

ਨੈਸ਼ਨਲ ਡੈਸਕ : ਹਰ ਘਰ 'ਚ ਮਾਪੇ ਅਕਸਰ ਇਸ ਗੱਲ ਨੂੰ ਲੈ ਕੇ ਹੈਰਾਨ ਰਹਿੰਦੇ ਹਨ ਕਿ ਉਨ੍ਹਾਂ ਦੇ ਬੱਚੇ ਘੰਟਿਆਂਬੱਧੀ ਟੀਵੀ ਜਾਂ ਮੋਬਾਈਲ 'ਤੇ ਕਾਰਟੂਨ ਕਿਵੇਂ ਦੇਖਦੇ ਰਹਿੰਦੇ ਹਨ। ਬੱਚਿਆਂ ਨੂੰ ਖੇਡਾਂ, ਫਿਲਮਾਂ ਜਾਂ ਸੀਰੀਅਲਾਂ ਦੇ ਮੁਕਾਬਲੇ ਕਾਰਟੂਨ ਕਿਉਂ ਇੰਨੇ ਪਿਆਰੇ ਲੱਗਦੇ ਹਨ, ਇਸ ਦਾ ਜਵਾਬ ਹੁਣ ਵਿਗਿਆਨ ਨੇ ਲੱਭ ਲਿਆ ਹੈ। 'ਮਲੇਸ਼ੀਅਨ ਔਨਲਾਈਨ ਜਰਨਲ ਆਫ਼ ਐਜੂਕੇਸ਼ਨਲ ਟੈਕਨਾਲੋਜੀ' ਵਿੱਚ ਪ੍ਰਕਾਸ਼ਿਤ ਇੱਕ ਰਿਪੋਰਟ ਅਨੁਸਾਰ, ਕਾਰਟੂਨਾਂ ਨੂੰ ਖਾਸ ਤੌਰ 'ਤੇ ਬੱਚਿਆਂ ਦੇ ਵਿਕਾਸਸ਼ੀਲ ਦਿਮਾਗ ਨੂੰ ਆਪਣੇ ਵੱਲ ਖਿੱਚਣ ਲਈ ਹੀ ਡਿਜ਼ਾਈਨ ਕੀਤਾ ਜਾਂਦਾ ਹੈ।

ਕਲਪਨਾ ਅਤੇ ਹਕੀਕਤ ਦਾ ਸੁਮੇਲ 
ਖੋਜਕਰਤਾਵਾਂ ਤੇ ਮਨੋਵਿਗਿਆਨੀਆਂ ਅਨੁਸਾਰ 5 ਸਾਲ ਤੱਕ ਦੀ ਉਮਰ ਦੇ ਬੱਚੇ ਕਲਪਨਾ ਅਤੇ ਹਕੀਕਤ ਦੇ ਵਿਚਕਾਰ ਬਹੁਤਾ ਫਰਕ ਨਹੀਂ ਕਰ ਸਕਦੇ। ਉਨ੍ਹਾਂ ਨੂੰ ਜਾਦੂ ਅਤੇ ਬੋਲਣ ਵਾਲੇ ਜਾਨਵਰ ਬਿਲਕੁਲ ਸੱਚ ਲੱਗਦੇ ਹਨ। ਕਾਰਟੂਨ ਉਨ੍ਹਾਂ ਦੀ ਇਸ ਕਲਪਨਾ ਨੂੰ ਪਰਦੇ 'ਤੇ ਸਾਕਾਰ ਰੂਪ ਵਿੱਚ ਪੇਸ਼ ਕਰਦੇ ਹਨ, ਜੋ ਉਨ੍ਹਾਂ ਦੇ ਮਨ ਨੂੰ ਬਹੁਤ ਭਾਉਂਦਾ ਹੈ।

ਕਾਰਟੂਨਾਂ ਵਿੱਚ ਮਿਲਦੀ ਹੈ ਨਿਯਮਾਂ ਤੋਂ ਆਜ਼ਾਦੀ
 ਬੱਚਿਆਂ ਦੇ ਕਾਰਟੂਨਾਂ ਪ੍ਰਤੀ ਖਿੱਚ ਦਾ ਇੱਕ ਵੱਡਾ ਕਾਰਨ 'ਆਜ਼ਾਦੀ' ਵੀ ਹੈ। ਅਸਲ ਜ਼ਿੰਦਗੀ ਵਿੱਚ ਬੱਚਿਆਂ ਦਾ ਟਾਈਮ ਟੇਬਲ ਅਤੇ ਨਿਯਮ ਵੱਡਿਆਂ ਦੁਆਰਾ ਤੈਅ ਕੀਤੇ ਜਾਂਦੇ ਹਨ, ਪਰ ਕਾਰਟੂਨਾਂ ਦੀ ਦੁਨੀਆ ਵਿੱਚ ਅਕਸਰ ਬੱਚੇ ਜਾਂ ਜਾਨਵਰ ਹੀ ਭਾਰੂ ਹੁੰਦੇ ਹਨ। ਇਹ ਪਾਤਰ ਸਮਾਜ ਅਤੇ ਭੌਤਿਕ ਵਿਗਿਆਨ (physics) ਦੇ ਨਿਯਮਾਂ ਨੂੰ ਤੋੜਦੇ ਹੋਏ ਦਿਖਾਏ ਜਾਂਦੇ ਹਨ, ਜੋ ਬੱਚਿਆਂ ਨੂੰ ਕਾਫੀ ਆਕਰਸ਼ਿਤ ਕਰਦਾ ਹੈ। ਇਸ ਤਰ੍ਹਾਂ, ਰੰਗਾਂ, ਆਵਾਜ਼ਾਂ ਅਤੇ ਕਲਪਨਾ ਦਾ ਇਹ ਸੁਮੇਲ ਬੱਚਿਆਂ ਦੇ ਦਿਮਾਗ 'ਤੇ ਡੂੰਘਾ ਪ੍ਰਭਾਵ ਪਾਉਂਦਾ ਹੈ, ਜਿਸ ਕਾਰਨ ਉਹ ਹੋਰ ਕਿਸੇ ਵੀ ਪ੍ਰੋਗਰਾਮ ਨਾਲੋਂ ਕਾਰਟੂਨ ਦੇਖਣਾ ਜ਼ਿਆਦਾ ਪਸੰਦ ਕਰਦੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e