ਘਰ ਨੂੰ ਬਸ ਸਜਾਉਣਾ ਹੀ ਕਾਫ਼ੀ ਨਹੀਂ, ਸਕਾਰਾਤਮਕ ਤਰੀਕੇ ਨਾਲ ਡਿਜ਼ਾਈਨ ਕਰਨਾ ਵੀ ਜ਼ਰੂਰੀ

ਵੈੱਬ ਡੈਸਕ- ਸੋਚੋ, ਕੀ ਤੁਸੀਂ ਕਦੇ ਕਿਸੇ ਅਜਿਹੇ ਘਰ ’ਚ ਕਦਮ ਰੱਖਿਆ ਹੈ, ਜਿੱਥੇ ਜਾਂਦੇ ਹੀ ਤੁਹਾਨੂੰ ਇਕ ਵੱਖਰਾ ਸਕੂਨ ਮਿਲਦਾ ਹੋਵੇ? ਅਜਿਹਾ ਲੱਗਦਾ ਹੈ ਜਿਵੇਂ ਘਰ ਤੁਹਾਨੂੰ ਗਲੇ ਲਗਾ ਰਿਹਾ ਹੋਵੇ। ਅਤੇ ਕੁਝ ਘਰ ਅਜਿਹੇ ਵੀ ਹੁੰਦੇ ਹਨ, ਜਿੱਥੇ ਸਭ ਕੁਝ ਸੁੰਦਰ ਹੋਣ ਦੇ ਬਾਅਦ ਵੀ ਇਕ ਅਜੀਬ ਜਿਹੀ ਬੇਚੈਨੀ ਜਾਂ ਭਾਰੀਪਨ ਮਹਿਸੂਸ ਹੁੰਦਾ ਹੈ। ਹੈ ਨਾ ? ਇਹ ਕੋਈ ਜਾਦੂ ਨਹੀਂ ਹੈ। ਇਹ ਸਿਰਫ ਇੰਨਾ ਹੈ ਕਿ ਤੁਹਾਡਾ ਘਰ ਸਿਰਫ਼ ਇੱਟ ਅਤੇ ਸੀਮੈਂਟ ਦਾ ਢੇਰ ਨਹੀਂ ਸਗੋਂ ਤੁਹਾਡੀ ਊਰਜਾ ਦਾ ਇਕ ਜੀਵਤ ਦਰਪਣ ਹੈ।

ਵਸਤੂ ਅਤੇ ਡਿਜ਼ਾਈਨ ਦੇ ਨਿਯਮ ਸਾਨੂੰ ਇਹੀ ਸਿਖਾਉਂਦੇ ਹਨ ਕਿ ਅਸੀਂ ਆਪਣੇ ਘਰ ਨੂੰ ਸਿਰਫ ਸਜਾਓ ਨਹੀਂ, ਸਗੋਂ ਉਸ ਸਕਾਰਾਤਮਕ ਇਰਾਦੇ ਦੇ ਨਾਲ ਡਿਜ਼ਾਈਨ ਕਰੀਏ। ਜਦੋਂ ਤੁਸੀਂ ਅਜਿਹਾ ਕਰਦੇ ਹੋ, ਤਾਂ ਤੁਹਾਡਾ ਘਰ ਤੁਹਾਡੀ ਖੁਸ਼ੀਆਂ, ਸਿਹਤ ਅਤੇ ਸਫ਼ਲਤਾ ਦੇ ਲਈ ਇਕ ਪਾਵਰ ਹਾਊਸ ਬਣ ਜਾਂਦਾ ਹੈ।

ਆਓ, ਇਸ ਜਾਦੂਈ ਸਫ਼ਰ ’ਤੇ ਚੱਲਦੇ ਹਾਂ ਅਤੇ ਦੇਖਦੇ ਹਾਂ ਕਿ ਕਿਵੇਂ ਛੋਟੇ-ਛੋਟੇ ਬਦਲਾਵਾਂ ਨਾਲ ਤੁਹਾਡਾ ਘਰ ਤੁਹਾਡੀ ਊਰਜਾ ਨੂੰ ਸੁਣਨਾ ਸ਼ੁਰੂ ਕਰ ਦਿੰਦਾ ਹੈ।

ਮੁੱਖ ਦੁਆਰ : ਮੌਕਿਆਂ ਦਾ ਸਵਾਗਤ

ਤੁਹਾਡਾ ਮੁੱਖ ਦੁਆਰ ਸਿਰਫ਼ ਆਉਣ-ਜਾਣ ਦਾ ਰਸਤਾ ਨਹੀਂ, ਇਹ ਤੁਹਾਡੇ ਜੀਵਨ ’ਚ ਪਾਜ਼ੇਟੀਵਿਟੀ ਅਤੇ ਮੌਕਿਆਂ ਦਾ ਪ੍ਰਵੇਸ਼ ਦੁਆਰ ਹੈ। ਇਸ ਨੂੰ ਸਭ ਤੋਂ ਜ਼ਿਆਦਾ ਸਨਮਾਨ ਅਤੇ ਧਿਆਨ ਚਾਹੀਦਾ।

ਸੁਝਾਅ : ਨੇਮਪਲੇਟ ਦੀ ਸ਼ਕਤੀ

ਆਪਣੀ ਨੇਪਲੇਟ ’ਤੇ ਸਿਰਫ ਨਾਂ ਨਾ ਲਿਖੋ, ਸਗੋਂ ਇਕ ਸਕਾਰਾਤਮਕ ਭਾਵ ਜੋੜੋ। ਜਿਵੇਂ ‘ਖੁਸ਼ੀਆਂ ਦਾ ਆਸ਼ੀਆਨਾ’ ਜਾਂ ‘ਸ਼ਾਂਤੀ ਨਿਵਾਸ’। ਨੇਮਪਲੇਟ ਹਮੇਸ਼ਾ ਸਾਫ਼ ਅਤੇ ਪ੍ਰਕਾਸ਼ਿਤ ਰਹਿਣੀ ਚਾਹੀਦੀ, ਖਾਸ ਕਰ ਸ਼ਾਮ ਦੇ ਸਮੇਂ। ਰੰਗਾਂ ਦਾ ਚੋਣ ਪ੍ਰਵੇਸ਼ ਦੁਆਰ ’ਤੇ ਡੂੰਘੇ, ਉਦਾਸ ਰੰਗਾਂ ਦੀ ਬਜਾਏ ਕ੍ਰੀਮ, ਹਲਕੇ ਪੀਲੇ ਜਾਂ ਹਲਕੇ ਭੂਰੇ ਵਰਗੇ ਸ਼ਾਂਤ ਅਤੇ ਸਵਾਗਤ ਭਰੇ ਰੰਗਾਂ ਦਾ ਇਸਤੇਮਾਲ ਕਰੋ।

ਬ੍ਰਹਮਸਥਾਨ : ਘਰ ਦਾ ਦਿਲ, ਖੁੱਲ੍ਹਾ ਅਤੇ ਆਜ਼ਾਦ

ਵਾਸਤੂ ’ਚ, ਘਰ ਦਾ ਠੀਕ ਵਿਚਕਾਰ ਦਾ ਹਿੱਸਾ (ਸੈਂਟਰ ਪੁਆਇੰਟ) ਬ੍ਰਹਮਸਥਾਨ ਕਹਿਲਾਉਂਦਾ ਹੈ। ਇਸ ਨੂੰ ਘਰ ਦਾ ‘ਦਿਲ’ ਸਮਝੋ। ਜੇਕਰ ਦਿਲ ’ਤੇ ਬੋਝ ਹੋਵੇਗਾ, ਤਾਂ ਬਾਕੀ ਸਰੀਰ ਕਿਵੇਂ ਕੰਮ ਕਰੇਗਾ?

ਸੁਝਾਅ : ਹਵਾ ਨੂੰ ਵਗਣ ਦਿਓ

ਇਸ ਹਿੱਸੇ ਭਾਰੀ ਫਰਨੀਚਰ, ਵੱਡੀ ਅਲਮਾਰੀ ਜਾਂ ਪੌੜੀਆਂ ਨਹੀਂ ਹੋਣੀਆਂ ਚਾਹੀਦੀਆਂ। ਜੇਕਰ ਇਹ ਲਿਵਿੰਗ ਰੂਮ ’ਚ ਪੈਂਦਾ ਹੈ, ਤਾਂ ਇਸ ਨੂੰ ਜਿੰਨਾ ਹੋ ਸਕੇ ਖੁੱਲਾ ਰੱਖੋ, ਤਾਂ ਕਿ ਊਰਜਾ ਦਾ ਪ੍ਰਵਾਹ ਬਣਿਆ ਰਹੇ। 
ਰੌਸ਼ਨੀ ਤੋਂ ਊਰਜਾ: ਬ੍ਰਹਮਾਸਥਾਨ 'ਚ ਹਮੇਸ਼ਾ ਲੋੜੀਂਦੀ ਰੋਸ਼ਨੀ ਹੋਣੀ ਚਾਹੀਦੀ ਹੈ। ਜੇਕਰ ਇੱਥੇ ਕੋਈ ਖਿੜਕੀ ਨਹੀਂ ਹੈ, ਤਾਂ ਇਕ ਸੁੰਦਰ ਸੀਲਿੰਗ ਲਾਈਟ ਜਾਂ ਕਲਾਕ੍ਰਿਤੀ ਲਗਾਓ, ਜੋ ਪ੍ਰਕਾਸ਼ ਨੂੰ ਪੂਰੇ ਘਰ ’ਚ ਫੈਲਾਏ। 

ਸੰਤੁਲਨ ਬਣਾਈ ਰੱਖੋ : ਬ੍ਰਹਮਸਥਾਨ ’ਚ ਪਾਣੀ ਨਾਲ ਜੁੜੀਆਂ ਚੀਜ਼ਾਂ (ਜਿਵੇਂ ਫੁਹਾਰਾ) ਰੱਖਣ ਤੋਂ ਬਚੋ। ਇਹ ਸੈਂਟਰ ਹੈ ਅਤੇ ਇੱਥੇ ਸਥਿਰਤਾ ਚਾਹੀਦੀ ਹੈ।

‘ਇਮੋਸ਼ਨਲ ਕਾਰਨਰ’ ਰਿਸ਼ਤਿਆਂ ਦੀ ਗਰਮਾਹਟ

ਤੁਹਾਡੇ ਘਰ ਦਾ ਦੱਖਣੀ-ਪੱਛਮੀ (ਸਾਊਥ-ਵੈਸਟ) ਕੋਨਾ ਰਿਸ਼ਤਿਆਂ, ਸਥਿਰਤਾ ਅਤੇ ਸੁਰੱਖਿਆ ਦਾ ਪ੍ਰਤੀਕ ਹੈ। ਇਸ ਨੂੰ ‘ਇਮੋਸ਼ਨਲ ਕਾਰਨਰ’ ਕਹਿੰਦੇ ਹਨ। ਜੇਕਰ ਇਸ ਕੋਨੇ ’ਚ ਗੜਬੜੀ ਹੈ, ਤਾਂ ਰਿਸ਼ਤਿਆਂ ’ਚ ਤਣਾਅ ਆ ਸਕਦਾ ਹੈ।

ਸੁਝਾਅ : ਰਿਸ਼ਤਿਆਂ ਦੀ ਤਸਵੀਰ

ਇਸ ਕੋਨੇ ’ਚ ਕਦੇ ਵੀ ਇਕੱਲੇ ਵਿਅਕਤੀ ਦੀ ਤਸਵੀਰ ਨਾ ਲਗਾਓ। ਹਮੇਸ਼ਾ ਜੋੜੇ ’ਚ (ਜਿਵੇਂ ਪਤੀ-ਪਤਨੀ ਜਾਂ ਹੱਸਦਾ ਹੋਇਆ ਪੂਰਾ ਪਰਿਵਾਰ) ਦੀ ਫੋਟੋ ਲਗਾਓ, ਜਿਸ ਨੂੰ ਦੱਖਣ-ਪੱਛਮੀ ਕੋਨੇ ਦੀ ਦੀਵਾਰ ’ਤੇ ਲਗਾ ਸਕਦੇ ਹਨ। ਇਸ ਨਾਲ ਰਿਸ਼ਤੇ ’ਚ ਗਰਮਾਹਟ ਅਤੇ ਮਜ਼ਬੂਤੀ ਆਉਂਦੀ ਹੈ।

-ਰਕਸ਼ਾ ਸੇਠੀ, ਇੰਟੀਰੀਅਰ ਡਿਜ਼ਾਈਨਰ