ਵੈੱਬ ਡੈਸਕ - ਅੱਜ-ਕੱਲ੍ਹ ਦੇ ਗ਼ਲਤ ਖਾਣ-ਪੀਣ, ਪ੍ਰਦੂਸ਼ਣ ਅਤੇ ਤਣਾਅ ਭਰੀ ਜ਼ਿੰਦਗੀ ਕਾਰਨ ਵਾਲਾਂ ਦਾ ਝੜਨਾ, ਰੁੱਖਾਪਨ ਅਤੇ ਡੈਂਡਰਫ (ਸਿਕਰੀ) ਇਕ ਆਮ ਸਮੱਸਿਆ ਬਣ ਚੁੱਕੀ ਹੈ। ਲੋਕ ਵਾਲਾਂ ਨੂੰ ਸੁੰਦਰ ਬਣਾਉਣ ਲਈ ਮਹਿੰਗੇ-ਮਹਿੰਗੇ ਕੈਮੀਕਲ ਪ੍ਰੋਡਕਟਸ ਅਤੇ ਹੇਅਰ ਸਪਾ 'ਤੇ ਹਜ਼ਾਰਾਂ ਰੁਪਏ ਖਰਚ ਕਰਦੇ ਹਨ, ਪਰ ਇਨ੍ਹਾਂ ਦਾ ਅਸਰ ਕੁਝ ਦਿਨਾਂ ਬਾਅਦ ਖ਼ਤਮ ਹੋ ਜਾਂਦਾ ਹੈ। ਅਜਿਹੇ 'ਚ ਸਾਡੀ ਰਸੋਈ 'ਚ ਮੌਜੂਦ 'ਆਂਡਾ' ਤੁਹਾਡੇ ਵਾਲਾਂ ਲਈ ਇਕ ਰਾਮਬਾਣ ਇਲਾਜ ਸਾਬਤ ਹੋ ਸਕਦਾ ਹੈ। ਆਓ ਜਾਣਦੇ ਹਾਂ ਵਾਲਾਂ 'ਚ ਆਂਡਾ ਲਗਾਉਣ ਦੇ ਬੇਮਿਸਾਲ ਫਾਇਦੇ ਅਤੇ ਇਸ ਦੀ ਵਰਤੋਂ ਦਾ ਸਹੀ ਤਰੀਕਾ।

ਵਾਲਾਂ 'ਚ ਆਂਡਾ ਲਗਾਉਣ ਦੇ ਮੁੱਖ ਫਾਇਦੇ :-

ਵਾਲਾਂ ਨੂੰ ਮਿਲਦਾ ਹੈ ਭਰਪੂਰ ਪ੍ਰੋਟੀਨ
- ਸਾਡੇ ਵਾਲ Keratin ਨਾਮਕ ਪ੍ਰੋਟੀਨ ਦੇ ਬਣੇ ਹੁੰਦੇ ਹਨ। ਆਂਡੇ 'ਚ ਪ੍ਰੋਟੀਨ ਦੀ ਮਾਤਰਾ ਬਹੁਤ ਜ਼ਿਆਦਾ ਹੁੰਦੀ ਹੈ, ਜੋ ਵਾਲਾਂ ਦੀਆਂ ਜੜ੍ਹਾਂ ਨੂੰ ਮਜ਼ਬੂਤ ਕਰਕੇ ਵਾਲ ਝੜਨ ਦੀ ਸਮੱਸਿਆ ਨੂੰ ਜੜ੍ਹ ਤੋਂ ਖ਼ਤਮ ਕਰਦੀ ਹੈ।

ਕੁਦਰਤੀ ਕੰਡੀਸ਼ਨਰ 
- ਆਂਡੇ ਦਾ ਪੀਲਾ ਹਿੱਸਾ ਫੈਟੀ ਐਸਿਡ ਨਾਲ ਭਰਪੂਰ ਹੁੰਦਾ ਹੈ, ਜੋ ਖੁਸ਼ਕ ਅਤੇ ਬੇਜਾਨ ਵਾਲਾਂ ਨੂੰ ਕੁਦਰਤੀ ਤੌਰ 'ਤੇ ਨਮੀ ਦਿੰਦਾ ਹੈ। ਇਸ ਨਾਲ ਵਾਲ ਰੇਸ਼ਮ ਵਰਗੇ ਚਮਕਦਾਰ ਅਤੇ ਮੁਲਾਇਮ ਹੋ ਜਾਂਦੇ ਹਨ।

ਵਾਲਾਂ ਦਾ ਵਾਧਾ 
- ਆਂਡੇ 'ਚ ਵਿਟਾਮਿਨ A, E, ਬਾਇਓਟਿਨ ਅਤੇ ਫੋਲੇਟ ਵਰਗੇ ਪੋਸ਼ਕ ਤੱਤ ਪਾਏ ਜਾਂਦੇ ਹਨ, ਜੋ ਨਵੇਂ ਵਾਲ ਉਗਾਉਣ ਅਤੇ ਵਾਲਾਂ ਦੀ ਲੰਬਾਈ ਤੇਜ਼ੀ ਨਾਲ ਵਧਾਉਣ 'ਚ ਮਦਦ ਕਰਦੇ ਹਨ।

ਡੈਂਡਰਫ ਤੋਂ ਛੁਟਕਾਰਾ
- ਜੇਕਰ ਆਂਡੇ 'ਚ ਨਿੰਬੂ ਦਾ ਰਸ ਮਿਲਾ ਕੇ ਲਗਾਇਆ ਜਾਵੇ, ਤਾਂ ਇਹ ਸਿਰ ਦੀ ਚਮੜੀ ਨੂੰ ਸਾਫ਼ ਕਰਦਾ ਹੈ ਅਤੇ ਸਿਕਰੀ ਦੇ ਨਾਲ-ਨਾਲ ਖਾਰਸ਼ ਦੀ ਸਮੱਸਿਆ ਨੂੰ ਵੀ ਦੂਰ ਕਰਦਾ ਹੈ।

ਵਾਲਾਂ ਦਾ ਟੁੱਟਣਾ ਹੁੰਦਾ ਹੈ ਘੱਟ
- ਆਂਡਾ ਵਾਲਾਂ ਦੀ ਲਚਕਤਾ ਨੂੰ ਵਧਾਉਂਦਾ ਹੈ, ਜਿਸ ਨਾਲ ਕੰਘੀ ਕਰਦੇ ਸਮੇਂ ਜਾਂ ਨਹਾਉਂਦੇ ਸਮੇਂ ਵਾਲ ਵਿਚਕਾਰੋਂ ਨਹੀਂ ਟੁੱਟਦੇ।

ਵਾਲਾਂ 'ਚ ਆਂਡਾ ਲਗਾਉਣ ਦਾ ਸਹੀ ਤਰੀਕਾ :-

ਨਾਰਮਲ ਵਾਲਾਂ ਲਈ
- ਇਕ ਪੂਰੇ ਆਂਡੇ ਨੂੰ ਚੰਗੀ ਤਰ੍ਹਾਂ ਫੈਂਟ ਲਓ ਅਤੇ ਇਸ 'ਚ ਇਕ ਚਮਚ ਜੈਤੂਨ ਦਾ ਤੇਲ ਜਾਂ ਨਾਰੀਅਲ ਦਾ ਤੇਲ ਮਿਲਾ ਕੇ ਵਾਲਾਂ ਦੀਆਂ ਜੜ੍ਹਾਂ 'ਚ ਲਗਾਓ।

ਖੁਸ਼ਕ ਵਾਲਾਂ ਲਈ
- ਸਿਰਫ਼ ਆਂਡੇ ਦੇ ਪੀਲੇ ਹਿੱਸੇ 'ਚ ਦਹੀਂ ਮਿਲਾ ਕੇ ਹੇਅਰ ਪੈਕ ਤਿਆਰ ਕਰੋ।

ਤੇਲਵੀਂ ਚਮੜੀ ਲਈ
- ਸਿਰਫ਼ ਆਂਡੇ ਦੇ ਚਿੱਟੇ ਹਿੱਸੇ 'ਚ ਨਿੰਬੂ ਦਾ ਰਸ ਮਿਲਾ ਕੇ ਲਗਾਓ।

ਜ਼ਰੂਰੀ ਟਿਪ
- ਇਸ ਪੈਕ ਨੂੰ ਵਾਲਾਂ 'ਚ 20 ਤੋਂ 30 ਮਿੰਟ ਤੱਕ ਲਗਾ ਕੇ ਰੱਖੋ ਅਤੇ ਫਿਰ ਠੰਡੇ ਪਾਣੀ ਅਤੇ ਹਲਕੇ ਸ਼ੈਂਪੂ ਨਾਲ ਵਾਲਾਂ ਨੂੰ ਧੋ ਲਓ। ਯਾਦ ਰੱਖੋ, ਆਂਡਾ ਲਗਾਉਣ ਤੋਂ ਬਾਅਦ ਕਦੇ ਵੀ ਗਰਮ ਪਾਣੀ ਦੀ ਵਰਤੋਂ ਨਾ ਕਰੋ, ਨਹੀਂ ਤਾਂ ਆਂਡਾ ਵਾਲਾਂ 'ਚ ਹੀ ਜੰਮ ਜਾਵੇਗਾ ਅਤੇ ਬਦਬੂ ਆਉਣ ਲੱਗੇਗੀ।