ਕੀ ਤੁਹਾਡਾ ਬੱਚਾ ਵੀ ਗੱਲਾਂ ਲੁਕਾਉਂਦਾ ਹੈ? ਅੱਜ ਰਾਤ ਹੀ ਪੁੱਛੋ ਇਹ 6 ਸਵਾਲ ਤੇ ਦੇਖੋ ਕਮਾਲ

ਨੈਸ਼ਨਲ ਡੈਸਕ : ਬੱਚਿਆਂ ਦੀ ਜ਼ਿੰਦਗੀ ਵਿੱਚ ਮਾਪਿਆਂ ਦੀਆਂ ਗੱਲਾਂ ਤੇ ਉਨ੍ਹਾਂ ਵੱਲੋਂ ਦਿੱਤਾ ਗਿਆ ਸਮਾਂ ਬਹੁਤ ਡੂੰਘਾ ਅਸਰ ਪਾਉਂਦਾ ਹੈ। ਅੱਜ-ਕੱਲ੍ਹ ਦੀ ਭੱਜ-ਦੌੜ ਭਰੀ ਜ਼ਿੰਦਗੀ ਵਿੱਚ ਮਾਪਿਆਂ ਲਈ ਆਪਣੇ ਬੱਚਿਆਂ ਦੀਆਂ ਭਾਵਨਾਵਾਂ ਨੂੰ ਸਮਝਣਾ ਬਹੁਤ ਜ਼ਰੂਰੀ ਹੈ। ਇਸੇ ਵਿਸ਼ੇ 'ਤੇ ਇਕ ਪੈਰੈਂਟਿੰਗ ਕੋਚ ਨੇ ਕੁਝ ਅਹਿਮ ਸੁਝਾਅ ਸਾਂਝੇ ਕੀਤੇ ਹਨ। ਉਨ੍ਹਾਂ ਅਨੁਸਾਰ, ਜੇਕਰ ਮਾਪੇ ਰੋਜ਼ਾਨਾ ਰਾਤ ਨੂੰ ਸੌਣ ਤੋਂ ਪਹਿਲਾਂ ਆਪਣੇ ਬੱਚੇ ਲਈ ਸਿਰਫ਼ 5-10 ਮਿੰਟ ਕੱਢਣ ਅਤੇ ਉਨ੍ਹਾਂ ਤੋਂ 6 ਖਾਸ ਸਵਾਲ ਪੁੱਛਣ, ਤਾਂ ਇਸ ਨਾਲ ਨਾ ਸਿਰਫ਼ ਰਿਸ਼ਤਾ ਮਜ਼ਬੂਤ ਹੁੰਦਾ ਹੈ, ਸਗੋਂ ਬੱਚਾ ਭਾਵਨਾਤਮਕ ਤੌਰ 'ਤੇ ਮਜ਼ਬੂਤ ਅਤੇ ਆਤਮ-ਵਿਸ਼ਵਾਸੀ ਵੀ ਬਣਦਾ ਹੈ।
ਆਓ ਜਾਣਦੇ ਹਾਂ ਉਨ੍ਹਾਂ 6 ਸਵਾਲਾਂ ਬਾਰੇ ਜੋ ਤੁਹਾਡੇ ਬੱਚੇ ਦੀ ਸੋਚ ਬਦਲ ਸਕਦੇ ਹਨ:
1. ਅੱਜ ਤੈਨੂੰ ਸਭ ਤੋਂ ਵੱਧ ਖੁਸ਼ੀ ਕਿਸ ਗੱਲ ਤੋਂ ਮਿਲੀ? 
ਇਹ ਸਵਾਲ ਬੱਚੇ ਨੂੰ ਛੋਟੀਆਂ-ਛੋਟੀਆਂ ਖੁਸ਼ੀਆਂ ਦੀ ਪਛਾਣ ਕਰਨਾ ਸਿਖਾਉਂਦਾ ਹੈ। ਇਸ ਨਾਲ ਬੱਚੇ ਦੀ ਸੋਚ ਸਕਾਰਾਤਮਕ (Positive) ਹੁੰਦੀ ਹੈ ਅਤੇ ਉਹ ਸਮਝਦਾ ਹੈ ਕਿ ਖੁਸ਼ੀ ਸਿਰਫ਼ ਵੱਡੀਆਂ ਚੀਜ਼ਾਂ ਵਿੱਚ ਨਹੀਂ, ਸਗੋਂ ਰੋਜ਼ਾਨਾ ਦੇ ਚੰਗੇ ਅਨੁਭਵਾਂ ਵਿੱਚ ਵੀ ਹੁੰਦੀ ਹੈ।

2. ਕੀ ਅੱਜ ਦਿਨ ਭਰ ਵਿੱਚ ਕੋਈ ਮੁਸ਼ਕਿਲ ਆਈ? ਜੇ ਹਾਂ, ਤਾਂ ਤੂੰ ਉਸ ਨੂੰ ਕਿਵੇਂ ਸੰਭਾਲਿਆ? 
ਇਸ ਰਾਹੀਂ ਬੱਚਾ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਸਿੱਖਦਾ ਹੈ। ਉਸ ਨੂੰ ਅਹਿਸਾਸ ਹੁੰਦਾ ਹੈ ਕਿ ਗਲਤੀ ਕਰਨਾ ਜਾਂ ਮੁਸ਼ਕਿਲ ਆਉਣਾ ਗਲਤ ਨਹੀਂ ਹੈ, ਸਗੋਂ ਉਨ੍ਹਾਂ ਤੋਂ ਸਿੱਖਣਾ ਜ਼ਰੂਰੀ ਹੈ। ਇਹ ਬੱਚੇ ਦੀ ਸਮੱਸਿਆ ਹੱਲ ਕਰਨ ਦੀ ਸਮਰੱਥਾ ਨੂੰ ਵਧਾਉਂਦਾ ਹੈ।

3. ਕੀ ਅੱਜ ਕਿਸੇ ਨੇ ਤੇਰੀ ਮਦਦ ਕੀਤੀ ਜਾਂ ਤੂੰ ਕਿਸੇ ਦੀ ਮਦਦ ਕੀਤੀ? 
ਇਹ ਸਵਾਲ ਬੱਚੇ ਦੇ ਮਨ ਵਿੱਚ ਦਇਆ ਅਤੇ ਹਮਦਰਦੀ ਦੀਆਂ ਭਾਵਨਾਵਾਂ ਜਗਾਉਂਦਾ ਹੈ। ਇਸ ਨਾਲ ਉਹ ਦੂਜਿਆਂ ਦੀ ਮਦਦ ਕਰਨ ਅਤੇ ਧੰਨਵਾਦ ਕਹਿਣ ਦੀ ਮਹੱਤਤਾ ਨੂੰ ਸਮਝਦਾ ਹੈ।

4. ਅੱਜ ਅਜਿਹਾ ਕੀ ਸੀ ਜੋ ਤੈਨੂੰ ਪਸੰਦ ਨਹੀਂ ਆਇਆ? 
ਅਕਸਰ ਬੱਚੇ ਆਪਣੀਆਂ ਨਕਾਰਾਤਮਕ ਭਾਵਨਾਵਾਂ ਨੂੰ ਦਬਾ ਲੈਂਦੇ ਹਨ। ਇਹ ਸਵਾਲ ਉਨ੍ਹਾਂ ਨੂੰ ਬਿਨਾਂ ਕਿਸੇ ਡਰ ਜਾਂ ਦਬਾਅ ਦੇ ਆਪਣੀ ਗੱਲ ਇਮਾਨਦਾਰੀ ਨਾਲ ਕਹਿਣ ਦਾ ਮੌਕਾ ਦਿੰਦਾ ਹੈ।

5. ਅੱਜ ਤੈਨੂੰ ਆਪਣੇ-ਆਪ 'ਤੇ ਕਿਸ ਗੱਲ ਦਾ ਮਾਣ ਮਹਿਸੂਸ ਹੋਇਆ? 
ਇਸ ਨਾਲ ਬੱਚੇ ਦਾ ਆਤਮ-ਸਨਮਾਨ (Self-esteem) ਵਧਦਾ ਹੈ। ਉਹ ਆਪਣੀਆਂ ਚੰਗੀਆਂ ਆਦਤਾਂ ਅਤੇ ਸਫਲਤਾਵਾਂ ਨੂੰ ਪਛਾਣਨਾ ਸਿੱਖਦਾ ਹੈ ਅਤੇ ਖੁਦ ਨੂੰ ਮਹੱਤਵ ਦੇਣਾ ਸ਼ੁਰੂ ਕਰਦਾ ਹੈ।

6. ਕੱਲ੍ਹ ਲਈ ਤੇਰਾ ਕੀ ਪਲਾਨ ਹੈ? ਤੂੰ ਕੱਲ੍ਹ ਕੀ ਚੰਗਾ ਕਰਨਾ ਚਾਹੁੰਦਾ ਹੈਂ? 
ਇਹ ਸਵਾਲ ਬੱਚੇ ਵਿੱਚ ਚੀਜ਼ਾਂ ਨੂੰ ਪਲਾਨ ਕਰਨ ਦੀ ਆਦਤ ਪਾਉਂਦਾ ਹੈ। ਇਸ ਨਾਲ ਉਹ ਆਪਣੀ ਜ਼ਿੰਮੇਵਾਰੀ ਸਮਝਦਾ ਹੈ ਅਤੇ ਆਉਣ ਵਾਲੇ ਦਿਨ ਬਾਰੇ ਸੋਚਣਾ ਸ਼ੁਰੂ ਕਰਦਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e