ਸੁਆਦ ਨੂੰ ਬਰਕਰਾਰ ਰੱਖਣ ਦੇ ਨਾਲ ਸਿਹਤ ਲਈ ਵੀ ਲਾਹੇਵੰਦ ਹੈ ‘ਆਲੂ ਪੋਹਾ’
01/16/2021 1:15:15 PM
ਨਵੀਂ ਦਿੱਲੀ: ਪੋਹਾ ਮਹਾਰਾਸ਼ਟਰ ’ਚ ਸਭ ਤੋਂ ਜ਼ਿਆਦਾ ਖਾਧਾ ਜਾਂਦਾ ਹੈ। ਇਹ ਖਾਣ ’ਚ ਸੁਆਦ ਹੋਣ ਦੇ ਨਾਲ ਸਿਹਤ ਲਈ ਵੀ ਫ਼ਾਇਦੇਮੰਦ ਹੁੰਦਾ ਹੈ। ਖ਼ਾਸ ਤੌਰ ’ਤੇ ਨਾਸ਼ਤੇ ’ਚ ਇਸ ਨੂੰ ਖਾਣਾ ਬਿਹਤਰ ਮੰਨਿਆ ਜਾਂਦਾ ਹੈ। ਚੱਲੋ ਅੱਜ ਅਸੀਂ ਤੁਹਾਨੂੰ ਆਲੂ ਪੋਹਾ ਬਣਾਉਣ ਦੀ ਰੈਸਿਪੀ ਦੱਸਦੇ ਹਾਂ।
ਇਹ ਵੀ ਪੜ੍ਹੋ:Beauty Tips: ਟਮਾਟਰ ਵੀ ਬਣਾਉਂਦੈ ਤੁਹਾਡੇ ਚਿਹਰੇ ਨੂੰ ਚਮਕਦਾਰ, ਇੰਝ ਕਰੋ ਵਰਤੋਂ
ਸਮੱਗਰੀ
ਮੋਟਾ ਪੋਹਾ-2 ਕੱਪ
ਉਬਲੇ ਆਲੂ-1/2 ਕੱਪ (ਛਿੱਲੇ ਅਤੇ ਕੱਟੇ ਹੋਏ)
ਸਰੋ੍ਹਂ-1/2 ਛੋਟਾ ਚਮਚਾ
ਹਿੰਗ-1/2 ਛੋਟਾ ਚਮਚਾ
ਗੰਢੇ-1/2 ਕੱਪ (ਬਾਰੀਕ ਕੱਟੇ ਹੋਏ)
ਹਲਦੀ ਪਾਊਡਰ-3/4 ਛੋਟਾ ਚਮਚਾ
ਅਦਰਕ-ਹਰੀ ਮਿਰਚ ਦਾ ਪੇਸਟ-1 ਛੋਟਾ ਚਮਚਾ
ਸ਼ੱਕਰ- 1 ਵੱਡਾ ਚਮਚਾ
ਨਿੰਬੂ ਦਾ ਰਸ-2 ਛੋਟੇ ਚਮਚੇ
ਦੁੱਧ-1 ਵੱਡਾ ਚਮਚਾ
ਲੂਣ ਲੋੜ ਅਨੁਸਾਰ
ਤੇਲ-2 ਵੱਡੇ ਚਮਚੇ
ਪਾਣੀ ਲੋੜ ਅਨੁਸਾਰ
ਇਹ ਵੀ ਪੜ੍ਹੋ:Cooking Tips :ਘਰ ਦੀ ਰਸੋਈ ’ਚ ਇੰਝ ਬਣਾਓ ਛੋਲਿਆਂ ਦੀ ਦਾਲ ਦੀ ਖ਼ਿਚੜੀ
ਗਾਰਨਿਸ਼ ਲਈ
ਨਿੰਬੂ-1
ਧਨੀਆ-1 ਵੱਡਾ ਚਮਚਾ (ਬਾਰੀਕ ਕੱਟਿਆ ਹੋਇਆ)
ਬਣਾਉਣ ਦਾ ਤਰੀਕਾ
1. ਸਭ ਤੋਂ ਪਹਿਲਾਂ ਪੋਹੇ ਨੂੰ ਧੋ ਕੇ ਛਾਣਨੀ ’ਚ ਫੈਲਾ ਕੇ 10 ਮਿੰਟ ਤੱਕ ਰੱਖੋ।
2. ਹੁਣ ਪੈਨ ’ਚ ਤੇਲ ਗਰਮ ਕਰਕੇ ਸਰੋ੍ਹਂ ਅਤੇ ਹਿੰਗ ਭੁੰਨੋ।
3. ਫਿਰ ਇਸ ’ਚ ਗੰਢੇ ਭੂਰੇ ਹੋਣ ਤੱਕ ਭੁੰਨ ਲਓ।
4. ਹੁਣ ਅਦਰਕ-ਹਰੀ ਮਿਰਚ ਪੇਸਟ, ਆਲੂ, ਲੂਣ, ਹਲਦੀ, ਪਾਣੀ ਪਾ ਕੇ 3-5 ਮਿੰਟ ਤੱਕ ਪਕਾਓ।
5. ਹੁਣ ਇਸ ’ਚ ਪੋਹਾ, ਸ਼ੱਕਰ, ਦੁੱਧ, ਨਿੰਬੂ ਦਾ ਰਸ ਪਾ ਕੇ 2 ਮਿੰਟ ਤੱਕ ਹੌਲੀ ਅੱਗ ’ਤੇ ਪਕਾਓ।
6. ਹੁਣ ਇਸ ਨੂੰ ਖਾਣ ਲਈ ਪਲੇਟ ’ਚ ਕੱਢ ਕੇ ਧਨੀਏ ਨਾਲ ਗਾਰਨਿਸ਼ ਕਰੋ।
7. ਲਓ ਜੀ ਤੁਹਾਡੇ ਖਾਣ ਲਈ ਆਲੂ ਪੋਹਾ ਬਣ ਕੇ ਤਿਆਰ ਹੈ।
ਨੋਟ: ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਬਾਕਸ ’ਚ ਦਿਓ।