ਥਾਈਲੈਂਡ ''ਚ ਅੱਜ ਹੋਵੇਗੀ ਵਿਸ਼ਵ ਹਿੰਦੂ ਸੰਮੇਲਨ, ਸੰਘ ਮੁਖੀ ਮੋਹਨ ਭਾਗਵਤ ਕਰਨਗੇ ਉਦਘਾਟਨ

ਬੈਂਕਾਕ (ਭਾਸ਼ਾ) - ਰਾਸ਼ਟਰੀ ਸਵੈਮ ਸੇਵਕ ਸੰਘ (ਆਰ.ਐੱਸ.ਐੱਸ.) ਦੇ ਮੁਖੀ ਮੋਹਨ ਭਾਗਵਤ ਸ਼ੁੱਕਰਵਾਰ ਨੂੰ ਯਾਨੀ ਅੱਜ ਥਾਈਲੈਂਡ ਦੀ ਰਾਜਧਾਨੀ 'ਚ ਵਿਸ਼ਵ ਹਿੰਦੂ ਸੰਮੇਲਨ ਦਾ ਉਦਘਾਟਨ ਕਰਨਗੇ। ਇਸ ਦੌਰਾਨ ਚਿੰਤਕ, ਕਾਰਕੁਨ ਅਤੇ ਆਗੂ ਦੁਨੀਆ ਭਰ ਦੇ ਹਿੰਦੂਆਂ ਨਾਲ ਦਰਪੇਸ਼ ਚੁਣੌਤੀਆਂ ਅਤੇ ਉਨ੍ਹਾਂ ਨਾਲ ਜੁੜੇ ਮੁੱਦਿਆਂ 'ਤੇ ਚਰਚਾ ਕੀਤੀ ਜਾਵੇਗੀ। ਚਾਰ ਸਾਲਾਂ ਵਿੱਚ ਇੱਕ ਵਾਰ ਹੋਣ ਵਾਲੀ ਵਿਸ਼ਵ ਹਿੰਦੂ ਕਾਨਫਰੰਸ (ਡਬਲਯੂ.ਐੱਚ.ਸੀ.) ਦੇ ਤੀਜੇ ਸੰਸਕਰਨ ਦਾ ਵਿਸ਼ਾ ਹੈ 'ਜਸਿਆ ਆਯਤਨਮ ਧਰਮ' ਜਿਸਦਾ ਅਰਥ ਹੈ 'ਧਰਮ, ਜਿੱਤ ਦਾ ਘਰ' ਹੈ। 

ਇਹ ਵੀ ਪੜ੍ਹੋ - ਪੈਸੇ ਨਾਲ ਜੁੜੀਆਂ ਇਹ 5 ਆਦਤਾਂ ਬਦਲ ਸਕਦੀਆਂ ਹਨ ਤੁਹਾਡੀ ਜ਼ਿੰਦਗੀ, ਜ਼ਰੂਰ ਦਿਓ ਧਿਆਨ

ਦੱਸ ਦੇਈਏ ਕਿ ਇਸ ਵਿੱਚ ਹਿੰਦੂਆਂ ਦੀਆਂ ਕਦਰਾਂ-ਕੀਮਤਾਂ, ਰਚਨਾਤਮਕਤਾ ਅਤੇ ਉੱਦਮੀ ਭਾਵਨਾ ਨੂੰ ਪ੍ਰਗਟ ਕਰਨ ਲਈ ਸੱਤ ਸਮਾਨਾਂਤਰ ਸੈਸ਼ਨ ਹੁੰਦੇ ਹਨ। ਸਮਾਗਮ ਦੀ ਆਯੋਜਕ ਟੀਮ ਦੇ ਮੈਂਬਰ ਸਮੀਰ ਪਾਂਡਾ ਨੇ ਕਿਹਾ, ''ਸਮਾਂਤਰ ਸੈਸ਼ਨਾਂ 'ਚ ਦੁਨੀਆ ਭਰ ਦੇ ਹਿੰਦੂਆਂ ਦੇ ਸਾਹਮਣੇ ਆਉਣ ਵਾਲੇ ਮੌਕਿਆਂ ਅਤੇ ਚੁਣੌਤੀਆਂ ਨੂੰ ਨਿਪਟਾਉਣ 'ਤੇ ਚਰਚਾ ਕੀਤੀ ਜਾਵੇਗੀ।'' ਆਰਐੱਸਐੱਸ ਦੇ ਸਰਕਾਰੀਵਾਹ ਦੱਤਾਤ੍ਰੇਯ ਹੋਸਾਬਲੇ, ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ, ਮਾਤਾ ਅੰਮ੍ਰਿਤਾਨੰਦਮਈ, ਯੋਗੇਂਦਰ ਗਿਰੀ ਵਰਗੇ ਅਧਿਆਤਮਿਕ ਆਗੂ, ਦਿੱਲੀ ਯੂਨੀਵਰਸਿਟੀ ਦੇ ਵਾਈਸ-ਚਾਂਸਲਰ ਯੋਗੇਸ਼ ਸਿੰਘ, ਸ਼੍ਰੀਧਰ ਵੈਂਬੂ, ਨਰਿੰਦਰ ਮੁਰਕੁੰਬੀ, ਲੇਖਕ ਵਿਕਰਮ ਸੰਪਤ, ਵਿਗਿਆਨੀ ਆਨੰਦ ਰੰਗਨਾਥਨ ਸਮੇਤ ਉੱਦਮੀ ਤਿੰਨ ਦਿਨਾਂ ਸੰਮੇਲਨ ਨੂੰ ਸੰਬੋਧਨ ਕਰਨ ਦੀ ਉਮੀਦ ਹੈ। 

ਇਹ ਵੀ ਪੜ੍ਹੋ - 22 ਦਿਨਾਂ 'ਚ ਹੋਣਗੇ 38 ਲੱਖ ਵਿਆਹ, 4.47 ਲੱਖ ਕਰੋੜ ਦੇ ਕਾਰੋਬਾਰ ਦੀ ਉਮੀਦ, ਭਲਕੇ ਸ਼ੁਰੂ ਹੋਵੇਗਾ ਮਹੂਰਤ

ਇਸ ਤੋਂ ਇਲਾਵਾ, ਕੀਨੀਆ, ਆਸਟ੍ਰੇਲੀਆ, ਸੂਰੀਨਾਮ, ਜਰਮਨੀ, ਨਿਊਜ਼ੀਲੈਂਡ ਅਤੇ ਥਾਈਲੈਂਡ ਵਰਗੇ ਦੇਸ਼ਾਂ ਦੇ ਰਾਜਨੀਤਿਕ ਅਤੇ ਵਪਾਰਕ ਨੇਤਾਵਾਂ ਦੇ ਵੀ ਕਾਨਫਰੰਸ ਵਿੱਚ ਹਿੱਸਾ ਲੈਣ ਦੀ ਉਮੀਦ ਹੈ। ਪਾਂਡਾ ਨੇ ਕਿਹਾ ਕਿ ਕਾਨਫਰੰਸ ਰਾਹੀਂ ਸਾਰੇ ਹਿੰਦੂ ਨੇਤਾਵਾਂ, ਕਾਰਕੁਨਾਂ, ਚਿੰਤਕਾਂ ਅਤੇ ਪ੍ਰਭਾਵਸ਼ਾਲੀ ਲੋਕਾਂ ਨੂੰ ਇਕੱਠੇ ਹੋ ਕੇ ਆਪਣੇ ਵਿਚਾਰ ਸਾਂਝੇ ਕਰਨ ਦਾ ਮੌਕਾ ਮਿਲੇਗਾ। WHC ਦੇ ਪਹਿਲੇ ਐਡੀਸ਼ਨ 2014 ਵਿੱਚ ਦਿੱਲੀ ਅਤੇ 2018 ਵਿੱਚ ਸ਼ਿਕਾਗੋ ਵਿੱਚ ਆਯੋਜਿਤ ਕੀਤੇ ਗਏ ਸਨ।

ਇਹ ਵੀ ਪੜ੍ਹੋ - ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਹੋਇਆ ਵਾਧਾ, ਜਾਣੋ ਅੱਜ ਦੇ ਤਾਜ਼ਾ ਭਾਅ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8