ਦੁਨੀਆ ਦੇ ਸਭ ਤੋਂ ਵੱਡੇ ਮਗਰਮੱਛ ਦੀ ਮੌਤ

ਸਿਡਨੀ : ਆਸਟ੍ਰੇਲੀਆ ਵਿਚ ਦੁਨੀਆ ਦੇ ਸਭ ਤੋਂ ਵੱਡੇ ਕੈਦੀ ਮਗਰਮੱਛ ਦੀ ਮੌਤ ਹੋ ਗਈ। ਇਸ ਮਗਰਮੱਛ ਦਾ ਨਾਂ ਕੈਸੀਅਸ ਸੀ। ਕੈਸੀਅਸ 5.48 ਮੀਟਰ (18 ਫੁੱਟ) ਲੰਬਾ ਸੀ। ਇਸ ਨੇ ਮਨੁੱਖੀ ਕੈਦ ਵਿੱਚ ਸਭ ਤੋਂ ਵੱਡੇ ਮਗਰਮੱਛ ਵਜੋਂ ਵਿਸ਼ਵ ਰਿਕਾਰਡ ਬਣਾਇਆ। ਸ਼ਨੀਵਾਰ ਨੂੰ ਆਸਟ੍ਰੇਲੀਆਈ ਵਾਈਲਡਲਾਈਫ ਸੈਂਚੂਰੀ ਨੇ ਇਸ ਵਿਸ਼ਾਲ ਪਾਲਤੂ ਮਗਰਮੱਛ ਦੀ ਮੌਤ ਦੀ ਪੁਸ਼ਟੀ ਕੀਤੀ। ਮੰਨਿਆ ਜਾਂਦਾ ਹੈ ਕਿ ਉਹ 110 ਸਾਲ ਤੋਂ ਵੱਧ ਉਮਰ ਦਾ ਸੀ।

ਸੈੰਕਚੂਰੀ ਨੇ ਕਿਹਾ- ਕੈਸੀਅਸ ਦੀ ਆਵੇਗੀ ਯਾਦ

Marineland Melanesia Crocodile Habitat ਨੇ ਫੇਸਬੁੱਕ 'ਤੇ ਕਿਹਾ ਕਿ ਕੈਸੀਅਸ ਦਾ ਵਜ਼ਨ ਇਕ ਟਨ ਤੋਂ ਜ਼ਿਆਦਾ ਸੀ ਅਤੇ 15 ਅਕਤੂਬਰ ਤੋਂ ਉਸ ਦੀ ਸਿਹਤ ਖਰਾਬ ਸੀ। ਕੁਈਨਜ਼ਲੈਂਡ ਸੈਰ-ਸਪਾਟਾ ਸ਼ਹਿਰ ਕੇਅਰਨਜ਼ ਨੇੜੇ ਗ੍ਰੀਨ ਆਈਲੈਂਡ 'ਤੇ ਅਧਾਰਤ ਸੰਸਥਾ ਦੀ ਇੱਕ ਪੋਸਟ ਅਨੁਸਾਰ,"ਉਹ ਬਹੁਤ ਬੁੱਢਾ ਸੀ ਅਤੇ ਮੰਨਿਆ ਜਾਂਦਾ ਸੀ ਕਿ ਉਹ ਇੱਕ ਜੰਗਲੀ ਮਗਰਮੱਛ ਤੋਂ ਵੱਧ ਜ਼ਿੰਦਾ ਰਿਹਾ ਸੀ।" ਵਾਈਲਡਲਾਈਫ ਸੈਂਚੁਰੀ ਨੇ ਕਿਹਾ,''ਕੈਸੀਅਸ ਦੀ ਬਹੁਤ ਯਾਦ ਆਵੇਗੀ, ਪਰ ਸਾਡਾ ਪਿਆਰ ਅਤੇ ਉਸ ਦੀਆਂ ਯਾਦਾਂ ਹਮੇਸ਼ਾ ਸਾਡੇ ਦਿਲਾਂ ਵਿੱਚ ਰਹਿਣਗੀਆਂ।" 

ਪੜ੍ਹੋ ਇਹ ਅਹਿਮ ਖ਼ਬਰ-ਸ਼੍ਰੀਲੰਕਾ : ਸੰਸਦੀ ਚੋਣਾਂ ਨਾਲ ਸਬੰਧਤ ਸ਼ਿਕਾਇਤਾਂ ਦੇ ਮਾਮਲਿਆਂ 'ਚ 190 ਤੋਂ ਵੱਧ ਲੋਕ ਗ੍ਰਿਫ਼ਤਾਰ 

ਆਪਣੇ ਨਾਂ ਕੀਤਾ ਵਿਸ਼ਵ ਰਿਕਾਰਡ 

ਸਮੂਹ ਦੀ ਵੈੱਬਸਾਈਟ ਨੇ ਕਿਹਾ ਕਿ ਉਹ 1987 ਤੋਂ ਇਸ ਸਥਾਨ 'ਤੇ ਰਹਿ ਰਿਹਾ ਸੀ। ਉਸਨੂੰ ਗੁਆਂਢੀ ਉੱਤਰੀ ਪ੍ਰਦੇਸ਼ ਤੋਂ ਲਿਆਂਦਾ ਗਿਆ ਸੀ, ਜਿੱਥੇ ਮਗਰਮੱਛ ਖੇਤਰ ਦੇ ਸੈਰ-ਸਪਾਟਾ ਉਦਯੋਗ ਦਾ ਇੱਕ ਮਹੱਤਵਪੂਰਨ ਹਿੱਸਾ ਹਨ। ਕੈਸੀਅਸ ਖਾਰੇ ਪਾਣੀ ਦਾ ਮਗਰਮੱਛ ਸੀ। ਇਸ ਨੇ ਕੈਦ ਵਿਚ ਰਹਿਣ ਦਾ ਦੁਨੀਆ ਦੇ ਸਭ ਤੋਂ ਵੱਡੇ ਮਗਰਮੱਛ ਦੇ ਤੌਰ 'ਤੇ ਗਿਨੀਜ਼ ਵਰਲਡ ਰਿਕਾਰਡ ਦਾ ਖਿਤਾਬ ਆਪਣੇ ਨਾਂ ਕੀਤਾ। ਗਿਨੀਜ਼ ਅਨੁਸਾਰ ਇਸ ਨੇ 2013 ਵਿੱਚ ਫਿਲੀਪੀਨਜ਼ ਦੇ ਮਗਰਮੱਛ ਲੋਲੋਂਗ ਦੀ ਮੌਤ ਤੋਂ ਬਾਅਦ ਇਹ ਖਿਤਾਬ ਜਿੱਤਿਆ, ਜੋ ਕਿ 6.17 ਮੀਟਰ (20 ਫੁੱਟ 3 ਇੰਚ) ਲੰਬਾ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।