ਭਾਰਤੀਆਂ ਲਈ Visa-free ਹੋਵੇਗਾ Russia

ਮਾਸਕੋ- ਰੂਸ ਜਾਣ ਦੀ ਯੋਜਨਾ ਬਣਾ ਰਹੇ ਭਾਰਤੀਆਂ ਲਈ ਚੰਗੀ ਖ਼ਬਰ ਹੈ। ਰੂਸ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ 2025 ਦੀ ਬਸੰਤ ਤੱਕ ਭਾਰਤ ਤੋਂ ਪਹਿਲੇ ਵੀਜ਼ਾ-ਮੁਕਤ ਸੈਲਾਨੀ ਸਮੂਹਾਂ ਦੇ ਮਾਸਕੋ ਦੀ ਯਾਤਰਾ ਕਰਨ ਦੀ ਉਮੀਦ ਹੈ। ਮਾਸਕੋ ਸਿਟੀ ਟੂਰਿਜ਼ਮ ਕਮੇਟੀ ਦੇ ਚੇਅਰਮੈਨ ਇਵਗੇਨੀ ਕੋਜ਼ਲੋਵ ਦੁਆਰਾ ਪੁਸ਼ਟੀ ਕੀਤੀ ਗਈ ਇਸ ਫ਼ੈਸਲੇ ਨਾਲ ਮਾਸਕੋ ਆਉਣ ਵਾਲੇ ਭਾਰਤੀ ਯਾਤਰੀਆਂ ਦੀ ਸੰਖਿਆ ਵਿੱਚ ਵਾਧਾ ਹੋਣ ਦੀ ਸੰਭਾਵਨਾ ਹੈ।

ਕੋਜ਼ਲੋਵ ਨੇ ਕਿਹਾ,"2024 ਦੀ ਪਹਿਲੀ ਛਿਮਾਹੀ ਵਿੱਚ 28,500 ਭਾਰਤੀ ਯਾਤਰੀਆਂ ਨੇ ਰੂਸ ਦੀ ਰਾਜਧਾਨੀ ਦਾ ਦੌਰਾ ਕੀਤਾ ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ ਦੇ ਮੁਕਾਬਲੇ 1.5 ਗੁਣਾ ਵੱਧ ਹੈ।" ਉਨ੍ਹਾਂ ਨੇ ਅੱਗੇ ਕਿਹਾ,"2023 ਵਿੱਚ ਗੈਰ-ਸੀ.ਆਈ.ਐਸ ਦੇਸ਼ਾਂ ਵਿੱਚ ਮਾਸਕੋ ਆਉਣ ਵਾਲੇ ਯਾਤਰੀਆਂ ਦੀ ਗਿਣਤੀ ਦੇ ਮਾਮਲੇ ਵਿੱਚ ਭਾਰਤ ਮੋਹਰੀ ਦੇਸ਼ਾਂ ਦੀ ਸੂਚੀ ਵਿੱਚ ਸ਼ਾਮਲ ਹੋ ਗਿਆ। ਪੂਰੇ ਸਾਲ ਵਿੱਚ ਭਾਰਤ ਤੋਂ 60,000 ਤੋਂ ਵੱਧ ਯਾਤਰੀਆਂ ਨੇ ਰੂਸੀ ਰਾਜਧਾਨੀ ਦਾ ਦੌਰਾ ਕੀਤਾ, ਜੋ ਕਿ 2022 ਦੇ ਅੰਕੜਿਆਂ ਤੋਂ 26 ਫੀਸਦੀ ਵੱਧ ਹੈ।'' ਭਾਰਤੀ ਨਾਗਰਿਕਾਂ ਵਿੱਚ ਮਾਸਕੋ ਦੀ ਯਾਤਰਾ ਦੇ ਸਭ ਤੋਂ ਪ੍ਰਸਿੱਧ ਉਦੇਸ਼ ਕਾਰੋਬਾਰ ਅਤੇ ਕੰਮ ਨਾਲ ਸਬੰਧਤ ਕਾਰਨ ਹਨ।

ਪੜ੍ਹੋ ਇਹ ਅਹਿਮ ਖ਼ਬਰ-Canada 'ਚ ਵੱਧ ਰਹੇ ਪ੍ਰਵਾਸ ਨੂੰ ਲੈ ਕੇ ਵੱਡੀ ਖ਼ਬਰ, ਤਾਜ਼ਾ ਰਿਪੋਰਟ ਨੇ ਵਧਾਈ ਚਿੰਤਾ

ਇਸ ਸਾਲ ਦੀ ਪਹਿਲੀ ਤਿਮਾਹੀ ਵਿੱਚ ਵਪਾਰਕ ਸੈਲਾਨੀਆਂ ਦੀ ਗਿਣਤੀ ਲਈ ਗੈਰ-ਸੀ.ਆਈ.ਐਸ ਦੇਸ਼ਾਂ ਦੇ ਸੈਲਾਨੀਆਂ ਵਿੱਚ ਭਾਰਤ ਤੀਜੇ ਸਥਾਨ 'ਤੇ ਸੀ। ਪਿਛਲੇ ਸਾਲ 1 ਅਗਸਤ ਤੋਂ ਭਾਰਤ ਦੇ ਯਾਤਰੀ ਈ-ਵੀਜ਼ਾ ਲਈ ਅਰਜ਼ੀ ਦੇ ਸਕਦੇ ਹਨ। ਈ-ਵੀਜ਼ਾ ਜਾਰੀ ਕਰਨ ਵਿੱਚ ਲਗਭਗ ਚਾਰ ਦਿਨ ਲੱਗਦੇ ਹਨ। ਉਸ ਨੇ ਦੱਸਿਆ,"ਪਿਛਲੇ ਸਾਲ ਭਾਰਤ ਨੇ ਜਾਰੀ ਕੀਤੇ ਈ-ਵੀਜ਼ਿਆਂ ਦੀ ਮਾਤਰਾ ਦੇ ਮਾਮਲੇ ਵਿੱਚ ਚੋਟੀ ਦੇ ਪੰਜ ਦੇਸ਼ਾਂ ਵਿੱਚ ਪ੍ਰਵੇਸ਼ ਕੀਤਾ। ਕੁੱਲ ਮਿਲਾ ਕੇ ਭਾਰਤੀਆਂ ਨੂੰ 9,500 ਹਜ਼ਾਰ ਇਲੈਕਟ੍ਰਾਨਿਕ ਵੀਜ਼ੇ ਜਾਰੀ ਕੀਤੇ ਗਏ, ਜੋ ਕਿ ਵਿਦੇਸ਼ੀਆਂ ਦੁਆਰਾ ਰੂਸ ਜਾਣ ਲਈ ਪ੍ਰਾਪਤ ਇਲੈਕਟ੍ਰਾਨਿਕ ਵੀਜ਼ਿਆਂ ਦੀ ਕੁੱਲ ਸੰਖਿਆ ਦਾ 6% ਹੈ। ਉਸ ਨੇ ਅੱਗੇ ਕਿਹਾ,“ਇਸ ਸਾਲ ਜਨਵਰੀ ਵਿੱਚ ਭਾਰਤੀ ਸੈਲਾਨੀਆਂ ਨੂੰ ਲਗਭਗ 1700 ਇਲੈਕਟ੍ਰਾਨਿਕ ਵੀਜ਼ੇ ਜਾਰੀ ਕੀਤੇ ਗਏ ਸਨ।” 

ਕੋਜ਼ਲੋਵ ਨੇ ਕਿਹਾ ਕਿ ਰੂਸ ਦੀ ਰਾਜਧਾਨੀ ਇਸ ਦੇ ਸਾਲ ਭਰ ਦੇ ਤਿਉਹਾਰਾਂ, ਪ੍ਰਦਰਸ਼ਨੀਆਂ, ਸੰਮੇਲਨਾਂ ਅਤੇ ਕਾਨਫਰੰਸਾਂ ਦੇ ਨਾਲ ਈਵੈਂਟ ਅਤੇ ਕਾਰੋਬਾਰੀ ਸੈਰ-ਸਪਾਟਾ ਲਈ 'ਮਹੱਤਵਪੂਰਨ ਕੇਂਦਰ' ਬਣ ਗਈ ਹੈ। ਰੂਸ ਸੈਲਾਨੀਆਂ ਦੀ ਸੰਭਾਵਿਤ ਆਮਦ ਨੂੰ ਸੰਭਾਲਣ ਲਈ 2030 ਤੱਕ 25,700 ਹੋਟਲ ਕਮਰੇ ਬਣਾਉਣ ਦੀ ਯੋਜਨਾ ਬਣਾ ਰਿਹਾ ਹੈ ਅਤੇ ਹੋਰ ਭਾਰਤੀ ਵਿਆਹਾਂ ਨੂੰ ਆਕਰਸ਼ਿਤ ਕਰਨ ਦੀ ਵੀ ਉਮੀਦ ਕਰ ਰਿਹਾ ਹੈ। ਰਿਕਾਰਡਾਂ ਮੁਤਾਬਕ ਰੂਸ ਦੀਆਂ ਕੁਝ ਮੁੱਖ ਵਿਸ਼ੇਸ਼ਤਾਵਾਂ ਜੋ ਭਾਰਤੀ ਸੈਲਾਨੀਆਂ ਨੂੰ ਲੁਭਾਉਂਦੀਆਂ ਹਨ ਉਹ ਮਨੋਰੰਜਨ, ਸੱਭਿਆਚਾਰਕ ਖੋਜ ਅਤੇ ਕਾਰੋਬਾਰ ਹਨ। ਇਸ ਦੌਰਾਨ ਰਿਕਾਰਡਾਂ ਅਨੁਸਾਰ ਕੰਮ ਅਤੇ ਵਪਾਰਕ ਉਦੇਸ਼ਾਂ ਲਈ ਯਾਤਰਾ ਦੀ ਪ੍ਰਸਿੱਧੀ ਵਧਣ ਕਾਰਨ ਭਾਰਤ ਮਾਸਕੋ ਵਿੱਚ ਵਪਾਰਕ ਸੈਰ-ਸਪਾਟੇ ਲਈ ਇੱਕ ਪ੍ਰਮੁੱਖ ਬਾਜ਼ਾਰ ਵਜੋਂ ਉੱਭਰਿਆ ਹੈ।ਇਹ ਵੀਜ਼ਾ-ਮੁਕਤ ਯਾਤਰਾ ਪਹਿਲਕਦਮੀ ਨਾ ਸਿਰਫ਼ ਭਾਰਤੀ ਸੈਲਾਨੀਆਂ ਲਈ ਰੂਸ ਜਾਣ ਦੀ ਪ੍ਰਕਿਰਿਆ ਨੂੰ ਸਰਲ ਕਰੇਗੀ, ਸਗੋਂ ਭਾਰਤ ਅਤੇ ਰੂਸ ਵਿਚਕਾਰ ਸੱਭਿਆਚਾਰਕ ਅਤੇ ਆਰਥਿਕ ਸਬੰਧਾਂ ਨੂੰ ਵੀ ਮਜ਼ਬੂਤ ​​ਕਰੇਗੀ। ਇਹ ਭਾਰਤੀ ਯਾਤਰੀਆਂ ਨੂੰ ਯਾਤਰਾ ਦੀ ਸਹੂਲਤ ਵੀ ਦੇਵੇਗਾ ਅਤੇ ਉਨ੍ਹਾਂ ਨੂੰ ਦੇਸ਼ ਦੀ ਮੁਸ਼ਕਲ ਰਹਿਤ ਯਾਤਰਾ ਦੀ ਯੋਜਨਾ ਬਣਾਉਣ ਵਿੱਚ ਸਹਾਇਤਾ ਕਰੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।