ਅਮਰੀਕੀ ਮਿਡਟਰਮ ਚੋਣਾਂ ''ਤੇ ਟਿਕੀਆਂ ਦੁਨੀਆ ਦੀਆਂ ਚੋਣਾਂ ! ਲੈਟਿਨ ਵੋਟਰ ਨਿਭਾਉਣਗੇ ਸਭ ਤੋਂ ਅਹਿਮ ਰੋਲ

ਇੰਟਰਨੈਸ਼ਨਲ ਡੈਸਕ- ਅਮਰੀਕਾ 'ਚ 3 ਨਵੰਬਰ ਨੂੰ ਹੋਣ ਜਾ ਰਹੀਆਂ ਮਿਡਟਰਮ ਸੰਸਦੀ ਚੋਣਾਂ 'ਚ ਲੈਟਿਨ (ਦੱਖਣੀ ਅਮਰੀਕੀ) ਵੋਟਰ ਇੱਕ ਫੈਸਲਾਕੁੰਨ ਭੂਮਿਕਾ ਨਿਭਾਉਣ ਜਾ ਰਹੇ ਹਨ। 2024 ਦੀਆਂ ਰਾਸ਼ਟਰਪਤੀ ਚੋਣਾਂ ਵਿੱਚ ਡੋਨਾਲਡ ਟਰੰਪ ਨੂੰ ਲੈਟਿਨ ਭਾਈਚਾਰੇ ਤੋਂ ਰਿਕਾਰਡ 48 ਫ਼ੀਸਦੀ ਸਮਰਥਨ ਮਿਲਿਆ ਸੀ, ਜੋ 2020 ਦੇ 32 ਫ਼ੀਸਦੀ ਨਾਲੋਂ ਕਿਤੇ ਵੱਧ ਸੀ। ਹਾਲਾਂਕਿ, 2026 ਦੀਆਂ ਇਨ੍ਹਾਂ ਚੋਣਾਂ ਵਿੱਚ ਹਾਊਸ ਆਫ਼ ਰਿਪ੍ਰੈਂਜ਼ੇਟੇਟਿਵਜ਼ ਦੀਆਂ ਸਾਰੀਆਂ 435 ਸੀਟਾਂ ਅਤੇ ਸੈਨੇਟ ਦੀਆਂ ਇੱਕ-ਤਿਹਾਈ ਸੀਟਾਂ 'ਤੇ ਕਬਜ਼ੇ ਲਈ ਡੈਮੋਕ੍ਰੇਟਿਕ ਅਤੇ ਰਿਪਬਲਿਕਨ ਪਾਰਟੀਆਂ ਵਿਚਕਾਰ ਫਸਵੀਂ ਟੱਕਰ ਦੇਖਣ ਨੂੰ ਮਿਲ ਰਹੀ ਹੈ।

ਅਮਰੀਕਾ 'ਚ ਕੁੱਲ ਵੋਟਰਾਂ ਦਾ 15 ਫ਼ੀਸਦੀ ਹਿੱਸਾ ਲਾਤੀਨੀ ਭਾਈਚਾਰਾ ਹੈ। ਟੈਕਸਾਸ-ਮੈਕਸੀਕੋ ਬਾਰਡਰ ਏਰੀਏ 'ਚ ਇਹ ਵੋਟ ਬੈਂਕ ਚੋਣ ਨਤੀਜਿਆਂ ਨੂੰ ਬਦਲਣ ਦੀ ਪੂਰੀ ਸਮਰੱਥਾ ਰੱਖਦਾ ਹੈ। 2025 ਦੀਆਂ ਨਿਊ ਜਰਸੀ ਅਤੇ ਵਰਜੀਨੀਆ ਦੇ ਗਵਰਨਰ ਚੋਣਾਂ ਵਿੱਚ ਡੈਮੋਕ੍ਰੇਟਿਕ ਉਮੀਦਵਾਰਾਂ ਨੇ ਲਾਤੀਨੀ ਵੋਟਾਂ ਵਿੱਚ ਟਰੰਪ ਦੀ 2024 ਵਾਲੀ ਬੜ੍ਹਤ ਨੂੰ ਪਛਾੜ ਦਿੱਤਾ ਸੀ। ਇਸ ਤੋਂ ਇਲਾਵਾ, ਟੈਕਸਾਸ ਵਿੱਚ ਡੈਮੋਕ੍ਰੇਟਿਕ ਪ੍ਰਾਇਮਰੀਜ਼ ਦੌਰਾਨ ਲੈਟਿਨ ਵੋਟਰਾਂ ਦੀ ਵੱਡੀ ਸ਼ਮੂਲੀਅਤ ਨੇ ਸੈਨੇਟ ਸੀਟ 'ਤੇ ਉਨ੍ਹਾਂ ਦੀਆਂ ਦਾਅਵੇਦਾਰੀਆਂ ਨੂੰ ਮਜ਼ਬੂਤ ਕੀਤਾ ਹੈ।

ਇਹ ਵੀ ਪੜ੍ਹੋ- ਮਿਡਲ ਈਸਟ 'ਚ ਹੋਣ ਜਾ ਰਿਹੈ ਕੁਝ 'ਵੱਡਾ' ! ਅਮਰੀਕਾ ਨੇ ਇਜ਼ਰਾਈਲ ਵੱਲ ਭੇਜੇ ਲੜਾਕੂ ਜਹਾਜ਼

ਅਕਤੂਬਰ 2026 'ਚ ਜਾਰੀ ਇਕ ਸਰਵੇ ਅਨੁਸਾਰ, ਹਾਊਸ ਆਫ ਰਿਪ੍ਰੈਂਜ਼ੇਟੇਟਿਵਜ਼ ਦੀਆਂ ਚੋਣਾਂ 'ਚ ਰਜਿਸਟਰਡ ਲੈਟਿਨ ਵੋਟਰਾਂ 'ਚ ਡੈਮੋਕ੍ਰੇਟਿਕ ਉਮੀਦਵਾਰਾਂ ਨੂੰ 51 ਫ਼ੀਸਦੀ ਸਮਰਥਨ ਪ੍ਰਾਪਤ ਹੈ, ਜਦਕਿ ਰਿਪਬਲਿਕਨਾਂ ਨੂੰ 24 ਫ਼ੀਸਦੀ ਵੋਟਰਾਂ ਦਾ ਸਮਰਥਨ ਹਾਸਲ ਹੈ। ਲਾਤੀਨੀ ਵੋਟਰਾਂ ਲਈ ਸਭ ਤੋਂ ਵੱਡਾ ਮੁੱਦਾ ਮਹਿੰਗਾਈ, ਰਹਿਣ-ਸਹਿਣ ਦੀ ਲਾਗਤ, ਰੁਜ਼ਗਾਰ ਅਤੇ ਹੈਲਥ ਸਰਵਿਸਿਜ਼ ਹਨ। ਇਸ ਤੋਂ ਇਲਾਵਾ, ਇਮੀਗ੍ਰੇਸ਼ਨ ਨੀਤੀਆਂ ਅਤੇ ਨਾਗਰਿਕ ਅਧਿਕਾਰਾਂ ਬਾਰੇ ਚਿੰਤਾਵਾਂ ਵੀ ਉਨ੍ਹਾਂ ਦੇ ਵੋਟਿੰਗ ਦੇ ਫੈਸਲੇ 'ਤੇ ਅਸਰ ਪਾ ਰਹੀਆਂ ਹਨ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e