ਅਰਬ-ਅਮੈਰੀਕਨ ਮੁਸਲਿਮ ਵਿਦਿਆਰਥੀ ਨੂੰ ਅੱਤਵਾਦੀ ਕਹਿਣ ''ਤੇ ਅਧਿਆਪਕ ਮੁਅੱਤਲ
10/27/2021 1:01:00 PM
ਨਿਊਜਰਸੀ (ਰਾਜ ਗੋਗਨਾ): ਅਰਬ-ਅਮੈਰੀਕਨ ਮੁਸਲਿਮ ਵਿਦਿਆਰਥੀ ਨੂੰ ਸਕੂਲ ਵਿਚ ਇਕ ਅਧਿਆਪਕ ਵੱਲੋਂ 'ਅਸੀਂ ਅੱਤਵਾਦੀਆਂ ਨਾਲ ਗੱਲਬਾਤ ਨਹੀਂ ਕਰਦੇ' ਸ਼ਬਦ ਕਹੇ ਗਏ ਸਨ। ਹੁਣ ਉਸ ਦੇ ਸੰਬੰਧ ਵਿਚ ਨਿਊਜਰਸੀ ਸੂਬੇ ਦੇ ਰਿਜਫੀਲਡ ਸਕੂਲ ਡਿਸਟ੍ਰਿਕਟ ਨੇ ਸਕੂਲ ਦੇ ਇੰਸਟ੍ਰਕਟਰ ਨੂੰ ਕਲਾਸ ਤੋਂ ਬਾਹਰ ਕਰ ਦਿੱਤਾ ਹੈ ਅਤੇ ਕਿਹਾ ਹੈ ਕਿ ਇੱਥੇ ਕਿਸੇ ਵੀ ਤਰ੍ਹਾਂ ਦੇ ਵਿਤਕਰੇ ਨੂੰ ਬਿਲਕੁਲ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।
ਅਧਿਕਾਰੀਆਂ ਅਤੇ ਨੌਜਵਾਨ ਦੇ ਪਰਿਵਾਰ ਨੇ ਦੱਸਿਆ ਕਿ ਨਿਊਜਰਸੀ ਸੂਬੇ ਦੇ ਇਕ ਹਾਈ ਸਕੂਲ ਦੇ ਇੱਕ ਅਧਿਆਪਕ ਨੂੰ ਕਲਾਸ ਵਿੱਚ ਮੁਸਲਿਮ ਵਿਦਿਆਰਥੀ ਦਾ ਮਜ਼ਾਕ ਉਡਾਉਣ ਅਤੇ ਉਸ ਨੂੰ ਅੱਤਵਾਦੀ ਕਹਿਣ ਦੇ ਦੋਸ਼ ਵਿੱਚ ਮੁਅੱਤਲ ਕਰ ਦਿੱਤਾ ਗਿਆ ਹੈ।ਪਰਿਵਾਰ ਨੇ ਦੱਸਿਆ ਕਿ ਨਿਉੂਜਰਸੀ ਸੂਬੇ ਦੇ ਰਿਜਫੀਲਡ ਮੈਮੋਰੀਅਲ ਹਾਈ ਸਕੂਲ ਦਾ 17 ਸਾਲਾ ਵਿਦਿਆਰਥੀ, ਜਿਸ ਦਾ ਨਾਂ ਮੁਹੰਮਦ ਜ਼ੂਬੀ ਹੈ, ਉਸ ਨੇ ਪਿਛਲੇ ਹਫ਼ਤੇ ਇੱਕ ਅਧਿਆਪਕ ਨੂੰ ਪੁੱਛਿਆ ਕੀ ਉਸ ਕੋਲ ਇੱਕ ਅਸਾਈਨਮੈਂਟ ਨੂੰ ਪੂਰਾ ਕਰਨ ਲਈ ਹੋਰ ਸਮਾਂ ਹੋ ਸਕਦਾ ਹੈ। ਇਸ ਦੇ ਜਵਾਬ ਵਿਚ ਉਸ ਸਮੇਂ ਇੰਸਟ੍ਰਕਟਰ ਨੇ ਕਥਿਤ ਤੌਰ 'ਤੇ ਚੁਟਕੀ ਲਈ ਅਤੇ ਕਿਹਾ ਕਿ "ਅਸੀਂ ਨਹੀਂ ਕਰਦੇ ਅੱਤਵਾਦੀਆਂ ਨਾਲ ਗੱਲਬਾਤ"।
ਪੜ੍ਹੋ ਇਹ ਅਹਿਮ ਖਬਰ -ਅਨੀਤਾ ਆਨੰਦ ਨੇ ਰੱਖਿਆ ਮੰਤਰੀ ਬਣਾਉਣ ਲਈ ਪ੍ਰਧਾਨ ਮੰਤਰੀ ਟਰੂਡੋ ਦਾ ਕੀਤਾ ਧੰਨਵਾਦ
ਇਸ ਸੰਬੰਧ ਵਿਚ "ਕੌਂਸਲ ਆਨ ਅਮਰੀਕਨ-ਇਸਲਾਮਿਕ ਰਿਲੇਸ਼ਨਸ, ਜਾਂ ਸੀਏਆਈਆਰ ਦੇ ਕਾਰਜਕਾਰੀ ਨਿਰਦੇਸ਼ਕ, ਸੈਲਾਦੀਨ ਮਕਸੂਤ ਨੇ ਪਰਿਵਾਰ ਦੀ ਤਰਫੋਂ ਬੋਲਦੇ ਹੋਏ ਕਿਹਾ,"ਇਹ ਅਰਬਾਂ ਅਤੇ ਮੁਸਲਮਾਨਾਂ ਦੇ ਵਿਰੁੱਧ ਰੂੜ੍ਹੀਵਾਦੀ ਧਾਰਨਾਵਾਂ ਨੂੰ ਕਾਇਮ ਰੱਖਦਾ ਹੈ ਅਤੇ ਇੱਕ ਅਧਿਆਪਕ ਦੁਆਰਾ ਕਲਾਸਰੂਮ ਵਿੱਚ ਵਰਤੇ ਗਏ ਸ਼ਬਦ ਬਹੁਤ ਚਿੰਤਾਜਨਕ ਹਨ।" ਉੱਧਰ ਰਿਜਫੀਲਡ ਸਕੂਲ ਡਿਸਟ੍ਰਿਕਟ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਇਹ "ਕਿਸੇ ਵੀ ਵਿਦਿਆਰਥੀ ਜਾਂ ਸਟਾਫ ਮੈਂਬਰ ਦੇ ਵਿਰੁੱਧ ਕਿਸੇ ਵੀ ਤਰ੍ਹਾਂ ਦੇ ਵਿਤਕਰੇ ਲਈ ਬਿਲਕੁਲ ਵੀ ਸਹਿਣਸ਼ੀਲਤਾ ਨਹੀਂ ਹੈ" ਅਤੇ ਇਹ ਕਿ "ਇੱਕ ਸਮਾਵੇਸ਼ੀ ਮਾਹੌਲ ਬਣਾਉਣ ਦੀ ਕੋਸ਼ਿਸ਼ ਕਰਦੇ ਹਾਂ, ਜਿੱਥੇ ਵਿਦਿਆਰਥੀਆਂ ਅਤੇ ਸਟਾਫ ਮੈਂਬਰਾਂ ਦੀ ਨਸਲ, ਧਰਮ, ਰਾਸ਼ਟਰੀ ਮੂਲ ਅਤੇ ਜਿਨਸੀ ਰੁਝਾਨ ਨੂੰ ਅਪਣਾਇਆ ਜਾਂਦਾ ਹੈ।" ਉਸ ਅਧਿਆਪਕ, ਜਿਸ ਨੂੰ ਜ਼ਿਲ੍ਹਾ ਜਾਂਚ ਦੌਰਾਨ ਮੁਅੱਤਲ ਕਰ ਦਿੱਤਾ ਗਿਆ ਹੈ।
